ನಂಬಬೇಕು ಹರಿಯ ನಾಮಾ ಪ
ನಾಮವೇ ಸ್ನಾನವು ನಾಮವೇ ಸಂಧ್ಯಾನವು|
ನಾಮವೇ ಜಪ ತಪ ನಾಮವೇ ಖೂನವು|
ನಾಮವೇ ಜ್ಞಾನಾ ನಾಮವೇ ಧ್ಯಾನಾ|
ನಾಮವೇ ಧಾರಣ ನಾಮ ನಿಧಾನಾ 1
ಕಾನನ ಮಾರ್ಗದಿ|
ಗುಣದ ಪಶುಪರಿ ಕಾಣದೇ ತಿರುಗುವಿ|
ಏನು ಪಲವೋ ಮತಿ ಹೀನ ಗುರು|
ಜ್ಞಾನದ ಮನಿ ನಿಧಾನದಿ ಕೇಳು2
ಪೋಡವಿಲಿ ಗಂಗೆಯ ತಡಿಯೋಳು ಕುಳಿತಿರೆ|
ಕುಡಿಯಲು ಜಲವನು ಹುಡುಕುವ ಭಾವಿಯ|
ನಡತಿದು ಛಂದವೆ ಬಿಡು ಬಿಡು ಸಂಶಯ|
ಹಿಡಿಗುರು ಮಹಿಪತಿ ಒಡಿಯನ ಬೋಧಾ3

ಹೊಂದಿ ಸುಖಿಸು ಹರಿಯ ಪಾದಾ ಧ್ರುವ
ನಾನಾ ಪುಣ್ಯ ನಿದಾನದಿ ಧರೆಯೊಳು |
ಮಾನವ ಜನುಮಕ ನೀನೀಗ ಬಂದು |
ಪರಿ ತಾ ನಿಜವರಿಯದೆ |
ಜ್ಞಾನ ಶೂನ್ಯನಾಗೇ-ನಿಹುದಣ್ಣಾ 1
ಹಿಡಿವರೇ ಭ್ರಾಂತಿಯ ಜಡಿವರೆ ಮತಿಯ |
ನುಡಿವರೇ ಪುಸಿಯನು ಬಿಡುವರೆ ಸತ್ಯವ |
ಇಡುವರೆ ದುರ್ಗಣ ಸಿಡುವರೆ ಬೋಧಕ |
ಕೆಡುವರೆ ಮರವಿಲಿ ಬಿಡುವರೆ ವ್ಯರ್ಥಾ 2
ಮೂರು ದಿನದ ಸಂಸಾರದೊಳಗ | ಕಂ |
ಸಾರಿಯ ಭಕ್ತಿಯ ಸೇರಿ |
ಸಾರ ಸ್ವಹಿತ ಸಹ |
ಕಾರಿ ಮಹಿಪತಿ ಸಾರಿದ ಬೋಧಾ3