ಭಕುತರಿಗಾಶೀರ್ವಾದಗಳು ಕುಶಲಕೆ ಬರೆಯುತಲಿರಿ ಎನಗೆ ಪ
ಯುಕುತಿಗಳನು ಬರೆದಿಹೆನಿಲ್ಲ ಅ.ಪ
ಬೆರೆಯಬೇಡಿ ಈ ಜಗದ ರಗಳೆಯಲಿ
ಮರೆಯಬೇಡಿ ಎನ್ನನು ಕ್ಷಣವು
ಬೆರೆಯದೆ ಮರೆಯದೆ ಇರುವ ಧೀರರನು
ಪೊರೆಯುವುದೇ ಎನ್ನಯ ಗುರಿಯು 1
ನಾಳೆಗೆ ಅಣಿಮಾಡಲು ಕೈಲಾಗದೆ
ಗೋಳೇತಕೆ ನಾನೊದಗಿಸುವೆ
ಕಾಲು ಕೈಗಳೊದ್ದಾಡುವತನಕ
ಮೇಲೆತ್ತುವುದಳವೇ ಎನಗೆ 2
ಬಿಸಿಲು ಗಾಳಿ ಮಳೆಗಳು ಸಿದ್ಧೌಷಧ
ಹಸನ ಮುಖವೆ ನಿಮ್ಮಯ ಪಥ್ಯ
ರಸ ಕವಳವು ಬೇಕಾದರೆ ಕೊಳೆಯುವ
ರಸವನು ತಿನ್ನಲು ಬಯಸದಿರಿ 3
ಕತ್ತಲಿನಲಿ ಓಡÀುತಲಿರುವಿರಿ
ಸತ್ತಿರುವುದೆ ನಿಮ್ಮಯ ಬಲವು
ಅತ್ತರೇನು ಫಲ ಎತ್ತಿನೋಡಿ ತಲೆ
ಹತ್ತಿರದಿ ನಾನಿಹೆ ಸತತ 4
ಭಯವೇತಕೆ ದಾರಿದ್ರ್ಯದಲಿ
ಭಯವೇತಕೆ ಜನರನು ಬಿಡಲು
ಭಯವೇತಕೆ ಲೌಕಿಕವಿರದಿರಲು
ಅಭಯ ಪ್ರಸನ್ನನಿರೆ ಹೃದಯದಲಿ 5
ಬೊಗಳುವರಿರುವರು ಹೊಗಳುವರಿರುವರು
ಹಗರಣವೇತಕೆ ಮಾನಸದಿ
ಒಗೆಯಿರಿ ಹಗೆತನ ನಗುತ ನಗುತಲಿರಿ
ಜಗವೆ ಹೊಸ ಮೊಗ ತೋರುವುದು6

ಬರಿದೆ ಬಯಸದಿರಿಹಲೋಕಸುಖವೆಂಬ ಬರಗಿನ ಪಾಯಸವ |ಶರಿಧಿಶಯನನ ಬೇಡೊ ಪರಲೋಕಸುಖವೆಂಬಸೇವಗೆ ಪಾಯಸವ ಪ.ಮುಂದರಿಯದೆ ಮಾಳ್ಪ ಮೂಢನೃಪನ ಸೇವೆ ಮುಗ್ಗುರಾಗಿಯ ಹಿಟ್ಟು |ಮಂದಮತಿಯೆ ನೀನನ್ಯರಲಿ ಬಯಸುವ ನೀಚಮಾರ್ಗವ ಬಿಟ್ಟು ||ಕಂದರ್ಪಜನಕನ ಕಿಂಕರನೆಂಬುವ ಕಲಸೋಗರ ಕಟ್ಟು |ಸಂದೇಹಿಸದೆಪರಾತ್ಪರವಸ್ತು ಮುಕುಂದನಂಘ್ರಿಯ ತಟ್ಟು1ಅಗ್ಗದಾಸೆಗೆ ಸಂಗ್ರಹಿಸದಿರಘವೆಂಬ ಅಡಿಗಂಟು ದವಸವನು |ಬಗ್ಗನುಳಿದು ಸಂಪಾದಿಸು ಪರವೆಂಬ ಪುಣ್ಯದ ದವಸವನು ||ಯೋಗ್ಯರನರಿಯದೆ ಏತಕೆ ಬೇಡುವೆ ಸಾಕಾರ ಕೇಶವನು |ಕುಗ್ಗಗೊಡದೆ ಸಂಸಾರವೆಂತೆಂಬುವ ಕೋಟಲೆ ತಪ್ಪಿಸುವನು 2ಸಕ್ಕರಿ ಚಿಲಿಪಾಲು ಘ್ರತ ರಾಜಾನ್ನಕೆ ಸವಿಯೀವಹರಿಕಥೆಯ - ಬಿಟ್ಟು |ಅಕ್ಕರೆಯಿಂದಪೇಕ್ಷಿಸುವರೆ ನೀ ಅಲ್ಪರ ಸಂಗತಿಯ ||ಸೊಕ್ಕೊಳಿತಲ್ಲೆಲೊ ಮದಡು ಜೀವಾತ್ಮನೆ ಸ್ವಾಮಿಕಾರ್ಯಸ್ಥಿತಿಯ |ಗಕ್ಕನಂತು ಸೇರು ಪುರಂದರವಿಠಲನ ಚರಣಕಮಲದ್ವಿತಯ 3