ಅಭ್ಯಾಸವಮಾಡಿ ಅಭ್ಯಂತ್ರದೊಳಗಿಹುದು ಧ್ರುವ
ಕಣ್ಣು ಕಾಣುವದ್ಹಚ್ಚಿ ಚೆನ್ನಾಗಿ ಚಿತ್ಸ ್ವರೂಪವ
ಭಿನ್ನವಿಲ್ಲದೆ ಭಾಸುವದು ಪುಣ್ಯಪ್ರಭೆಯು 1
ಕಿವಿಯು ಕೇಳುವದ್ಹಚ್ಚಿ ಸವಿಸವಿ ಸಾರಾಯದ ಶ್ರುತಿ
ಆವಾಗ ನಿಮ್ಮೊಳಾಲಿಸಿ ಪವಿತ್ರ ಪ್ರಣವ 2
ಘ್ರಾಣ ಗ್ರಹಿಸುವದ್ಹಚ್ಚಿ ದೇಹದೊಳಾವಾಗ ಪೂರ್ಣ
ಸೋಹ್ಯ ಸೂತ್ರವಿದು ಸೋಹ್ಯವೆಂಬುದಾ 3
ಜೀವಕೆ ಜೀವ್ಹಾಳಚ್ಚಿ ಸುವಿದ್ಯಸೇವೆ ಸೂತ್ರದ
ಸರ್ವದಾ ಸವಿಸಾರವ ನೋಡಿ ದಿವ್ಯನಾಮದ 4
ಶಿವಸುಖವಿದುರಿಡುವಾಂಗೆ ಜೀವ ಜೀವದಾ 5
ಮನಸಿಗೆ ಮನಹಚ್ಚಿ ಮನೋನ್ಮನಮಾಡಿ
ಘನಸುಖದೊಳು ಬೆರೆದಾಡಿ ಅನುಭವಿಸಿ ನೋಡಿ 6
ಗುರುವಿಗೆ ಗುರುವೆಂದರಿದು ನರದೇಹದ ಭಾವನೆಯ ಮರೆದು
ಕರಕೊ ಮಹಿಪತಿ ಇರುಳ್ಹಗಲೆ ಸ್ಮರಿಸಿದಾಕ್ಷಣ 7

