ಎಂತು ಮರೆಯಬಹುದು ನಿಮ್ಮ ಹೇಳು ಗುರುರಾಯ |
ಅಂತರಂಗದೀ ನೆನೆದು ಪಡೆಯಬೇಕು ಸುಖಾಶ್ರಯಾ ಪ
ತಂದೆ ನೀನೇ ತಾಯಿ ನೀನೇ ಬಂಧು ಬಳಗ ನೀನೇ |
ಹೊಂದಿ ಹರುಷಬಡುವಗತಿಯ ಗುರು ದೈವ ನೀನೇ 1
ತಂದು ಜಠರದಲ್ಲಿ ಜನುಮ ಉಣಿಸಿ ಉಡಿಸಿ ಬೆಳೆಸೀ |
ಛಂದದಿಂದಲಿ ಹೊರೆವೆಯಿನ್ನು ಬೇಡಿದನು ಸಲಿಸಿ 2
ಮರೆಯಲಿಕ್ಕೆ ದೇಶಗ್ರಾಮ ವೃತ್ತಿಗೃಹಗಳಲ್ಲಾ |
ಕಾಯ ಸುಖದ ದ್ರವ್ಯ ಧನವಲ್ಲಾ3
ಮರಹು ಮರಸಿ ಅರವ್ಹಿಲಿರಿಸಿ ಇರಹು ಘನವನರಸಿ |
ಗುರು ಮಹಿಪತಿ ಸ್ವಾಮಿ ಕಾಯಿದೇ ಕಂದನುದ್ಧರಿಸಿ4

ಗುರುವಿಗೆ ನಮಿಸುವೆನು | ಸಲಹುವ ಪ
ಭಕ್ತಿಯ ಒಲಿಸೀ | ವಿರಕ್ತಿಯ ಬೆಳೆಸೀ |
ಮುಕ್ತಿಗೆ ನಲಿಸೀ | ಯುಕಿಗಳನೇ ಕಳಿಸಿ 1
ಅವಿದ್ಯ ಬಿಡಿಸಿ | ಸುವಿದ್ಯೆವಿಡಿಸಿ |
ಭವ ಭಯಗಡಿಸಿ | ವಿವೇಕ ವಡಗೂಡಿಸೀ 2
ಗುರು ಮಹಿಪತಿ | ಶರಣರ ಸಾರ್ಥಿ |
ತರಳಗ ಸ್ಫೂರ್ತಿ | ಕರುಣಿಸಿ ಘನಮತಿ 3

ಹಣ್ಣ ಸವಿಯ ಬಾರದೇ ಪ
ಹಣ್ಣನ್ನು ತಿಂದರೆ ಕೇಶವನೊಲಿಯುವಾ
ಚನ್ನಕೇಶವ ಸ್ವಾಮಿ ಬಿಡದೆ ಪಾಲಿಸುವಾ ಅ.ಪ.
ಪ್ರೀತಿಯೆನ್ನುವಂಥ ಬೀಜವನ್ನೇ ಬಿತ್ತಿ
ಭೂತ ದಯೆಯೆಂಬುವ ವೃಕ್ಷವ ಬೆಳೆಸೀ
ಆತುರದಲ್ಲಿ ಪರೋಪಕಾರವೆಂಬ
ನೀತಿಯ ನೀರನ್ನು ನೇಮದೊಳೆರೆದೂ 1
ಅನುದಿನ ದಾನಧರ್ಮಗಳ ಟೊಂಗೆಗಳೇರಿ
ತನುಮನ ಧನದಿಂದ ದೈನ್ಯರ ಸಲಹಿ
ಘನತರ ಸ್ವಾರ್ಥ ತ್ಯಾಗವುಯೆಂಬ ಪರ್ಣವ
ನೆನೆದು ಕೃತಜ್ಞತೆ ಕುಸುಮವ ಪಡೆದೂ 2
ವರತರ ದೇವಾಂಶ ಗುಣದಿಂದ ಬೆಳೆದಿರ್ಪ
ಹರಿಭಕ್ತಿಯೆನ್ನುವ ಫಲವನ್ನೇ ಕೊಯ್ದು
ಸರಸದಿ ಕೀರ್ತನೆ ಭಜನೆ ಸೂತ್ರಗಳಿಂದ
ಪರಮ ಭಕ್ತೀಯೆಂಬ ಹಣ್ಣನು ತಿಂದೂ 3
ಧರೆಯಲ್ಲಿ ಸಿಗುವಂಥ ಹಣ್ಣನು ಸವಿದರೆ
ನಿರುತ ತೃಪ್ತಿಯು ಆಗಲಾರದು ದೇವಾ
ಅಮೃತ ಹರುಷದಿ ತಿನ್ನಲು ಘನಮುಕ್ತಿ ದಿಟವು 4