ನಂಬಿದೆ ನಂಬಿದೆ ಅಂಬುಜಾಕ್ಷನೆ ನಿನ್ನ
ನಂಬಿದ ಭಕ್ತರಿಗೆ ಬೆಂಬಲನಾಗಿರುವನೆ ಪ.
ಮೊರೆಯಿಡೆ ದ್ರೌಪದಿ ತ್ವರಿತದಿ ಪೋಗುತ
ಪೊರೆದ ಮಹಾನುಭಾವ ಮುರಹರನೆ ನಿನ್ನ 1
ಶಕ್ತನೆ ನಿನ್ನ ನಾ ಭಕ್ತಿಯಿಂ ಭಜಿಸುವೆ
ಭಕ್ತರಿಗೆಲ್ಲ ನೀನು ಮುಕ್ತಿಯ ಕೊಡುವನೆ 2
ಗಿರಿಯೊಳು ನೆಲಸಿಹ ಪರಮಪುರುಷ ರಂಗ 3

ಬಾರೊ ಮನಕೆ ಮುರಾರಿ ಗೋಪಾಲಕೃಷ್ಣ ಬಾರೊ ಬೇಗ ಹದಿ-
ನಾರು ಸಾವಿರದ ನೂರೆಂಟು ನಾರೇರ ಮನೋಹರ ಪ.
ನೀಯೆನಗಿಂಬೆಂದರಸುತ ನಂಬಿಹೆನು
ಸಂಬಾಳಿಸುತಿಹ ದೊರೆ ನೀನು
ತುಂಬಿದ ದುರಿತಾಡಂಬರ ಓಡಿಸಿ
ಬೆಂಬಲನಾಗಿರು ಕಂಬ್ವರಧರನೆ1
ಬಲೆಯನು ಕೆಡವುತ ಬೇಗದಲಿ
ಕಳದನುಗಾಲವು ಕಾವುತಲಿ
ಸುಲಲಿತ ವಕ್ಷಸ್ಥಳದಲಿ ಭಾರ್ಗವಿ
ಲಲನೆಯನಿರಿಸಿದ ನಳಿನಜ ಜನಕಾ 2
ಮಾನ್ಯ ಪರಾಪರ ಮೂರುತಿಯೆ
ಚಿನ್ಮಯ ನಿನಗಿದು ಕೀರುತಿಯೆ
ಪನ್ನಗ ಗಿರಿವರ ಪದಯುಗ ಪದ್ಮಗ-
ಳೆನ್ನ ಶಿರದೊಳಿಸುನ್ನತ ಕರುಣದಿ 3