ಏನು ಗತಿ ಎನಗಿನ್ನು ಏನು ಗತಿಯೋ ನೀನು
ಸಿರಿ ಕೃಷ್ಣ ಪ
ಕಾಯ ಮೊದಲಾದ ಬದುಕುಗಳೆಲ್ಲ
ಸ್ಥಿರತರಗಳಲ್ಲೆಂದು ತೋರಿಸಲು
ಪರಮ ಭಕುತಿಯು ಪುಟ್ಟಿ ಮೊದಲೆ ನಾ ನಿನ್ನ ಪದ
ಮರೆದು ಬಿಡುವೆನು ತಡಿಯದೇ ಕರುಣಿ 1
ಹೀಗೆ ತೋರದೆ ಪೋದರೆ ಎನಗೆ ಹಂಬಲವು
ಆಗುವುದು ಸತ್ಯಲೋಕಗಳ ತನಕ
ಭೋಗಗಳು ಕೊಟ್ಟರೆ ಮರೆವೆ ಅದರಿಂದ ನಾ
ಕೂಗುವೆನು ಕೊಡದಿದ್ದರೆ 2
ಪಾಮರನ ಮಾಡಲೆನ್ನನು ತಿಳಿಯದಲೇವೆ
ಸೀಮೆ ಇಲ್ಲದ ಪಾಪ ಮಾಡುವೆನೊ
ಪ್ರೇಮದಲಿ ಪಾಂಡಿತ್ಯ ನೀಡಿದರೆ ಭಕುತ ಜನ
ಸ್ತೋಮ ನಿಂದಿಸುವೆನಯ್ಯಾ 3
ಧನದಿಂದ ಹೀನನ್ನ ಮಾಡೆ ಲೋಕದಲಿನ್ನು
ಜನರು ಕೊಡುವುದು ಎಲ್ಲ ಎನಗೆ ಕೊಡಲೆಂಬೆ
ಧನವು ನೀ ಕೊಡಲು ಬಲು ಮದದಿಂದ ಕೆಟ್ಟು ಸ-
ಜ್ಜನಕೆ ಕಾಸೊಂದು ಕೊಡಿನೊ 4
ಏಸು ಪರಿಯಲಿ ಪೇಳಿದರು ಕೇಳೆನ್ನ ನಿಜ
ವಾಸನಿಯು ತನಗೆ ತಾನಿಟ್ಟಾಹದೈ
ವಾಸುದೇವವಿಠಲ ನೀ ಎನ್ನಯ ಮನದಲ್ಲಿ
ವಾಸವನು ಮಾಡಿ ಬೋದÉೈಸದನಕೆÀ5