ಎಂತು ಮರುಳಾದೆ ನೀ ಯದಿಯ ಬಿಗುವಿನಲಿ ತಿರುಗಿ |
ಪಂಥದಲ್ಲಿ ಕೆಡಲಿಬೇಡ ಎರಡು ದಿನ |
ಸಂತೆ ನೆರೆದಂತೆ ಮೂಢ ಇಪ್ಪದಿದು |
ಸಂತತ ತೊರೆದು ಬಾಡೊ ಪ್ರಾಣಿ ಪ್ರಾಣಿ ಪ
ವಿಂಚುಗೂಳನು ತಿಂದು ಮನೆ ಮನೆಗಳು ತಿರುಗಿ |
ಸಂಚಿತಾರ್ಥವ ತಿಳಿಯದೆ ಮರುಳಾದ |
ಪರ |
ಪಂಚವನು ನೀ ಕಳಿಯದೆ ವ್ಯರ್ಥಾಯ |
ವಂಚನಿಂದಲಿ ನಡೆದು ಬಾಯಿ ತೆರೆದು | ಹಲ್ಲನು |
ಹಂಚಿಕೆ ತೋರಿದಂತೆ ಮೃತ್ಯುವಿನ |
ಪಂಚದಲಿ ಸೇರಿದಂತೆ | ಆಗುವುದು |
ಕಂಚು ಕೆಳಗೆ ಬಿದ್ದಂತೆ ಪ್ರಾಣಿ 1
ನುಗ್ಗು ನುಸಿಯಾಗದಿರು | ನೂಕು ನಿನ್ನಹಂಕಾರ |
ಮುಗ್ಗದಿರು ಈ ಬಲಕಿಗೆ ಸ್ಥಿರವಾಗಿ |
ಬಗ್ಗು ನಡೆವಳಿ ನಡೆದು |
ವೆಗ್ಗಳದ ನಡೆವಳಿ ನಡೆದು |
ವೆಗ್ಗಳದ ಧರ್ಮದಾ ಸುಗ್ಗಿಯಲಿ ದಿನವ ಹಾಕೊ |
ಬಿಡು ಬಿಡು ಅಗ್ಗಳಿಕೆತನವೆ |
ಸಾಕು ಆವಾಗ ತೆಗ್ಗಿಕೊಂಡಿರಲಿ ಬೇಕು | ಪ್ರಾಣಿ 2
ಇನ್ನಾದರೂ ಕೇಳು | ಪುಣ್ಯವಂತರ ಕೂಡು |
ನಿನ್ನವರು ನಿನಗೆ ದಾರೊ |
ಕಣ್ಣಾಗೆ ಎಣ್ಣೆ ಬಿದ್ದಂತೆ ಸಾರೊ ಬಾಯಿಂದ |
ಬೆನ್ನಿಗೆ ಬಂದ ವಿಚಾರೊ ತುದಿಯಲಿ |
ಮಣ್ಣು ಮಣ್ಣನೆ ಕಲಿತು ಹೋಗುವುದು ನಿಶ್ಚಯವು |
ಚೆನ್ನಾಗಿ ಎಚ್ಚೆತ್ತುಕೋ ಈ ಮಾತಿಗೆ |
ಖಿನ್ನನಾಗುವದೇತಕೊ ಸಾವಿರಕು |
ಮುನ್ನಿಲ್ಲವೊ ಮನಸಿತೊ ಪ್ರಾಣಿ 3
ವೇದಶಾಸ್ತ್ರವನರಿಯೆ ಆದಿಪುರಾಣಗಳು |
ಅದ್ವೈತ |
ವಾದವರ ಕೂಡದಿರು ಇದೆ ಮಿಗಿ
ಲಾದರು ಮರಿಯದಿರು ಉತ್ತಮ |
ಸಿರಿ ವಿಜಯವಿಠ್ಠಲನ ಶ್ರೀ |
ಪಾದವನು ಒಂದೇ ಭಕ್ತಿಯಿಂದಲಾ |
ರಾಧಿಸು ಇದಕೆ ಯುಕ್ತಿ ಕಡಿಯದಲೆ |
ಮಾಧವನು ಕೊಡುವ ಮುಕ್ತಿ ಪ್ರಾಣಿ4

ದೀನರಕ್ಷಕ ದೈತ್ಯ ಶಿಕ್ಷಕ ಏನ ಪೇಳಲಿ ಎಂತು ತಾಳಲಿ ಪ.
