ಯತಿಗಳು, ದಾಸರು
ಆಸೆಗಾರ ನಾನು ದಾಸಯ್ಯ ನಿನ್ನ ಧ್ಯಾ
ನಿಸಿ ಬಂದೆನು ದಾಸಯ್ಯ ಪ
ದೋಷದೂರನೆ ಎನ್ನ ಆಸೆಯ ತೀರಿಸಿ
ಪೋಷಿಸು ಬೇಗನೆ ದಾಸಯ್ಯ ಅ.ಪ
ಬಡತನಗಳು ಎನ್ನ ದಾಸಯ್ಯ ಇನ್ನು
ಕಡೆತನಕಳಿಯಲೋ ದಾಸಯ್ಯ
ಗಡಕಡಿ ಜಡಭವದೆಡರು ತೊಡರುಗಳು
ಕೆಡದಪದವಿ ನೀಡು ದಾಸಯ್ಯ 1
ನುಡಿಯಂತೆ ನಡೆಕೊಡು ದಾಸಯ್ಯೆನ್ನ
ಒಡಲ ಜಡರುತೊಳಿ ದಾಸಯ್ಯ
ಕಡಿದು ಹಾಕಲು ಎನ್ನ ಪಿಡಿದು ನಿನ್ನಡಿಭಕ್ತಿ
ಬಿಡದ ಮನವು ಕೊಡು ದಾಸಯ್ಯ 2
ಸುಂದರ ಶ್ರೀರಾಮ ದಾಸಯ್ಯ ಎನ್ನ
ತಂದೆ ತಾಯಿ ನೀನೆ ದಾಸಯ್ಯ
ಕುಂದುವ ಜಗದೊಳು ಬಂಧನಪಡಿಸದೆ
ಕುಂದದ ಸುಖ ನೀಡು ದಾಸಯ್ಯ 3