ಲಕ್ಷ್ಮೀ ದೇವಿ
ಕಾದಿರುವಳು ರುಕ್ಮಿಣಿ ಕೃಷ್ಣ ಬರುವನೆಂದು ಪ.
ಕರವ ಪಿಡಿವನೆಂದು ಅ.ಪ.
ವಿಪ್ರನ್ನ ಕಳುಹಿರುವೆನು
ಕ್ಷಿಪ್ರದೊಳು ಗುಡಿಯೊಳಿಹೆನು
ಅಪ್ರಮೇಯ ನಿನ್ನಡಿಗಳನ್ನು
ಸುಪ್ರಕಾಶ ನಂಬಿರುವೆನೆಂದು 1
ಶಿಶುಪಾಲನೊಲ್ಲೆನೆಂದು
ವಸುಧೀಶ ನೀನೆ ಗತಿಯೆಂದು
ಹಸುಳೇಯ ಸಲಹು ಎಂದು
ಬೆಸಸಿಹೆನು ಪತ್ರವೆಂದು 2
ರಥವೇರಿ ಬರುತಲಿಹನೊ
ಪಥದೊಳು ಕಾದಿರುವನೊ
ರತಿಪತೀ ಪಿತನ ಪದವ
ಅತಿಶಯದಲಿ ಕಾಣುವ ತವಕದಿ 3
ಶಂಕಾತುರಂಗಳಿಂದ
ಶಂಕರೀಯಪೂಜೆಗೈದು
ಕಿಂಕಿಣಿಯ ನಾದದಿಂದ
ಶಂಕರಾದಿವಂದ್ಯ ಬರುವ ಪಥದಿ ಬಂದು 4
ಬಂದಾನೋ ಬಾರನೋ ಎನುತಾ
ಇಂದಿರೆಯ ಅರಸನ್ಹೊರತು
ಪೊಂದಲಾರೆನನ್ಯರನೆನುತ
ಸುಂದರೀಮಣಿ ಕೃಷ್ಣನಾಗಮ ನೋಡುತ 5
ದ್ವಾರಕಿಯಾ ನಾಥ ಬಂದು
ಪಾರುಗಾಣಿಸುವನೆಂದು
ಚಾರುಕರದೊಳೆತ್ತಿ ಎನ್ನ
ದ್ವಾರಕೆಗೊಯ್ವ ಶ್ರೀ ಶ್ರೀನಿವಾಸನೆಂದು 6

ಚಪ್ಪಾಳೆನಿಕ್ಕೆಲೊ ಕೃಷ್ಣಮ್ಮ ಚಪಲ ಬಾಲ ರಂಗಮ್ಮಕಾಪುರುಷರ ಚಪ್ಪಾಳೆ ಮಾಳ್ಪ ಚಪ್ಪಾಳೆ ಪ.ತುಪ್ಪ ಬೆಣ್ಣೆ ಪಾಲನೊಲ್ಲೆ ಹೆಪ್ಪನಿಟ್ಟ ದಧಿಯೊಲ್ಲೆಗೋಪಿಯರೊಡನೆ ಕೇಳಿಗೊಪ್ಪಿದ ಚಪ್ಪಾಳೆ 1ಪಾಯಸವುಣ್ಣಲೊಲ್ಲೆ ಕಜ್ಜಾಯ ಸಕ್ಕರೆಯನೊಲ್ಲೆಆಯತಾಕ್ಷಿಯರ ಮೇಲೆ ಸ್ನೇಹದ ಚಪ್ಪಾಳೆ 2ತನಿವಣ್ಣ ಮೆಲ್ಲಲೊಲ್ಲೆ ಮನೆಯ ಸೇರಲೊಲ್ಲೆ ಪ್ರಸನ್ನ ವೆಂಕಟಾದ್ರಿಲಿ ಕುಣಿವ ಚಪ್ಪಾಳೆ 3