ಪಾಲಿಸೆನ್ನನು ಶ್ರೀಲಕುಮಿವರ ಭೂಲೋಲಕಾರ್ಪರ
ದೊಳು ಪಿಪ್ಪಲತರು ಸುಮಂದಿರ ಪ
ಬಾಲತನದಿ ಜನಕನ ಬಹು ಕೀಳುನುಡಿಗಳನು ಸಹಿಸಿದ
ಬಾಲಗೊಲಿದ ನರಹರಿಯೆ ಕೃಪಾಳೊ ನಿಮ್ಮಯ
ಕಾಲಿಗೆರಗುವೆ ಅ.ಪ
ಸಾಲಿಗ್ರಾಮದಿ ನೆಲಸಿ ತರುವರ ಮೂಲದಿ ಸೇವಿಪರ
ಪಾಲಿಸಲೋಸುಗ ನಿರಂತರ ಕಾಲಕಾಲಗಳಲ್ಲಿ ಬಿಡದೆ
ವಾಲಗ ಕೈಕೊಳ್ಳುತ ಮೆರೆವ ಕಾಳಿಯಮದನನೆ ತವಪದ
ಕೀಲಾಜದಲಿ ಭಕುತಿಯ 1
ಮಂದಜಾಸನಾದಿ ಸುರಗಣ ವಂದಿತ ಸುಚರಣ
ದ್ವಂದ್ವ ಭಜಕ ವೃಂದಪೋಷಣ ಸಿಂಧುಶಯನವಂದಿಪೆ ಭವ
ಬಂಧ ಬಿಡಿಸ್ಯಾನಂದಗರಿವ
ಮಂದಿರದಲಿ ತಂದುತೋರಿಸಿ2
ನಾರದಾದಿ ಮುನಿ ಸುವರ್ಣಿತ ಉದಾರ ಚರಿತ
ನಾರಾಯಣ ಮುನಿಸು ಪೂಜಿತ ಧಾರುಣಿಯೊಳು ಘೋರ
ಕೃಷ್ಣಾತೀರ ಸಂಸ್ಥಿತ ಸೇರಿದ ಭಕುತರಿಗೆ ತ್ರಿದಶ
ಭೂರುಹ ಸಿರಿನರಸಿಂಹನೆ 3

ಶ್ವೇತಗಿರಿನಿವಾಸ ಕೇಶವ ನೀಡೆನಗೆ ಮುದವಾ ಪ
ಭೂತಳದಿ ಪ್ರಖ್ಯಾತವಾದ ಶ್ವೇತಗಿರಿನಿವಾಸಯನ್ನ
ಪೊರಿಯೊ ದೇವಾ ಅ.ಪ
ಪಾಥೋರುಹ ಭಜಿಪ ಸತತ
ಸೀತ ಲಕ್ಷ್ಮಣ ರಘು ನಾಥನು
ಸಂಚರಿಸಿದಂಥ 1
ಸಪ್ತಋಷಿಗಳಿರುವ ಕೃಷ್ಣಾ
ಚೋತ್ತರ ವಾಹಿನಿಯ ಸ್ನಾನ
ಕ್ಷೇತ್ರಕಾಶಿಗಿಂತ ಫಲದಿ
ಉತ್ತಮವೆಂದೆನಿಸಿದಂಥ 2
ಶ್ರೀಮನೋಹರ ನಿಮ್ಮಯ ಪದ
ತಾಮರಸವ ಪೂಜಿಸಲು
ಸೂತ್ರಾಮ ಲೋಕದಿಂದ ಬರುವ
ಕಾಮಧೇನು ಚರಿಸಿದಂಥ 3
ಅಷ್ಟತೀರ್ಥಂಗಳಿರುವ
ಶ್ರೇಷ್ಠಸ್ಥಾನವೆಂದು ತಿಳಿದು
ನಿಷ್ಠೆಯಿಂದ ಸೇವಿಸುವರ
ಭೀಷ್ಠಗಳನ್ನು ಸಲಿಸುವಂಥ 4
ಶ್ವೇತರಾಜ ತಪವಗೈದು
ಪೂತವಾದ ಪದವಿ ಪಡೆದ
ಆ ತರುವಾಯದಲಿ ಗಿರಿಯು
ಶ್ವೇತನಾಮದಿಂದ ಮೆರೆಯೆ 5
ಅಂದವಾಗಿ ತಿಳಿದು ಭಕುತಿ
ಯಿಂದ ಶೇವಿಪ ಮನುಜಗೆ ಭವ
ಬಂಧ ಬಿಡಿಸ್ಯಾನಂದ ಗರಿವ 6
ತುಂಗಗಿರಿಯ ಸ್ಥಾನದಲ್ಲಿ
ಶೃಂಗನೆಂಬ ಋಷಿಯು ತಪದಿ
ಮಂಗಳ ಪ್ರದ ಕಾರ್ಪರನರ
ಸಿಂಗನೊಲಿಸಿ ವರವ ಪಡೆದ 7