ಇದೇ ನೋಡಿರೋ ನಿಜನೋಡಿರೋ ಧ್ರುವ
ನೋಡಿನೋಡಿ ನೋಡಿ ನೋಡುದರೊಳು ಕೂಡಿ
ನೋಡುವದೇನೆಂದು ನೋಡಿ
ನೋಡಿದ ಮ್ಯಾಲಿನ್ನು ಮೂಡಿಬಂದರ ಘನ
ನೋಡುವದೇ ಖೂನ ಮಾಡಿ
ಮಾಡಿದ ಮಾಟವು ಕೂಡಿಬಂದರೆ ಕೈಯ
ನಾಡಗೂಡ ಹೇಳಬ್ಯಾಡಿ
ಗೂಢ ಗುಹ್ಯದ ಮಾತು ಒಡೆದು ಹೇಳುವದಲ್ಲಾ
ನೋಡಿ ನಿಮ್ಮೊಳು ಬೆರೆದಾಡಿ 1
ಓದಿದರೋದಬೇಕಿದೊಂದೇ ಅಕ್ಷರ
ಭೇದಿಸುವಂತೆ ಬ್ರಹ್ಮಾಂಡ
ಇದೇ ಸಾಧಿಸಿನ್ನು ಮೂಲವ ತಿಳಿಯದೆ
ಓದುವದ್ಯಾಕೆ ಉದ್ದಂಡ
ಹಾದಿ ತಿಳಿಯದಿದ್ದರೆ ಹೇಳಿಕೊಡುವನು
ಸದ್ಗುರು ಘನಪ್ರಪಂಚ
ಭೋದಿಸಿ ಬ್ರಹ್ಮಾನುಸಂಧಾನದ ಸುಖ
ಉದಯ ಮಾಡುವ ಅಖಂಡ 2
ನಾನ್ಯ ಪಂಥವೆಂಬ ಮಂತ್ರದನುಭವ
ಚನ್ನಾಗ್ಯಾಗಬೇಕು ಖೂನ
ಇನ್ನೊಂದು ಬ್ಯಾರೆಂಬ ಭಿನ್ನವಳಿದ ಮ್ಯಾಲೆ
ತನ್ನೊಳಾಯಿತು ಸಮ್ಯಕಙÁ್ಞನ
ಧನ್ಯ ಧನ್ಯ ಧನ್ಯ ಧನ್ಯಗೈಸುವದಿದು
ಕಣ್ಣಾರೆ ಕಾಂಬೊ ಸಾಧನ
ಉನ್ಮತವಾಗದೆ ಸನ್ಮತದೋರದು
ಇನ್ನೊಬ್ಬರ ಕೇಳುವದೇನ 3
ಸರ್ವಮಿದಂ ಖಲು ಬ್ರಹ್ಮವೆಂಬುವ ಮಾತು
ದೋರ್ವಾಂಗೆ ನೆಲೆಗೊಳಬೇಕು
ಸರ್ವ ಸಾಕ್ಷಿ ಸರ್ವಾಧಾರವು ತಿಳಿಯದೆ
ಗರ್ವಿತಲ್ಯಾಡುವ ಮಾತು ಹೋತು
ಗುರ್ವಿನಂಘ್ರಿಗಿನ್ನು ಗುರುತವ ಕೇಳದೆ
ಮವ್ರ್ಹಿನೊಳೀಹುದು ಮುಸುಕು
ನಿರ್ವಿಕಲ್ಪನ ನಿಜ ಸ್ಮರಿಸುವಾಂಗೆ ಕಣ್ಣ
ದೆರ್ವದಿದೊಂದೇ ಸಾಕು 4
ತ್ರಾಹಿ ತ್ರಾಹಿ ತ್ರಾಹಿ ತ್ರಾಹಿ ಎಂದು
ಗುರುವಿಗೆ ಕೇಳಿ ನಿಜ ವಂದ
ದೇಹದ ಒಳಗಿಹ್ಯ ದ್ಯಾವರ ತಿಳಿದರ
ಜನ್ಮಕೆ ಬಂದುದು ಚಂದ
ಸೋಹ್ಯ ಸೊನ್ನೆಯ ಗುಹ್ಯವ ತಿಳಿದರ
ಭವ ಮೂಲದಿಂದ
ಬಾಹ್ಯಾಂತ್ರ ಪರಿಪೂರ್ಣ ಭಾಸುತಲ್ಯದೆ
ಮಹಿಪತಿಗಿದೆ ಬ್ರಹ್ಮಾನಂದ 5

ಜ್ಞಾನವೆಂಬುದಕೇನು ಕ್ಷಣ ನಡಿಯು ಕಠಿಣ
ಅನುಭವದ ನಿಜಖೂನ ಅಗಮ್ಯ ಸ್ನಾನ ಧ್ರುವ
ಅಹಂ ಬ್ರಹ್ಮಾಸ್ಮಿ ಎಂಬ ಸೋಹ್ಯ ತಿಳುವದೆ ಗುಂಭ
ಬಾಹ್ಯ ರಂಜನದೆ ಡಂಭ ದೇಹದಾರಂಭ
ಸೋಹ್ಯ ತಿಳಿದುಕೊಂಬ ಗುಹ್ಯಗುರುತದ ಇಂಬ
ಮಹಾಮಹಿಮೆಲೆ ಉಂಬ ಸಹಸ್ರಕೊಬ್ಬ 1
ಮೂರ್ತಿ ಶ್ರೀಪಾದ
ಬೋಧ ಆದಿತತ್ವದ
ಭೇದಿಸದಲ್ಲದ ಭೇದ ಮದಮತ್ಸರದ ಕ್ರೋಧ
ಹಾದಿ ತಿಳಿಯದು ವಸ್ತುದ ಉದಯಸ್ತಿಲ್ಲದ 2
ಜ್ಞಾನಕ ಜ್ಞಾನೊಡಮೂಡಿ ಖೂನಕ ಬಾವ್ಹಾಂಗ ಮಾಡಿ
ನಾ ನೀನೆಂಬುದು ಈಡಾಡಿ ಅನುಭವ ನೋಡಿ
ಮನೋನ್ಮದ ನಡಿ ಅನುದಿನವೆ ಕೊಂಡಾಡಿಘನಕ ಮಹಿಪತಿ ನೀ ಕೂಡಿ ನೆನಿಯೊ ಬೆರೆದಾಡಿ 3

