ಈ ರಂಗಧಾಮ ಈ ಸುಂದರನು ಈ ರಂಗಧಾಮ ಪ.
ಕಂಚಿವರದ ರಾಜನಂತಿಹ ಮಿಂಚಿನಂತ್ಹೊಳೆವ
ಸಂಚಿತಾರ್ಥವೀವ ದೇವ 1
ಪರಮ ಪುರುಷ ಪಾವನಾಂಗ ಭರದಿ ಭಕ್ತರನು ಪೊರೆವಾ
ಕರವ ಪಿಡಿದು ಪೊರೆವ 2
ಸರ್ವತೋಮುಖ ಸರ್ವರಂಗ ಸಂಗದಲ್ಲಿರುವಾ
ಗರ್ವಾರಹಿತ ಶ್ರೀ ಶ್ರೀನಿವಾಸ 3

ಗೌರೀಶ ಮೃತ್ಯುಂಜಯನುತ ಪಾಲಯ
ಗೌರೀಶ ಮೃತ್ಯುಂಜಯ ಪ
ಸುಮಶರನಾಶ ಸುಮನರಪೋಷ
ಶಮೆಶಾಂತಿದಯಭೂತೇಶ 1
ಶಂಕರ ಶಶಿಧರ ಕಿಂಕರ ಪ್ರಿಯಕರ
ಶಂಕರಿಮನೋಹರ 2
ಉಮೆ ಪ್ರಿಯನಾಥ ಅಮಿತವರದಾತ
ಅಮರಾದಿಸುರಾರ್ಚಿತ 3
ವರಮಹಲಿಂಗ ಪರಿಭವಭಂಗ
ಪರತರ ಪಾವನಾಂಗ 4
ಗಜಚರ್ಮಾಂಬರ ಭುಜಗಾಲಂಕಾರ
ಸುಜನಾತ್ಮ ಸುಖಂಕರ 5
ಪುರತ್ರಯ ಸಂಹರ ಪರಿಪಕ್ವರಾಧಾರ
ನಿರಂಜನ ನಿರಾಕಾರ 6
ಕೆಂಡನಯನ ರುಂಡಮಾಲನೆ
ಹರಣ 7
ಬೇಡುವೆನಭವ ಕಾಡದೆ ಪರಶಿವ
ನೀಡು ಎನ್ನಗೆ ವರವ 8
ಭೂಮಿತ್ರಯಕೆ ಘನಸ್ವಾಮಿ ಶ್ರೀರಾಮನ
ನಾಮ ಪಾಲಿಸು ಪಾವನ 9

ದೇವಾ ನೀ ಪಾಲಿಪುದೂ ಓ ಹರಿಯೆ ಹರಿಯೆ ಪ
ಮದನ ಜನಕ ರಂಗಾ
ಪಾವನಾಂಗನೆ ನಿಜಸೇವೆಯೊಳಿರಿಸೆಂದೂ 1
ದಾರುಧಿ ಭೀಕರನ್ಯಾರೊ ವೈಷ್ಣವೋತ್ತಮ ಬಾರೊ
ಸಾಧುಶಿಖರನಾರೊ ಸತ್ವರೂಪನು ತೋರೊ 2
ಧರಣೀನಾಗನಗರಿ ಕರುಣವಾರುಧಿಯಾದಾ
ಗುರುವೆ ತುಳಶೀರಾಮ ಪರಮಾತ್ಮನೆ ನೀ ಬಾರೊ 3

ಭಜಿಸಿ ಧನ್ಯನಾದೆ ನಾನು
ಭುಜಗಶಯನನಂಘ್ರಿಯನ್ನು ಪ
ಕುಸುಮ ತರಲು ಸರಸಿಧುಮುಕಿ
ಮೊಸಳೆಬಾಯಿಗೆ ಸಿಲುಕಿ ಕರಿಯು
ಕಂಟಕ ಗೆಲಿದು
ಅಸಮಸೌಖ್ಯ ಪೊಂದಿದ್ದು ಕೇಳಿ 1
ಪಾಪಿ ಕುರುಪನೋಲಗದಲ್ಲಿ
ದ್ರೌಪದಿಗೊದಗಿಬರಲು ಭಂಗ
ಆಪತ್ತು ಗೆಲಿದಳೆಂಬುದ ಕೇಳಿ 2
ಇಳೆಯೊಳ್ಪತಿಯ ಶಾಪದಿಂದ
ಶಿಲೆಯ ರೂಪದಿ ಬಿದ್ದ ಯುವತಿ
ಗೊಲಿದು ಪಾವನಾಂಗಿಯೆನಿಸಿ
ಕುಲಕೆ ತಂದ ಸುದ್ದಿ ಕೇಳಿ 3
ತ್ಯಜಿಸಿ ತನ್ನ ಬ್ರಹ್ಮಕುಲವ
ಕುಜಕುಲದ ನಾರಿಗೆ ಕೆಟ್ಟ
ಅಜಮಿಳನ ಅಂತ್ಯಕ್ಕೆ ಒದಗಿ
ನಿಜಪದವಿ ನೀಡಿದ್ದು ಕೇಳಿ 4
ಅಂಬುಧಿನಿಲಯ ಅಸಮ ಮಹಿಮ
ಕಂಬುಕಂಧರಮಿತ್ರ ಭಕುತ
ಬೆಂಬಲ ಶ್ರೀರಾಮ ಪ್ರಭುವೆ ನಿನ್ನ
ನಂಬಿದವರ ಸಂಭ್ರಮ ಕೇಳಿ 5

ಲೋಕಪಾಲನೆ ನಾಕವಂದ್ಯನೆ ಸಾಕುಬಿಡು ಚಲವಾ
ಯಾಕೆ ಕೋಪ ದೀನ ನಾನೆಲೈ ಶ್ರೀಕರ ಸುಗುಣಾ ಪ
ಕಾವರಿಲ್ಲವೋ ದೇವ ದೇವನೆ ಭಾವಜಾತಪಿತನೆ
ಜೀವಕೋಟಿಯ ಜೀವರಾಶಿಯ ಪಾವನಾಂಗನೆ ಅ.ಪ
ಪರರ ನಾನುಪರಿಚರಿಸಲಿಲ್ಲವೋ ದುರುಳಭಾವದಿ
ಪರರ ಹಿಂಸೆಗೈದು ಎನ್ನ ಉದರ ಪೊರೆದೆನೋ 1
ವೇದಗಳ ನಾನೋದಿ ಅರಿಯೇ ಸಾಧು ಸಂಗಮ
ಭೇದಗೈದೆ ಗರ್ವದಿಂದೆ ವೇದವೇದ್ಯನೆ 2
ಗಂಗಜನಕ ತುಂಗ ವಿಕ್ರಮ | ಮಂಗಳಾಂಗನೇ
ಮಾಂಗಿರೀಶ ನಿನ್ನ ನಾಮಭೃಂಗವ ತೋರೈ 3