ನಾರಾಯಣ ಹರಿ ಗೋವಿಂದ ಪ
ಸಿರಿಯು ಸಹಿತ ಮೆರೆದಿರುವ ಜಗದ್ಗುರು ಅ.ಪ
ಇತ್ತು ವೇದವ ಶತಧೃತಿಯನೆ ಸಲಹಿದೆ 1
ಸುರಿ ಸುರಿದಮೃತವ ದಿವಿಜರಿಗುಣಿಸಿದೆ 2
ಲೋಕೇಶನ ನಾಸಿಕದೊಳಗುದಿಸುತ |
ಜೋಕೆಯಿಂದ ತ್ರೈಜಗವನು ಸಲಹಿದೆ 3
ಕುಂಭಿನಿಯೊಳು ನರಹರಿಯೆಂದೆನಿಸಿದೆ 4
ಒಲಿದು ತ್ರಿವಿಕ್ರಮ ವಾಮನನೆನಿಸಿದೆ5
ಅಮಿತ ಪರಾಕ್ರಮಿ ಭಾರ್ಗವನೆನಿಸಿದೆ 6
ಶಶಿಮುಖಿ ಸೀತಾರಾಮನೆಂದೆನಿಸಿದೆ 7
ಅಸುರಾಂತಕ ಶ್ರೀಕೃಷ್ಣನೆಂದೆನಿಸಿದೆ 8
ಅಪರಿಮಿತ ಮಹಿಮ ಬುದ್ಧನೆಂದೆನಿಸಿದೆ 9
ಸಾಸಿರ ನಾಮನೆ ಕ(ಲ್ಕಿ)ಯೆಂದೆನಿಸಿದೆ 10
ಹೃತ್ಕಮಲೇಶ ಸದಾನಂದನೆನಿಸಿದೆ 11

ಬಾ ಹರಿ ಭಕುತರ ಭಯ ಪರಿಹರಿಸುತ
ಸರಸಿಜ ಸದನೆಯರೊಡಗೂಡಿ ನಲಿಯುತ ಪ
ನೀರೊಳು ಮುಳುಗಿ ಮೀನನೆಂದೆನಿಸಿ
ಭಾರವ ಪೊತ್ತಿಹ ಕೂರ್ಮನೆ ಜವದಿ 1
ಕೋರೆಗಳಿಂದ ಧಾರುಣಿತಂದ
ಕ್ರೂರನುದರ ಕರುಳ್ಹಾರವೆ ಚಂದ 2
ಮೂರಡಿ ಭೂಮಿಯ ಬೇಡುತ ಬಂದೆ
ನಾಡೊಳು ಕೊಡಲಿಯ ಪಿಡಿಯುತ ನಿಂದೆ3
ಸೇತುವೆ ಕಟ್ಟುತ ಸೀತೆಯ ತಂದೆ
ಪಾತಕಿ ಕಂಸನ ನಾಶವ ಗೈದೆ4
ಬುದ್ಧನೆಂದೆನಿಸಿದೆ ಶುದ್ಧಮೂರುತಿಯ
ಮುದ್ದು ತೇಜಿಯ ನೇರುತ ಮೆರೆದವನೆ 5
ಬಾ ಮುರವೈರಿ ಬಾ ಬಾರೊ ಶೌರಿ
ಭಾಸುರ ವಂದ್ಯ ಬಾ ಮುದದಿಂದ6
ಪಾದ ದೃಢದಿ ಭಜಿಪೆನೈ
ಕಡಲ ಶಯನ ಕಮಲನಾಭ ವಿಠ್ಠಲನೆ 7