ನೆಲೆಯು ನೋಡಿ ಧ್ರುವ
ಕರ್ಮಕ ಮಂದದಿ ಸಿಲುಕಲಿ ಬ್ಯಾಡಿ
ವರ್ಮನರುವ್ಹ ಗುರುಯೋಗ ಧರ್ಮವ ಮಾಡಿ
ನಿರ್ಮನದಲಿ ನಿಜಘನ ಬೆರೆದಾಡಿ
ನಿರ್ಮಳ ನಿಶ್ಚಳ ನಿರ್ಗುಣ ಆತ್ಮನ ಕೂಡಿ 1
ಅನುದಿನ ಅನುಭವಾಮೃತವನು ಸೂರ್ಯಾಡಿ
ತನುಮನಧನ ಶ್ರೀಗುರುವಿನರ್ಪಣೆ ಮಾಡಿ
ಅನುಭವದಲಿ ಆತ್ಮದ ನೆಲೆನಿಭ ನೋಡಿ
ಘನಬ್ರಹ್ಮಾನಂದದ ಸುಖದಲಿ ಲೋಲ್ಯಾಡಿ2
ಮಹಾಮಹಿಮನ ಸುಸೇವೆಯ ಮಾಡಿ
ಮಹಿಪತಿ ಒಡಿಯನ ಶ್ರೀಪಾದವ ನೋಡಿ
ಇಹಪರ ಸಾಯೋಜ್ಯ ಸದ್ಗತಿ ಮುಕ್ತಿಯ ಕೂಡಿ 3

ನೋಡಿ ನೋಡಿ ನಿಮ್ಮೊಳು ನಿಜಘನವ ಧ್ರುವ
ಆಧಾರ ದೃಢದಿಂದ ಆರು ಸ್ಥಳವ ಮುಟ್ಟಿ
ಆದಿ ಅನಾದಿಯ ಪಥವು ನೋಡಿ 1
ಭೂಚರ ಖೇಚರಚಾಚರ ಗೋಚರ
ಅಲಕ್ಷ ಮುದ್ರೆಯ ಸ್ಥಾನ ನೋಡಿ 2
ಪರಾಪಶ್ಯಂತಿಯು ಮಧ್ಯಮ ವೈಖರಿ
ಸಾರ ನೋಡಿ3
ಪಂಚತತ್ವದ ಗತಿ ಪಂಚಪ್ರಾಣವದ ಸ್ಥಿತಿ
ಪಂಚಕರುಣಾಕೃತಿ ಗತಿ ನೋಡಿ 4
ಸ್ಥೂಲ ಸೂಕ್ಷ್ಮಕಾರಣ ಮಹಾಕಾರಣ ನೋಡಿ
ಆನಂದಗತಿಯಲಿ ಬೆರೆದಾಡಿ 5
ಶೂನ್ಯ ಮಹಾ
ಶೂನ್ಯ ನಿಶ್ಯೂನ್ಯ ನೋಡಿ 6
ಮಹಿಪತಿಸ್ವಾಮಿ ಶ್ರೀಗುರು ಸರ್ವೋತ್ತಮ ನೋಡಿ
ಆನಂದಗತಿಯಲಿ ಬೆರೆದಾಡಿ 7

ಪಾದ ಕೂಡಿ
ಸಾಧು ಸಂಗ ಮಾಡಿ ಭೇದಾಭೇದೀಡ್ಯಾಡಿ ಧ್ರುವ
ಮರಹು ಮರಿಯ ನೀಗಿ ಅರವ್ಹಿನೊಳಗಾಗಿ
ಕುರುಹ್ಹದೋರಿಕೊಡುವ ಗುರು ಬ್ರಹ್ಮಾನಂದಯೋಗಿ 1
ತಿರುಗಿನೋಡಿ ನಿಮ್ಮ ಅರಿತು ನಿಜವರ್ಮ
ಪಾರಗೆಲಿಸುವದಿದು ಗುರುಪಾದ ಧರ್ಮ 2
ಕಣ್ದೆರೆದು ನೋಡಿ ತನ್ನೊಳು ಬೆರೆದಾಡಿ
ಧನ್ಯವಾದ ಮಹಿಪತಿ ಗುರುಪಾದ ಕೂಡಿ3

