ರಾಜೀವ ನಯನೆಯ
ಪೂಜೆ ಮಾಡುವ ಬನ್ನಿರೆ ಪ.
ಪೂಜೆ ಮಾಡುವ ಬನ್ನಿ ಮೂಜಗದಂಬೆಯ
ರಾಜರಾಜೇಶ್ವರಿಯ ಪದರಾಜೀವಗಳಿಗೆರಗಿ ವಿನಯದಿ ಅ.ಪ.
ಸನ್ನುತಾಂಗಿಯರೆಲ್ಲರೂ ಬನ್ನಿರೆ ಸಂ
ಪನ್ನ ಗುಣಯುತರು ಚಿನ್ನದ ಕಲಶದೋಳ್ ತುಂಬಿದ
ಪನ್ನೀರಿಂ ಸೆನ್ನಿಯಂ ತೊಳೆದು ಸಿರಿಪದ
ವನ್ನು ಸಂಸ್ಮರಿಸಿ ಹರಿಯನು 1
ಪ್ರೇಮಗೌರವವೆಂಬ ಹೇಮಾಂಬರವ
ಭಾಮಿನಿಗಳವಡಿಸುವ
ಭಾವರಾಗದ ಕುಂಕುಮ ತಿದ್ದಿಫಾಲದೆ
ಭಾವನಾಯೋಗದೊಳ್ ನಲಿಯುತ 2
ಗುರುಗಳಾಣತಿಯಂದದಿ ಶ್ರೀಪಾದದಿ
ಶರಣು ಬೇಡಿರೆ ಮೋದದಿ
ವರಶೇಷಗಿರೀಶನ ಕರುಣಾರೂಪಿಣಿಯೆನಿಪ
ಭರಿತ ಮಾನಸರಾಗಿ ಸಂತತೆ 3