(ಸರಸ್ವತೀ ಪ್ರಾರ್ಥನೆ)
ಏನೇ ಸರಸ್ವತಿಯಮ್ಮಾ ಬಹು
ಮಾನದಿ ಪಾಲಿಸು ನಮ್ಮಾ
ಆ ನಳಿನಜ ಚತುರಾನನನೊಲಿಸಿದ
ಶ್ರೀನಿವಾಸನ ಪರಮಾನುರಾಗದ ಸೊಸೆ ಪ.
ಮೂಢತನವನೆಲ್ಲ ಕಳಿಯೆ ದಯ
ಮಾಡಿ ನೀ ಮನಸಿಗೆ ಹೊಳಿಯೆ
ಬಾಡದ ಪದ್ಮದ ಕಳೆಯೆ ಮನೋ
ರೂಢ ಮಲವ ಬೇಗ ತೊಳಿಯೆ
ಆಡುವ ಮಾತುಗಳೆಲ್ಲವು ಕೃಷ್ಣನ
ಪಾಡಿ ಪೊಗಳುವಂತೆ ರೂಢಿಗೊಳಿಸು ದೇವಿ 1
ರಾಜಿಕಲೌಕಿಕವಾದ ಬಹು
ಸೋಜಿಗಕರಿಪೂರ್ಣಮೋದ
ಈ ಜಗದೊಳು ಮುಖ್ಯವಾದ ಸುಗು-
ಣೋಜೊಧಾರಣ ಕಲ್ಪಭೂಜ
ಮಂದ ವೈರಿಗಳ ಸ-
ಮಾಜವ ಗೆಲಿಸುತ ರಾಜಿಸು ಮನದಲಿ 2
ಕರಣಾಭಿಮಾನಿಗಳನ್ನು ಉಪ
ಕರಣರ ಮಾಡುವದನ್ನು
ಕರುಣೀ ನೀ ಬಲ್ಲಿನ್ನು ಮುನ್ನ ಮನ
ವರತು ರಕ್ಷಿಸು ಬೇಗೆನ್ನನು
ಸರಸಿಜಾಕ್ಷ ಶೇಷಗಿರಿ ವರಪದಕಂಜ
ಸ್ಮರಣೆ ಮಾಡುವಂತೆ ಕರುಣಿಸೆನ್ನನು 3

ತುಳಸಮ್ಮ ಎನಗೊಲಿಯಮ್ಮ
ವಿಲಸಿತವಿಮಲೆ ನೀ ಕಲ್ಯಾಣಮಾಡೆನಗೆ ಪ
ನಿಲಯನಿಲಯದಲಿ ನಿಂದು ಭಕ್ತ
ಕುಲವನುದ್ಧರಿಸಿದಿ ಇಂದುಮುಖಿ
ಮಲಿನಹರಣೆ ದಯಸಿಂಧು ಅಹ
ಕುಲವನುದ್ಧರಿಸೆನ್ನ ಹೊಲೆಯ ಬವಣೆಯಲಿ
ಕಳವಳಪಡಿಸದೆ ಸಲಹು ಬೇಗೆನ್ನಮ್ಮ 1
ಭಯದೂರೆ ಜಯಕಾರೆ ಜಗಕೆ ಲೋಕ
ತ್ರಯದ ಜನನಿ ಎನ್ನ ಮನಕೆ ಬೇಗ
ಜಯವ ನೀಡಿ ಮಾಡು ಜೋಕೆ ಅಹ ರಮೆ
ದಯಯುತೆ ನಿನ್ನ ದಯದಿ ಬೇಡುವೆನವ್ವ
ಭವಭವದಲಿ ಎನ್ನ ಜಯವ ಪೊಂದಿಸಿ ತಾಯಿ 2
ಜಲಜನಾಭನ ಮೋಹಮಾಲೆ ನೀನು
ಬಲು ದಯಾನ್ವಿತಭಕ್ತ ಶೀಲೆ ಎನ್ನ
ಗಳವೆ ಪೊಗಳಲು ನಿನ್ನ ಲೀಲೆ ಆಹ
ಚೆಲುವ ಶ್ರೀರಾಮನ ಕೂಡಿಕೊಂಡೆನ್ನೊಳು
ನೆಲೆಗೊಳ್ಳು ಬಿಡದೆ ವರ ಫಲ ಪ್ರದಾಯಿನಿ 3

