ವಾಸುದೇವ ಎನ್ನ ಘಾಸಿಗೊಳಿಸದೆ
ನೀ ಸಲಹಲಿ ಬೇಕೊ ಪ.
ಈ ಶರೀರದೊಳು ಮಾಯಾಸಹಿತ-
ದಿ ಶ್ವಾಸನಾಡಿಯೊಳು ವಾಸವಾಗಿಹ ಅ.ಪ.
ಅನಿರುದ್ಧ ನಾಮದಿ
ಅನುದಿನ ಸಲಹುತಲಿ
ದನುಜನಾದ ಪಾಪಾತ್ಮನ ನಾಭಿಯೊಳ್
ಅನಿಲನಿಂದಲಿ ಶೋಷಿಸುವೆ ಪ್ರದ್ಯುಮ್ನ 1
ಹೃದಯದಿ ರಕ್ತವರ್ಣದಲಿ ನೀನಿರುತಲಿ ಸಂಕರ್ಷಣನೆನಿಸಿ
ಪದೋಪದಿಗೆ ಪಾಪಾತ್ಮಕನನು ಸುಟ್ಟು
ಸದಮಲ ಹೃದಯವ
ಶುದ್ಧಿಗೈಯ್ಯುವ 2
ಮಧ್ಯದಿ ನಾಡಿಯ ಮಧ್ಯದ ಹೃದಯ ಪದ್ಮ
ಮಧ್ಯ ಎಂಟು ದಳದಿ
ವಿದ್ಯಮಾನನಾಗಿ ಬಿಂಬನೆನಿಸಿ ನಿನ್ನ
ಪೊದ್ದಿಹ ಜೀವರ ಭಾವನೆಯಂತೆ ಕಾಂಬೆ 3
ಕೊಳಲನೂದುವ ನಿನ್ನ ಚಲುವರೂಪದ ಕಾಂತಿ
ಪೊಳಲೆಲ್ಲ ತುಂಬುವುದೊ
ನಳಿನಾಕ್ಷಿಯರ ಕೂಡಿ ಥಳಥಳಪ ನಿನ್ನ
ಬಲು ಸಂಭ್ರಮದೊಳು ಸುರರೆಲ್ಲ ಸ್ತುತಿಪರೊ 4
ಸಿರಿ ಸಹಿತದಿ ಇರುವೆ
ವರನಾಡಿ ಮಾರ್ಗದಿ ಅರಿತು ಭಜಿಸೆ ಮುಕ್ತಿ
ಪೊರೆಯುವ ಬಿರುದುಳ್ಳ ಗೋಪಾಲಕೃಷ್ಣವಿಠ್ಠಲ5

ಶರಣಾರ್ಥಿ ಶಿವಶರಣಾರ್ಥಿ |
ಹರಿಹರ ಎಂದು ಶಿವಪದ ಕಂಡವಗೆ ಪ
ಗುರುವಿಗೆರಗೆ ನಿಜ ಗುರುತಕೆ ಬಂದಿನ್ನು |
ಧರೆಯೊಳು ಪುಣ್ಯ ಜಂಗಮನೆ ವಾಸಿ |
ಅರಹುಮರಹು ಮೀರಿ ಸಹಜಾವಸ್ಥಿಗೆ | ಬೆರದಿಹ ಶರಣಗೆ 1
ಎದೆಸೆಜ್ಜೆಯೊಳಗಿಹ ಘನಲಿಂಗ ಪೂಜಿಸಿ |
ಮುದದಿಂದ ಭಕ್ತಿಯ ಪಾವುಡದೀ |
ಸದ್ಭಾವ ಸೂತ್ರದಿ ಆವಗುಧರಿಸಿಹ | ವಿದಿತ ಲಿಂಗಾಂಗಿಗೆ 2
ಆಶೆಯಸುಟ್ಟು ವಿಭೂತಿಯ ಹಚ್ಚಿದ |
ಧ್ಯಾಸದಂಡ ಕೈಲಿ ಪಿಡಿದು |
ಲೇಸಾದ ಸುಗುಣ ರುದ್ರಾಕ್ಷಿಯ ತೊಟ್ಟು | ಭಾಸಿಪ ಸಂತಗೆ 3
ಶಾಂತಿಯ ತೊಡರವ ಕಟ್ಟಿ ವಿವೇಕದ |
ಮುಂತಾದ ಕಾಷಾಯ ಪೊದ್ದಿಹನಾ |
ಸಂತತ ಗುರುಧರ್ಮ ಭಿಕ್ಷೆಯನುಂಡು |
ವಿಶ್ರಾಂತಿಯ ಮಠ ಹಿಡಿದ ವಿರಕ್ತಗೆ 4
ಶರಣನೆನುತಾ ಅನ್ಯರ ಶರಣರ ಮಾಡೀ |
ಶರಣ ತಾನೆಂಬ ವೃತ್ತಿಯನುಳಿದು |
ದ್ಧರಿಸಿದ ಮೂರ್ತಿಗೆ 5