ರಂಗನಾಥ ಪಾಲಿಸೆನ್ನ ಮಂಗಳಾಂಗ ಶ್ರೀಶ ಬೇಗ ಪ
ನಿನ್ನ ಭಜನೆಯನ್ನು ಗೈವೆ ಪನ್ನಗಾರಿವಾಹ ಹರೆ
ಸ್ವರ್ಣವಸನ ಭೂಷಿತಾಂಗ ಸನ್ನುತಾಂಗ ಧೀರಶೂರ 1
ದುಷ್ಟರನ್ನು ಶಿಕ್ಷಿಸುತ್ತ ಸೃಷ್ಟಿಗೊಡೆಯನೆನಿಸಿ ನೀನು
ಇಷ್ಟ ವರಗಳನ್ನು ಕೊಟ್ಟು ಶ್ರೇಷ್ಟನೆನಿಸು ನಂಬಿದೆನು 2
ಕಾಮಿತಾರ್ಥ ಫಲಗಳೀವ ಕಾಮ ಜನಕ ದೇವನೆ
ಧೇನುನಗರದಲ್ಲಿ ನೆಲಸಿ ನೇಮದಿಂದ ಪೂಜೆಗೊಂಬೆ 3

ಲಕ್ಷ್ಮೀದೇವಿ
ನಮಿಸುವೆ ನಮ್ಮಮ್ಮ
ಅಮಿತ ಮಹಿಮಳೇ ಆದಿ ಲಕುಮಿಯೇ
ಅನುದಿನ ಸಲಹಮ್ಮ 1
ಅಜತ ನಾಮಕನೆ ಆದಿ ದೈವವೆಂದು
ತ್ರಿಜಗಮ ತಿಳಿವಂತೆ
ನಿಜ ಪುರುಷನಿಗೆ ವನಮಾಲೆಯ ಹಾಕಿ
ಭಜಿಸಿದೆ ಬಲವಂತೆ 2
ಕಮಲಜ ಮೊದಲಾದ ಸುಮನಸರಿಂದಲಿ
ಕ್ರಮದಿ ಪೂಜೆಗೊಂಬೆ
ಸಮನಿಲ್ಲದ ಸೌಭಾಗ್ಯವ ಕೊಡು
ನೀ ಮಹ ಜಗದಂಬೆ 3
ಕಮಲವಾರಿಧೆ ಕಮಲಲೋಚನೆ
ಕರವೀರ ಪುರಧೀರೆ
ವರ ಕದರುಂಡಲಗಿ ಹನುಮಯ್ಯನೊಡೆಯನಉರದೊಳು ಸ್ಥಿರವಾಸೆ 4