ಜ್ಞಾನಕಿದೇ ನಡಿ ಕುರುಹು |
ಶ್ರೀ ರಮಾನಾಥಾಂಘ್ರಿಯ ಕಾಣುವದರಿತು ಪ
ಕೋಪ ತಾಪವ ಬಿಡಬೇಕು ಪಶ್ಚಾ |
ತ್ತಾಪದಿ ವೈರಾಗ್ಯ ಘನ ಬಲಿಬೇಕು |
ಪಾಪವಿರಹಿತಾಗಬೇಕು | ಗತಿ |
ಸೋಪಾನವಾದಾ ಶಾಂತಿಯ ಜಡಿಬೇಕು 1
ಕರುಣ ಮೂರುತಿ ಆಗಬೇಕು ಸರ್ವ |
ಧರೆಯು ಜನಕ ಪ್ರಿಯವಾಗಿರಬೇಕು |
ನೆರೆ ಲೋಭವನು ಜರಿಬೇಕು ತನ್ನ |
ತೆರನರಿ ತನ್ನವ ನೀಡಲಿಬೇಕು 2
ದುರಿತ ಭಯವ ಬಿಡಬೇಕು | ದುಃಖ |
ದುರ್ವಾಣಿಯಲಿ ತಾ ಬಳಲದಿರಬೇಕು |
ಹರಿಭಕ್ತಿ ದೃಢಗೊಳ್ಳಬೇಕು ಗುರು |
ಬೋಧ ನಿಜವೆನಬೇಕು 3

ನರನಾದ ಮ್ಯಾಲ ಹರಿನಾಮ ಜಿವ್ಹೆದಲಿರಬೇಕು ಪ
ಗುರುವಿನ ಬರಣಕ ನಂಬಿರಬೇಕು|
ತರಣೋಪಾಯವನರಿಯಲಿ ಬೇಕು|
ವಿರತಿಯ ಮಾರ್ಗದಿ ನಡೆಬೇಕು 1
ಪರ ಬೇಕು|
ಪಾತಕ ತನವನು ಜರಿಯಲಿಬೇಕು|
ಮಾತು ಮಾತಿಗೆ ಹರಿಯೆನಬೇಕು 2
ಶಾಂತಿಯ ಶಮೆದಮೆ ಹಿಡಿಯಲಿಬೇಕು|
ಭ್ರಾಂತಿಯ ಕ್ರೋಧವ ನಳಿಯಲಿಬೇಕು|
ಸಂತರ ಸಂಗದಲಿರಬೇಕು 3
ತಂದೆ ಮಹಿಪತಿ ದಯ ಪಡಿಬೇಕು|
ಬಂದದನುಂಡು ಸುಖದಿರಬೇಕು|
ಎಂದೆಂದು ಭಕ್ತಿ ಬಲಿಬೇಕು4