ಇಂದು ದಯದಿ ಸಂದರ್ಶನವಿತ್ತೆಯಾ
ಇಂದಿರಾಧವಾ ದೇವಾ ಪ
ಸುಂದರಾಂಗ ರಂಗ ಮುಂದೆ
ಬಂದುನಿಂದೆ ಬೆಳಕಿನೊಳ್ ನಭದೆ ಅ.ಪ
ವಿಭವದಿರ ರಥದಿ ಹಿತದಿ
ಶುಭದ ಶ್ರೀಭೂನೀಳಾಸಹಿತ
ಆಭಯವ ನೀಯುತಾ ನಾಥಾ 1
ಭಕ್ತ ಬೃಂದ ಗೈವ ಸೇವೆಯಾ
ಸಕ್ತಿಯಂ ಪಡೆದು ದೃಢದಿ
ನಿತ್ಯಗಾರುಡ ಸೂರ್ಯಮಂಡಲ ಡೊಲೊತ್ಸವದಿ2
ಮುದಗೆರೆರಂಗ ವೊರಿದಗೆನಗೆ
ಮಹಿಮೆತೋರುತಾ ನಿರುತ
ಪೊರೆವುದು ಜಾಜೀನಾಥ 3

ಬಾರಕ್ಕಾ ನಾವಿಬ್ಬರಾಡುವಾ ಯೋಗ
ಸಾಧನವೆಂಬುದು ಮಾಡುವಾ
ತಾಮಸ ತನುಗುಣಗಳ ಬಿಟ್ಟು ಸುಜ್ಞಾನ
ಕ್ಷೀರ ಸಾಗರದೊಲಗಾಡುವಾ ಪ
ಕಳೆಗೂಡಿ ಒಳನೋಟ ನೋಡುವಾ ಅಲ್ಲಿ
ಒಳಸಭೆ ಪ್ರಭೆಯೊಳಗಾಡುವಾ
ಥಳಥಳಿಸುವ ಮೆರೆವ ಚಿದಾತ್ಮನ
ಬೆಳಕಿನೊಳ್ ಬೆಳಕಾಗಿ ಪರವಶವಾಗುವಾ 1
ಅಂಬಾ ಚಂದನ ಗಂಧಿಯೇ ಶಾರ
ದಾಂಬಾ ಸುಪ್ರದವೇಣಿಯೇ
ಶಂಭು ಸದ್ಗುರು ಎನ್ನೊಳು ಕಡೆನೋಡೆ
ಕಂಬುಕಂಠಿನಿ ಚಲ್ವ ಕಮಲದಳಾಕ್ಷಿ 2
ಎಂಟೆರಡು ಕದಗಳ ಕಟ್ಟುವಾ ಅಲ್ಲಿ
ಬಂಟರ ತಡೆಗಳ ಅಟ್ಟುವಾ
ಮಂಟಪವೆಂಬುದು ಮಹಾಲಿಂಗನದೆಡೆ
ಅಂತರಂಗದ ಕಾಂತೆಗಾಡುವಾ 3
ಮಂದರ ಗಿರಿಯಂತೆ ಅಲ್ಲಿ
ಭೋರೈಸುವ ಘಂಟಾ ಧ್ವನಿಯಂತೆ
ಸಾರ ಅಮೃತವುಂಡು ಕ್ಷೀರಸಾಗರಮಿಂದು
ತೋರುವ ಗುರು ವಿಮಲಾನಂದಾ 4