ಕುದುರೆ ಕಂಡೀರ್ಯಾ ಬಿಳಿ ಕುದುರೆ ಕಂಡೀರ್ಯಾ
ಚೆಲುವ ಕುದುರೆ ಕಂಡೀರ್ಯಾ
ಮಧ್ವರಾಯರಿಗೊಲಿದ ಕುದುರೆ
ವಾದಿರಾಜರ ಪೊರೆದ ಕುದುರೆ
ಇಂದಿರಾ ದೇವಿಯನಪ್ಪಿದ ಕುದುರೆ
ಬಂದರೆ ನರರು ಬೆದರದಂಥ ಕುದುರೆ 1
ಮಂದರಗಿರಿಯನ್ನೆತ್ತಿದ ಕುದುರೆ
ಚಂದಿರನಂತೆ ಪೊಳೆಯುವ ಕುದುರೆ
ಸೋದೆಯ ಪುರದೊಳಿರುವ ಕುದುರೆ
ಮೋದದಿಂದ ಮೆರೆಯುವ ಕುದುರೆ 2
ನರನ ರಥವನು ಏರಿದ ಕುದುರೆ
ಸ್ಮರನ ತಾತನೆನಿಪ ಕುದುರೆ
ಸುರತರುವನೆ ಭೂಮಿಗೆ ತಂದ ಕುದುರೆ 3
ಕಡಲೆ ಹೂರಣ ಮೆಲುವ ಕುದುರೆ
ಪಂಡರಪುರದಿ ಮೇದ ಕುದುರೆ
ಪುಂಡರೀಕನಿಗೆ ಒಲಿದಿಹ ಕುದುರೆ
ಪಾಂಡವರನೆ ಪೊರೆದ ಕುದುರೆ 4
ರಾಜನಾಥನೆನಿಪ ಕುದುರೆ
ವಾಜಿವದನ ತಾನೆನಿಪ ಕುದುರೆ
ಕಂಜಸುತಗೆ ಶ್ರುತಿಯನ್ನಿತ್ತ ಕುದುರೆ
ಕಂಜನಾಭನೆನಿಪ ಕುದುರೆ 5

ಭಾರತೀಶನ ಸೇರಿರೋ ಭವವಾರಿಧಿ ದಾಟುವರೆ
ಸಾರ ತೋರುವ ಪ.
ತುಂಗ ವಿಷಯಾಂಗಜನಿತೋತ್ತುಂಗ ತರಂಗದೊಳು
ಅಂಗಜಾತ ತಿಮಿಂಗಿಲನು ತಾನುಂಗುವ ನಿಮಿಷದೊಳು
ಮಂಗಳಾತ್ಮಕ ಮಾರುತನ ಸದಪಾಂಗಲೇಶವನೈದೆ ಸುಲಭದಿ
ರಂಗನಿರವನು ತೋರಿ ಸಲಹುವ 1
ತ್ರೇತೆಯೊಳಗಿನ ಜಾತನಿಗೆ ರಘುನಾಥನ ತೋರಿಸಿದ
ಕಾತುರದ ಪುರಹೂತನನು ಯದುನಾಥನಿಗೊಪ್ಪಿಸಿದಾ
ಭೂತನಾಥನ ವಾಕ್ಯಬಲದಿಂದಾತ್ಮ ಜೀರಿಗೈಕ್ಯಪೇಳುವ
ಪಾತಕಿಗಳನು ಗೆದ್ದು ತ್ರಿಜಗನ್ನಾಥ ಮುತ್ತಿದನೆಂದು ಮೆರಸಿದಿ 2
ಸೂತ್ರನಾಮಕ ಪ್ರಣವನಾಯಕ ಕ್ಷತ್ರಪುರದೊಳಿರುವಾ
ಶತ್ರುತಾಪನ ಶೇಷಗಿರಿ ಪತಿಪುತ್ರನೆನಿಸಿ ಮೆರೆವಾ
ಚಿತ್ರಕರ್ಮ ಚಿರಂತನಾಣುಗ ಪುತ್ರಮಿತ್ರಕಳತ್ರ ಭಾಗ್ಯದ
ನೇತ್ರ ವಿಷಯ ಪರತ್ರ ರಕ್ಷಕ ಧಾತ್ರಪದಸತ್ಪಾತ್ರನೆನಿಸುವ 3

ಸರಸಿಜಾಕ್ಷ ಸಾಧುಪಕ್ಷ ನಿರತ ನಿನ್ನ ನಂಬಿದೆ ಪ
ವಿನುತ ಶ್ರೀಧರಾ ಕೃಪಾನಿದೆ.ಪ
ಹಿರಣ್ಯ ತರಿದು ಕರುಳ ಮಾಲೆಧರಿಸಿದ ನರಹರಿ ಪತಿತ ಪಾವನ 1
ದಾನಕೊಟ್ಟಬಲಿಗೆ ಮೆಚ್ಚಿ ದ್ವಾರಪಾಲಕನಾದವನೆ 2
ಕರಿಯಪೊರೆದು ಕಾಂಚಿಪುರದೊಳಿರುವ ವರದರಾಜನೆ
ಗುರುರಾಮ ವಿಠಲ ನೀನೆ ಶರಣ ಕಲ್ಪಭೂಜನೆ 3