ಛೀ ಯಾತರ ಬುದ್ಧಿ |
ಸೊಕ್ಕಿನ ಮಾತಿಲಿ ಬಲು ನÉೂಂದಿ ಪ
ಗುರುಹಿರಯರ ಅನುಸರಿಸದೇ |
ಹರಿಚರಣವ ಕೊಂಡಾಡದೇ |
ಬರಡಾ ನಾಲಿಗೆ ಮಾಡಿದಿ ಬರಿದೇ 1
ವಳ್ಹವ ಹೊಲ್ಲವರಿಯದೇ |
ಯಳ್ಳಿನಿತು ನೀ ವಿಚಾರಿಸದೇ |
ನಿಲ್ಲದೇ ಮಾಡುವಿ ಬಗಳುವದೇ 2
ಕೆಂಡವ ಕಂಡು ನೆರೆ |
ಮಂಡಿಯಾ ತುರಿಸುವರೆ |
ತುಂಡತನ ಗುಣ ಬಿಡು ಇನ್ನಾರೆ 3
ಪೊಡವಿ ದೇವತೆಯ ಕೋಣಾ |
ಯಡಬಲ ನೋಡದಿರಲೇನು |
ಕಡೆಯಲಿ ಕೆಡುವರು ಒಂದಿನಾ 4
ಮಹಿಪತಿಸುತ ಪ್ರಭು ದಾಸರ ಕೈ |
ಅಹುದೆನಿಸಿಕೊಂಬುದೆ ಸ್ವರ್ಗಯ್ಯ |
ವಿಹಿತಲ್ಲೆಂಬುದೇ ನರ್ಕದಾಶ್ರಯಾ 5