ತಾಳಲಾರೆನೆ ಜಗದಿ ಬಾಳಲಾರೆನೆ
ನಾಗೇಶಾಂಗಶಯನನ ಸುಖಭೋಗ ಪ
ಎಂದಿಗೆ ಆಗದಿರ್ದೊಡೆ
ತಾಳಲಾರೆನೆ ಜಗದಿ ಬಾಳಲಾರೆÀನೆ ಅ.ಪ
ಸವತಿ ರುಗ್ಮಿಣಿ ಭವನದಿ ಮು
ದವನೆ ತಾ ಮರೆತು ಕುಳಿತಾ 1
ಇಂದಿರೇಶ ನಂದಧೀಶ
ಮಂದಿರದೀಗ ಬಾರದಿರಲು 2
ನರಸಿಂಹ ವಿಠಲನೀಗ
ಭರದಿ ಮೊಗವ ತೋರದಿರಲು 3

ಹಲವೂ ಜನ್ಮ ತಳೆದೂ ಬಂದೇ
ಹಲವೂ ದುಃಖವ ಸಹಿಸೀ ಬಂದೇ ಪ
ಫಲಗಳ ತಿಂದೂ ಸೋತೂ ಬಂದೇ
ಸಲಹÉೂೀ ರಂಗನೇ ದೂರ್ವಾಪುರಿಯೇ ಅ.ಪ.
ಘೋರ ಕಷ್ಟವು ಮಾಯಾಭವವು
ಸಾರವಿಲ್ಲವು ಸಂಸಾರದಲೀ
ಧಾರುಣಿಯಲಿ ಬಾಳಲಾರೆ
ನೀರಜಾಕ್ಷನೇ ದೂರ್ವಾಪುರಿಯೇ 1
ಖೂಳ ಪಾಪಿಯಹುದು ನಾನು
ಬಾಲನಂತೆನ್ನ ಅಪರಾಧ ಕ್ಷಮಿಸೋ
ಜಾಲದಿಂದ ಮೊದಲು ಬಿಡಿಸೋ
ಬಾಲಮೂರ್ತಿಯೇ ದೂರ್ವಾಪುರಿಯೇ2
ನಿನ್ನ ಭಜನೆಯ ಮಾಡುತ್ತಿರುವೆನು
ನಿನ್ನ ದಾಸನಾಗುವೆ ನಾನು
ನಿನ್ನ ನಾಮ ಸ್ಮರಿಸುತ್ತಿರುವೆನು
ಚನ್ನ ಕೇಶವ ದೂರ್ವಾಪುರಿಯೇ 3