ಕೆರೆಯನು ದಾಟಲು ಅರಿಯದ ಜನ ಭವ
ಶರಧಿಯ ದಾಟುವರೇ ಶ್ರೀ ನರಹರೆ ಪ
ಕರವ ಪಿಡಿಯದಿರೆ
ತೊರೆಯ ಸೇರಲಳವೆ ಈ ಧರೆಯೊಳು ಅ.ಪ
ಹಲವು ಜನ್ಮಗಳಲಿ ಗಳಿಸಿದ ಅಘಗಳ
ಅಲೆಗಳೊಳಗೆ ಸಿಲುಕಿ ಸಂತತ
ಮುಳುಗಿ ಮುಳುಗುತ ಕಟುಜಲಗಳ ಕುಡಿಯುತ
ನಳಿನನಾಭ ನಿನ್ನೊಲಮೆಯಿಂದಲ್ಲದೆ1
ಕಾಮ ಕ್ರೋಧ ಮದ ಲೋಭ ಮೋಹ
ಮತ್ಸರಗಳೆಂಬ ವಿವಿಧ ಜಲಚರ
ನಕ್ರ ತಿಮಿಂಗಿಲವಿರಲಾಗಿ
ಕಾಮಜನಕ ನಿನ್ನ ಪ್ರೇಮವÀ ಪೊಂದದೆ 2
ಚೂರ್ಣಗಳಾದುವು ವಿವಿಧ ನಾವೆಗಳೀ
ಅರ್ಣವದಲಿ ಸಿಲುಕಿ ಸುಲಭದಿ
ಪೂರ್ಣ ಪ್ರಮತಿಗಳ ಮತವನರಿತು ಇನ್ನ
ಪೂರ್ಣ ಪ್ರಸನ್ನತೆ ನಾವೆಯಿಂದಲ್ಲವೆ 3

ಶಾಮ ಸುಂದರ ಪ್ರೇಮವÀ ತೋರೆಲೊ ಪ
ತಾಮಸವಿಲ್ಲದೆ ಕಾಮಿತಗಳ ನೀಡೊ ಅ.ಪ
ಹಿಂದೆ ಅಜಮಿಳ ಒಂದನರಿಯದೆ
ಕಂದನನ್ನು ನಾರಾ ಎಂದು ಕರೆಯಲು
ಬಂಧುವೆಂದರಿತು ಮಂದಹಾಸದಿಂದ
ಬಂದು ರಕ್ಷಿಸಿದೆ ಎಂದು ಕೇಳಿರುವೆ 1
ಕ್ರೂರ ಶಾಸನ ನಾರಿ ದ್ರೌಪದಿಯ
ಸೀರೆ ಸೆಳೆದು ಮಾನ ಸೂರೆಗೊಳುತಿರೆ
ಸಾರಿ ಕೂಗಲು ಭೂರಿದಯವನು
ತೋರಿರುವೆ ಎಂದು ಕೋರಿರುವೆ ನಿನ್ನ 2
ಮುನ್ನ ಮಾಡಿದ ಎನ್ನ ಪಾಪಗಳಿಗೆ
ಖಿನ್ನನಾಗಿರುವೆ ಎನ್ನ ಮನದಲಿ
ಮನ್ನಿಸುತ್ತ ಸುಪ್ರಸನ್ನನಾಗಿ ಸದಾ
ಎನ್ನ ಹೃದಯ ಶುದ್ಧಿಯನ್ನೆ ಮಾಡಿ ಪೊರೆಯೊ 3