ಸುಮ್ಮನ್ಯಾತಕೆ ಕಾಲಕಳೆಯುವಿಯೋ ಹೇ
ಸುಮ್ಮನ್ಯಾತಕೆ ಕಾಲಕಳಯುವಿ ಪ
ಬ್ರಹ್ಮನಯ್ಯನ ವಿಮಲ ಚರಣ
ಒಮ್ಮನದಿಂ ಪೊಗಳುತನುದಿನ
ನಿರ್ಮಲಪದವಿ ಸಂಪಾದಿಸದೆ ನೀ ಅ.ಪ
ಮತ್ತು ನಿನ್ನಗೆ ಹತ್ತಿ ಬರುವುದೆ
ನಿತ್ಯ ವೆನಿಪತ್ಯಧಿಕ ಸಮಯವು
ಸತ್ಯ ಸರ್ವೋತ್ತಮನ ಪಾದವ
ನಿತ್ಯ ಪಾಡುತ ಸಾರ್ಥಕ್ಹೊಂದದೆ 1
ಮೃತ್ಯುಬಾಧೆಯ ಗೆಲಿಸಿ ನಿನ್ನ ಪ
ವಿತ್ರನೆನಿಪ ಮಹ ಮೃತ್ಯುಲೋಕದಿ
ಉತ್ಪತ್ತಿಯಾಗಿ ರಿಕ್ತಹಸ್ತದ್ಹೋಗ್ವತಿ
ಚಿತ್ತಜಪಿತನ್ನರ್ತು ಭಜಿಸದೆ 2
ಭಕ್ತಜನರು ಕೈಯೆತ್ತಿ ಪೇಳಿದ
ಸತ್ಯದೋಕ್ತಗಳ್ನಿತ್ಯವೆಂದು
ಭಕ್ತವತ್ಸಲ ಸಿರಿಯರಾಮನ
ಚಿತ್ತದರಿತು ಮುಕ್ತಿ ಪಡೆಯದೆ 3