ನೋಡುದರೊಳಗಡಗೆದ ಘನ ನೀಟ ಧ್ರುವ
ಅರವ್ಹಿನ ಮುಂದದ ಮರವ್ಹಿನ ಹಿಂದದ
ಕುರುಹು ತಿಳಿದರತಾ ಇರಹು ಅಗ್ಯದೆ 1
ಎರಡಕ ಬ್ಯಾರ್ಯದ ಮೂರಕ ಮಿರ್ಯದ
ಗುರುಕೃಪೆ ಅದರೆ ಸಾರೆ ತಾನ್ಯದ 2
ಬಾಹ್ಯಕ ದೂರ ಗುಹ್ಯಕ ಗೂಢದ
ಮಹಿಪತಿ ಮನದೊಳು ಘನವಾಗ್ಯದ 3

ಸಾಧನ ಬ್ಯಾರ್ಯದೆ ಸ್ವಹಿತ ಸಾಧನ ಬ್ಯಾರ್ಯದೆ ಧ್ರುವ
ವಿದ್ಯಾ ವ್ಯುತ್ಪತ್ತಿ ಬೀರಿದರೇನು
ರಿದ್ಧಿಸಿದ್ಧಿಯುದೋರಿದರೇನು 1
ಜಪತಪ ಮೌನಾಶ್ರಯಿಸಿದರೇನು
ಉಪವಾಸದಿ ಗೊಪೆ ಸೇರಿದರೇನು 2
ದೇಶದ್ವೀಪಾಂತರ ತಿರುಗಿದರೇನು
ವೇಷ ವೈರಾಗ್ಯವ ತೋರಿದರೇನು 3
ಭಾನುಕೋಟಿತೇಜ ಒಲಿಯದೆ ತಾನು
ಅನೇಕ ಸಾಧನಲ್ಯಾಗುವದೇನು 4
ದೀನ ಮಹಿಪತಿಸ್ವಾಮಿಯಾಶ್ರಯಧೇನು
ಮನವರ್ತದೆ ಕೈಯಗೊಡುವ ತಾನು 5