ಪಾಲಿಸು ದಯಾಕರನೆ ನೀಲಮೇಘಶ್ಯಾಮ
ಪಾಲಿಸು ದಯಾಕರನೆ ಪ
ಪಾಲಿಸು ಎನ್ನ ಕರುಣಾಳು ವ್ಯಾಲಮಾಲ
ಬಾಲನ ದಯದಿಂ ಮಾಲತುಲಸೀವನ ಅ.ಪ
ಬಂದುಬಿದ್ದೆನಯ್ಯ ಸಂಸಾರ ದಂದುಗ
ವೆಂಬ ಮಾಯಬಲೆಯೊಳು ನೊಂದು
ಕಾಯ ಬಂಧನಿವಾರಿಸಯ್ಯ
ನೊಂದಿಸಿ ಅರ್ಥವ ತಂದು ಸತಿಯು ಸುತ
ರೆಂದು ಸಲಹಿ ಯಮ ಬಂಧಕೀಡಾದೆನು
ಮುಂದೆ ಇಂಥ ಬವಣಿಂದೆ ತಾರದೆನ್ನ 1
ರಿಣವೆಂಬ ಸೂತಕಿದು ಎನ್ನಗೆ
ಘನವಾಗಿ ಕಾಡುವುದು ಇನ್ನಿದು ಜನು
ಜನುಮದಿ ಬಿಡದು ಬೆನ್ನತ್ತಿ ಬರ್ಪುದು
ಗನ್ನಗತಕನಾಗಿನ್ನು ಭವಭವಂಗ
ಬನ್ನ ಬಡಲಿಬೇಕೊ
ಮನ್ನಿಸಿ ದಯದಿಂ ನಿನ್ನ ಕೃಪೋದಕ
ವನ್ನು ತಳೆದು ಬೇಗೆನ್ನ ಶುದ್ಧಮಾಡು 2
ಆಗಿಹೋದದ್ದ್ಹೋಯ್ತು ಮುಂದಿಹ್ಯ
ಭೋಗ ಬೇಡ ಜಗತ್ತು ಪಾಲನೆ
ಬಾಗುವೆ ಮನವರಿತು ಚರಣಕೆ ಶಿರವಿತ್ತು
ಭೋಗಭಾಗ್ಯದಾಸೆ ನೀಗಿಸಿ ಈ ಭವ
ಸಾಗರ ದಾಂಟಿಸು ಯೋಗಿಗಳರಸನೆ
ನಾಗಶಯನ ದಯಮಾಡಿ ದಾಸನ ದು
ರ್ಭೋಗ ದೂರಮಾಡು ಜಗಮೋಹ ಶ್ರೀರಾಮ 3

ಬಾರಯ್ಯ ದಯೆದೋರಯ್ಯ
ನೀರಜನಾಭನೆ ಕರುಣಿಸು ಮಹರಾಯ ಪ
ಸಂಸಾರಸರಕಿನೊಳು ಸಿಲುಕಿ ನಾ ಬಳಲುವೆ
ಶಿಶುವಿನೊಳು ದಯವಿಟ್ಟು ಸೆರೆ ಬಿಡಿಸೆನ್ನಯ್ಯ 1
ಪುಸಿನುಡಿ ನುಡಿದು ನಾ ದೆಸೆ ಬಾಯ ಬಿಡುವೆನು
ಕುಸುಮಾಕ್ಷ ಪಿಡಿದೆನ್ನ ಹಸನ ಮಾಡೆನ್ನಯ್ಯ2
ಜಡಭವತೊಡರನು ಗಡನೆ ಕಡೆಹಾಯ್ಸಿ ನಿ
ನ್ನಡಿಭಕ್ತಿ ಕೊಡು ಬೇಗೆನ್ನೊಡೆಯ ಶ್ರೀರಾಮಯ್ಯ 3

ವಾಗ್ದೇವಿ ಪ
ವಾಗ್ದೇವಿ ಅ.ಪ.
ಹಿತದಿ ಸನ್ಮತಿಯ ಶ್ರೀಮತಿದೇವಿ ನೀಡೆ
ವ್ರತತಿಜನೇತ್ರೆ ಭಾರತಿ ನೀ ದಯಮಾಡೆ 1
ಸುಮುಖೀ ತ್ವಚ್ಚರಣಾಬ್ಜದ್ರುಮಛಾಯಾಶ್ರಿತರ
ಸುಮತಿಗಳೊಳಗಿಟ್ಟು ಮಮತೆಯಿಂ ಸಲಹೆ 2
ಜಗನ್ನಾಥವಿಠಲನಂಘ್ರಿಗಳ ಸೇವೆಯೊಳು
ಸುಗುಣೆ ಸನ್ಮತಿಗೊಟ್ಟು ಬೇಗೆನ್ನ ಸಲಹೆ 3

ಸೀತಾಪತೇ ರಘುನಾಥ ದಯಾಳೋ ಪ
ಆ ತೆರ ಚರನೂಕೈ ಪ್ರೀತಿಯೊಳಿರಿಸೈ
ಮಾತಾಪಿತ ಸರ್ವ ಭೂತಾನಿ ಅರಸೈ 1
ಮಾಯಾ ನೀ ನೋಡೈ
ಕಾಮಜನಕ ರಂಗಾ ಬೇಗೆನ್ನ ಕೂಡೈ 2
ನೇಷಾ ಪ್ರಸಾದೇ ತದ್ವಾಶೀಯಾಹಮ ಜೀ 3