ಶೋಧಿಸಿ ನೋಡಿರೋ ಸದಾ
ಬೋಧದ ನಿಜಬೋಧ ಧ್ರುವ
ಸಾಧಿಸಿ ನೋಡಿ ಸದ್ಗುರು ಕೃಪೆಯಿಂದ
ಸಾಧನಕೆದುರಿಡುವುದು ಆನಂದ
ಭೇದಿಸಿ ನೋಡುವದಿದೇ ತನ್ನಿಂದ
ಆದಿ ಅನಾದಿದೇ ಸಹಜಾನಂದ 1
ತಂದುವಿಡಿದರಂತತ್ತೆ ನೋಡಿ
ಎಂತೆಂತೀಹ್ಯ ನಿಜದಂತೆ ಗೂಡಿ
ಅಂತರಾತ್ಮದಲೆ ಅನುಭವ ಬೆರೆದಾಡಿ
ಸಂತತ ಸದಮಲ ಸುಖಸೂರ್ಯಾಡಿ 2
ವಿಹಿತಕೆ ವಿಹಿತಾಗುವ ಸುಪಥ
ದ್ವೈತಾದ್ವೈತಕಿದೆ ರಹಿತ
ಮಹಾಮಹಿಮರ ಆನಂದಭರಿತ
ಮಹಿಪತಿ ಮನೋನ್ಮನದ ಸುವಸ್ತ 3

ಶ್ರೀಗುರು ಸೇವೆಯ ಮಾಡಿ
ಸಾಯೋಜ್ಯ ಸದ್ಗತಿ ಕೂಡಿ ಧ್ರುವ
ಮೂರು ರತ್ನದ ಪ್ರಭೆ ನೋಡಿ
ಮೂರು ವಟ್ಟೆಯಾ ಮುರಿಗೂಡಿ
ಆರು ಸ್ಥಳವ ಮುಟ್ಟಿನೋಡಿ
ಏರಿಸು ಪಥವನು ಕೂಡಿ 1
ತುಟ್ಟತುದಿಯಲೇರಿ ನೋಡಿ
ಮುಟ್ಟಿ ಚಿದ್ಘನ ಬೆರೆದಾಡಿ
ನಟ್ಟನೆವೆ ಒಡಗೂಡಿ
ಗುಟ್ಟುಗುಹ್ಯ ನಿಜವು ಹೇಳಬ್ಯಾಡಿ 2
ಮಹಿಪತಿ ನಿನ್ನೊಳು ನೋಡಿ
ಐವರೊಂದಾಗಿನ್ನು ಕೂಡಿ
ಪಾದ ಮಾಡಿ
ಪಥ ಬೆರೆದಾಡಿ 3

ಸದ್ಬಾವಮಾಡಿ ಸ್ಥಿರ ಸದ್ಗುರು ತಾನಿದ್ದಲ್ಲಿ ದೂರ
ಸಾರ ಸದ್ಗೈಸುವ ಮನೋಹರ ಧ್ರುವ
ಕಣ್ಣಿಂದ ಕಡಿಯಲಿಲ್ಲ ಚೆನ್ನಾಗೆಲೆವೆ ನೋಡಿ
ಉನ್ನಂಥ ಮಹಿಮ ಪೂರ್ಣ ತಾನೆತಾನಾಗಿಹ್ಯ ಕೂಡಿ
ಉನ್ಮನವಾಗಿ ಬ್ಯಾಗ ಘನಸುಖ ಬೆರೆದಾಡಿ
ಪುಣ್ಯಕ ಪಾರವಿಲ್ಲ ಖೂನದೋರುದಿದರಡಿ 1
ಸದ್ಬಕ್ತಿಗಿದೇ ಕೀಲ ಸಾಧಿಸುವದೀ ವಿಚಾರ
ಸದ್ಗತಿಗಿದೆಮೂಲ ಸಾಧುಜನರ ಸಹಕಾರ
ಸಾಧಕರ ಸುಶೀಲ ಬುಧಜನರ ಮಂದಾರ
ಸದ್ಫನದ ಕಲ್ಲೋಳ ವಸ್ತುದೋರುವ ವಿವರ 2
ಗುರುದಯದಿಂದ ನೋಡಿ ಇದೆರಿಟ್ಟುವಂತೀ ಖೂನ
ಕರುಣಾಳು ಸ್ವಾಮಿ ನಮ್ಮ ತಾನೆದೋರಿದ ಸಾಧನ
ತರಣೋಪಾಯಕ ಪೂರ್ಣ ತೋರುದಿದನು ಸಂಧಾನ
ತರಳಮಹಿಪತಿಗಿದೆ ಇಹ್ಯ ಪರಕ ನಿಧಾನ 3

