ಭಾರತಿ ಮರುತನ ರಾಣಿ ಶುಭ
ವಾಣಿಯಾಗಿರುವಿ ಕಲ್ಯಾಣಿ
ನಾರಸಿಂಹನ ಸೊಸೆಯಾದಿ ಸರ್ವ
ನಾರಿಯರಿಗೂ ನೀ ಮೇಲಾದಿ ಪ
ಭೀಮನು ಶೂದ್ರನೆಂದಿರಲು ನೀನು
ಶೂದ್ರೆಯೆಂದೆನಿಸುತಲಿರುವಿ
ಕಾಮಿ ಕೀಚಕನಿಗೆ ಮೃತ್ಯುವಾಗಿ ನಿನ್ನ
ಪ್ರೇಮವನೇನು ಬಣ್ಣಿಸಲಿ 1
ಜುಟ್ಟನು ಕೈಯೊಳು ಸೆಳೆದ
ದುಷ್ಟ ದೈತ್ಯನ ಪಂಥದಿ ಮಥಿಸಿ
ಪಟ್ಟದರಸನು ತೋರಿದುದದ್ಭುತವು
ಸಿಟ್ಟು ನಿನಗಾಗಿ ತೋರ್ದುದಾಶ್ಚರ್ಯ 2
ರಾಜಧರ್ಮನು ಸುಮ್ಮನಿರಲು
ರಾಜನಾಥ ಶ್ರೀಹಯಮುಖ ದಾಸ
ರಾಜ ಭೀಮನು ತೋರ್ದ ಶಾಂತತೆಯ
ರಾಜೀವಾಕ್ಷ ನಿನ್ನೊಳು ತೋರಿದ ಕರುಣ 3