ಭಕ್ತವತ್ಸಲ ಭವಭಯ ಹರನೆ
ಭಕ್ತಿ ಮುಕ್ತಿದ ಪರಿಪಾಲಿಸು ಧೀರನೆ ಪ.
ಪ್ರತಿದಿನ ಉದಯಾರಂಭಿಸಿ ನಾ ಮಾಡುವ ಪಾಪ
ತತಿಗಳನೆಲ್ಲವ ಭಸಿತಗೈಸಿ
ಪತಿತಪಾವನ ಪರಮಾತ್ಮನ ರೂಪ ಶ್ರೀ-
ಪಾದ ಸಂಸ್ಮøತಿಯಿತ್ತು ಕರುಣಿಸು 1
ವರದೇಶ ನಿನ್ನಯ ಚರಣಾರವಿಂದವ
ಶರಣೆಂದು ನಂಬಿದ ನರರಿಗಿನ್ನು
ಪುರುಷಾರ್ಥಗಳ ಸೇರಿ ಬರುವರಾಶ್ಚರಿಯವೆ
ಕರಿರಾಜಗೊಲಿದ ಶ್ರೀಕರಮೂರ್ತಿ ದಯವಾಗು 2
ಘೋರ ಸಂಸೃತಿ ಪಾರಾವಾರ ದಾಟಿಸಲು
ಬೇರಾರಿಲ್ಲ ನಿಜ ದಾಸೋದ್ಧಾರ ಹರೆ
ವಾರಿಜಾಂಬಕ ವೆಂಕಟಾಚಲನಾಯಕ
ಗಾರುಮಾಡದೆ ಬೇಗ ಬಾರೋ ಹೃತ್ಕಮಲದಿ 3