ಸಾಧಿಸಿ ನೋಡಿ ಸುವೃತ್ತಿ ಭೇದಿಸಿಕೂಡಿ ಸುಮುಕ್ತಿ ಧ್ರುವ
ಹಿಡಿದು ಸಾರುವ ಶ್ರುತಿ ನಿಜಗೂಡಿ
ಗೂಡಿನೊಳಗೆ ಬೆರೆದಾಡಿ
ಇಡಾಪಿಂಗಳ ನಾಡಿ ನಡುವಾವಿನ
ಜಾಡೆ ಹಿಡಿದು ಘನಗೂಡಿ 1
ಏರಿನೋಡಲು ಆರು ಚಕ್ರತಾಂ
ದೋರುತದೆ ಸುಪಥ
ತಿರುಗಿನೋಡಲು ತನ್ನೊಳು ತಾ
ಅಮೃತ 2
ಹಿಡಿದು ಗುರುಪಾದಾರವಿಂದ
ಪಡೆದ ಮಹಿಪತಿ ಅನಂದ
ಗೂಢ ಗುರುತವಾಯಿತು ಬಲು ಚಂದ
ಕಡಿದ್ಹೋಯಿತು ಭವಬಂಧ 3

ಸಾವಧಾನವಾಗಿ ನೋಡಿ ನಿಜ
ಭಾವಬಲಿದು ನೋಡಲಿಕ್ಯದೆ ವಸ್ತು ಸಹಜ ಧ್ರುವ
ಹತ್ತಿಲಿದೆ ತಾ ಸರ್ವಕಾಲ
ಚಿತ್ತೊಂದೆ ಮಾಡಿ ನೋಡು ಗುರುಪಾದ ಕಮಲ
ನೆತ್ತಿಯೊಳಗದೆ ನಿಶ್ಚಲ
ಉತ್ತಮೋತ್ತವಾದ ಸದ್ವಸ್ತು ಅನುಕೂಲ 1
ಅತ್ತಿತ್ತಲೆ ನೋಡಲಾಗದು
ತುಂಬಿ ತುಳುಕುವದು
ಸುತ್ತೆ ಸೂಸ್ಯಾಡುತಲಿಹುದು
ಮತ್ತೆ ಉನ್ಮನವಾಗಿ ತನ್ನೊಳು ತಾ ನೋಡುವದು2
ಸಾರವೆ ಅದೆ ಸತ್ಯನೋಡಿ
ಮಿಥ್ಯ ಭ್ರಾಂತನೆ ಈಡಾಡಿ
ಗುರುಕೃಪೆಯಿಂದ ನಿಜಗೂಡಿ
ತರಳ ಮಹಿಪತಿ ಹರುಷಗೈದ ಬೆರೆದಾಡಿ3

ಸುಮ್ಮನಿರಬ್ಯಾಡಿ ನಿಮ್ಮೊಳು ನೀಟ ನೋಡಿಒಮ್ಮನವ ಮಾಡಿ
ಪರಬ್ರಹ್ಮನೊಲು ಕೂಡಿ ಧ್ರುವ
ಹೊತ್ತುಗಳಿಯಲು ಬ್ಯಾಡಿ ಹೃತ್ಕಮಲದೊಳು ನೋಡಿ
ಅತ್ತಿತ್ತಲಾಗದೆ ಚಿತ್ತಸ್ವಸ್ಥ ಮಾಡಿ
ಹತ್ತಿಲಿಹ ವಸ್ತುವನು ಪ್ರತ್ಯಕ್ಷ ಮಾಡಿ
ನಿತ್ಯ ನಿಜಾನಂದ ಸುಪಥವು ಗೂಡಿ 1
ಮುತ್ತಿನಂಥ ಜನ್ಮ ವ್ಯರ್ಥಗಳಿಯಲಿ ಬ್ಯಾಡಿ
ನಿತ್ಯ ಸಾರ್ಥಕದ ಸಾಧನವ ಮಾಡಿ
ಸತ್ಯ ಶಾಶ್ವತದಾವದೆಂದು ಖೂನದಲಿ ಅಡಿ
ಕೃತ್ಯಾ ಕೃತ್ಯಾಗುವ ಸ್ವಸುಖ ಬೆರೆದಾಡಿ 2
ದೀನ ಮಹಿಪತಿ ಸ್ವಾಮಿ ತಾನೊಲಿದು ಬಾವ್ಹಾಂಗ
ಜ್ಞಾನಾಭ್ಯಾಸವ ಮಾಡಿಕೊಳ್ಳಿ ಬ್ಯಾಗ
ಭಾನುಕೋಟಿ ತೇಜ ದೀನದಯಾಳು ತಾಂ
ನೆನೆವರಿಗನುಕೂಲವಾಗುತಿಹ್ಯ ಈಗ 3