ಕರ ಮುಗಿವೆ ಶರಜನೇ ಪ
ಕರಗಳ ಮುಗಿವೆನು ಕರುಣಿಗಳರಸನೇ ಕರಮುಗಿವೆ ಅ.ಪ
ಕಾಲಕಾಲನ ಪ್ರಿಯ ಬಾಲ ಕುಮಾರ | ಶೀಲ ಸುಗುಣ ರತ್ನಾಮಾಲ ಗಂಭೀರ | ಕರಮುಗಿವೆ 1
ಬೆನಕನನುಜ ಗುಹ ದಿನಪನ ತೇಜಾ ರಣದÀಲಿ ಸೇನಾನಿ ಸನಕಾದಿ ಪೂಜಾ | ಕರಮುಗಿವೆ2
ಚರಣ ದಾಸರಿಗಿಷ್ಟ ಕರುಣಿಸಿ ಕೊಡುವಾ ಸುರವರ ಪಾವಂಜೆ ಪುರದ ಶ್ರೀ ದೇವಾ | ಕರಮುಗಿವೇ 3

ಶ್ರೀ ಗಣೇಶ ಕಂಡೆ ನಿನ್ನ ಕಮಲದಂಘ್ರಿಯ
ಈಗ ಪಾಲಿಸೆನಗೆ ನೀನೆ ಮನದಭೀಷ್ಟ ಸಿದ್ದಿಯ ಫ
ಕಾಯ ಸುಂಡಲಿಂದ ಮೆಲುವ ಪಂಚಭಕ್ಷ್ಯರಾಶಿಯ
ಖಂಡಿಸಿರ್ದ ಇಕ್ಷು ಕಡಲೆ ಮೋದಕ ಪ್ರಿಯ 1
ಭಾರಿಪುರುಷ ಇಲಿಯನೇರಿ ನಿಖಿಲ ಕೈದುವ
ತೋರಕರದಿ ಪಿಡಿದು ಬರುವ ಭಕ್ತ ವಿಘ್ನವಾ
ಚಾರಿವರಿತು ತರಿದು ತರಿದು ಓರೆ ಮಾಡುವ
ಧೀರ ವಿಘ್ನರಾಜಗೆಣೆಯ ಕಾಣಿಪೋಲುವ 2
ಗಂಧ ಚಂದನಾಗರು ಸರ್ವಾಂಗ ಲೇಪನ
ಚಂದ್ರ ಶೇಖರ ನರಸಿಯ ಮುದ್ದು ಕಂದನ ಜನರು
ಬಂದು ನೋಡಿರೆಲ್ಲ ಮಂಡಲಮನೆಯ ಬೆನಕನ 3