ಮಂಗಳ ಮುದ್ದು ಕೃಷ್ಣನಿಗೆ ಜಯ
ಮದನ ಜನಕ ಬಾಲ ಹರಿಗೆ ಪ.
ಕಡಗೋಲ ನೇಣು ಪಿಡಿದಗೆ ಪಾಲ್
ಗಡಿಗೆ ಒಡೆದು ಇಲ್ಲಿ ಓಡಿ ಬಂದವಗೆ
ಕಡಲ ತಡಿಯಲಿ ನಿಂತವಗೆ ಅಷ್ಟ
ಮಡದಿಯರರಸನೆಂತೆಂಬ ಪುರುಷಗೆ 1
ಯತಿವರರಿಂದರ್ಚಿತಗೆ ಬಹು
ಜತನದಿ ಭಕ್ತವರ್ಗಗಳ ಕಾಯ್ವನಿಗೆ
ಯತಿ ಮಧ್ವರಾಯಗೊಲಿದಗೆ ನಿತ್ಯ
ಚ್ಯುತ ದೂರವಾದ ಸರ್ವೇಶನೆಂಬುವಗೆ 2
ಗರುಡನ್ನ ಎಡದಿ ನಿಲಿಸಿದಗೆ ಬಲದಿ
ಮರುತನ್ನ ನಿಲಿಸಿ ಕೊಂಡ್ಹರುಷಪಡುವನಿಗೆ
ಕಿರಿದ್ವಾರದಿ ಮಧ್ವ ಉಳ್ಳವಗೆ ನಮ್ಮ
ಸಿರಿಪತಿ ಗೋಪಾಲಕೃಷ್ಣವಿಠ್ಠಲಗೆ 3

ಮೂರ್ತಿ ಶ್ರೀಗಣರಾಯಗೆ ಪ
ಶರ್ವಾಣಿಸುತ ಚತುರ್ದಶ ವಿದ್ಯದಾಗರ |
ಸರ್ವಗುಣಾಂಬುಧಿ ಗಜಮುಖಗೆ |
ಊರ್ವಿಯೊಳಗೆ ತನ್ನ ಚರಣವ ನೆನೆವರ |
ನಿರ್ವಿಘ್ನದಲಿ ಕಾವ ದಯಾನಿಧಿಗೆ 1
ರನ್ನ ಮುಕುಟ ದಿವ್ಯ ಕುಂಡಲಧಾರಿಗೆ |
ಪನ್ನಗ ಭೂಷಣ ಚತುರ್ಭುಜಗೆ |
ಸನ್ನುತ ಪರಶಾಂಕುಶವನು ಪಿಡಿದಗೆ |
ಮೂಷಕ ವಾಹನಗೆ 2
ಸಮಚರಣಾಂಬುಜ ಸುರವರವಂದ್ಯಗೆ |
ಕಮಲಸಕನ ತೇಜ ಗೆದ್ದವಗೆ |
ವಿಮಲ ಮತಿಯ ನೀವ ಸಿದ್ದಿಧೀರೇಶಗೆ |
ನಮೋಎಂಬೆ ಮಹೀಪತಿ ಸುತಪ್ರಿಯಗೆ3