ಹಗಲು ರಾತ್ರೆಯು ಹಲವು ಚಿಂತೆಯು
ದ್ವಿಗುಣವಾಯಿತು ಧೈರ್ಯ ಕುಂದಿತು
ನಗುವ ವಿಧಿಯನು ನೆನೆಯದಾಸೆಯ
ಬಿಗುವಿನಿಂದ ಬೆಂಡಾದೆ ಕೇಶವ 1
ಸಂದ ಕಾಲವು ಸುಮ್ಮಗ್ಹೋಯಿತು
ಮುಂದಿನವಧಿಯ ಮರವು ಮುಸುಕಿತು
ಸುಂದರ ಸ್ಮಿತಾನಂದ ಮೂರುತಿ
ಇಂದಿರೇಶ ನೀ ಎಂದು ತೋರುತಿ 2
ಗಣನೆಯಿಲ್ಲದಗಾಧ ತಪ್ಪನು
ಎಣಿಸಲಾರೆನು ಎಂತು ನುಡಿವೆನು
ವನಜನಾಭ ನೀನಾವ ಯುಕ್ತಿಯ
ನೆನಸಿ ಸಲಹುವೆ ಎಂಬುದರಿಯೆನು 3
ಅಂತವಿಲ್ಲದಾ ಚಿಂತೆ ಎನ್ನನು
ಭ್ರಾಂತಿಗೊಳಿಪುದು ಭಂಡು ಮಾಳ್ಪುದು
ಕಂತುಜನಕ ಭೂಕಾಂತ ಕರುಣಿಸು
ಸ್ವಾಂತರಂಗದಿ ನಿಂತು ನಿಯಮಿಸು 4
ನಿತ್ಯ ಸಲಹುವ-
ನೆಂಬ ಬಿರುದ ನಾನರಿತು ನುಡಿದೆನು
ಶಂಭುವಂದ್ಯ ಶೇಷಾದ್ರಿನಾಥ ಪಾ-
ದಾಂಬುಜಾಶ್ರಿತನೆನಿಸು ಎನ್ನನು 5

ವೆಂಕಟಾಚಲನಿಲಯಾ ಎನ್ನ ಒಡೆಯ ಪ
ವೆಂಕಟಾಚಲನಿಲಯಾ ವಿಧಾತೃಸಂತರೊಡೆಯಾ |
ಪಂಕಜಮುಖಿ ರಮಣ ಪಾವನಚರಣಾಅ.ಪ.
ಉದಯವಾಗದ ಮುನ್ನ ಉದರ ಪೋಷಣೆ ಚಿಂತೆ |
ಅದರ ಮೇಲೆ ಧಾನ್ಯ ಧನದ ಚಿಂತೆ ||
ಮದನ ಯೌವನದ ಚಿಂತೆ ಮತ್ತೆ ಸತ್ವದ ಚಿಂತೆ |
ಹೃದಯದಲಿ ನಿಮ್ಮ ಚಿಂತೆಯನು ಮಾಡದಲೆ ಕೆಟ್ಟೆ1
ಮೇದಿನಿ ಆಳುವ ಆಶೆ |
ನಂದನರ ಆಶೆ ನಾನಾ ಆಶೆಯು ||
ಬಂಧುಬಳಗದ ಆಶೆ ಭಾಗ್ಯವುಳ್ಳವನಾಶೆ |
ಒಂದು ದಿನ ನಿಮ್ಮಾಶೆಯನು ಮಾಡದಲೆ ಕೆಟ್ಟಿ 2
ಎದುರುಯಿಲ್ಲವೆಂಬೊ ಗರ್ವ ಎದೆಯ ಬಿಗುವಿನ ಗರ್ವ |
ವದನನಿಷ್ಠುರ ಗರ್ವ ವಿದ್ಯ ಗರ್ವವು ||
ಉದಧಿಶಯನ ನಮ್ಮ ವಿಜಯವಿಠ್ಠಲರೇಯಾ |
ಮದ ಗರ್ವದಿಂದ ನಿನ್ನ ನೆನಹು ಮಾಡದೆ ಕೆಟ್ಟೆ 3