ವೆಂಕಟೇಶನ ನಂಬಿರೊ ನೀವೆಲ್ಲರೂ | ವೆಂಕಟೇಶನ ನಂಬಿರೋ ||
ವೆಂಕಟೇಶನ ನಂಬಿ | ಮಂಕುಜನರೆ ನಿಮ್ಮ |
ಸಂಕಟ ಪರಿಹರಿಸಿ ತ | ನ್ನಂಕಿತವ ನೀವ ಪ
ಗುಣ ಒಂದು ನೋಡಿದಿಯಾ ಅಜಮಿಳ |
ಗುಣವೇನು ಮಾಡಿದನು |
ಗುಣ ಶಿರೋಮಣಿ ಮ | ರಣ ಬಂದಾಗ ಸ್ಮ |
ರಣೆ ಇತ್ತು ಅವನ ನಿ | ರ್ವಾಣಕ್ಕೆ ಕರಿಸಿದಾ 1
ಕುಲದಲ್ಯಾತರವನು |
ಕುಲಶಿಖಾಮಣಿ |
ನಿಳಗೆ ಪೋಗಿ ಕುಡತಿ ಪಾಲಿಗೆ ಅವನಿಗೊಲಿದು ನಿ |
ಶ್ಚಲ ಭಾಗ್ಯವನಿತ್ತ 2
ಗುಣ ಒಂದು ನೋಡಿದಿಯಾ | ವಾಲ್ಮೀಕಿ |
ಗಣದ ಕೂಟದವನೆ |
ಕ | ರುಣ ಮಾಡಿ ಅವಗೆ ಚ |
ರಣವನ್ನು ತೋರಿ ಆ | ಕ್ಷಣದಲ್ಲಿ ಸಾಕೀದ 3
ಪತಿವ್ರತರ ನೋಡಿದಿಯಾ | ಗೋಪಿಯರು
ಪತಿ ಧರ್ಮದಲ್ಲಿ ಇದ್ದರೇ |
ಪತಿತಪಾವನ ಸಂಗತಿಯಲ್ಲಿ ಆ ನಾರಿಯರಿಗೆ |
ಅತಿಶಯವಾದ ಸದ್ಗತಿಯ ಕರುಣಿಸಿದ4
ಗುಣಿ ಕುಲ ಗಣ ಮಿಕ್ಕಾದ ವ್ರತಂಗಳು |
ದಣಿದು ಮಾಡಲಿಬೇಡಿರೊ |
ಬಣಗುದೈವದ ಗಂಡ ವಿಜಯವಿಠ್ಠಲನ್ನ |
ಮನದೊಳು ನೆನೆದರೆ ನೆನೆಸಿದ ಫಲನೀವಾ 5