ಗುರುಸಂತತಿಗೆ ನಮೊ ನಮೊ ಶ್ರೀ
ಹರಿಶರಣರಿಗೆ ನಮೋ ನಮೋ ಪ
ಧರಣೀಸುರರಿಗೆ ನಮೋ ನಮೋ ಅ.ಪ
ವಿಜಯರಾಮದಾಸಗುರುವೆ ನಮೋ ನಮ
ಭಜಕಜನರಸುರತರುವೆ ನಮೋ
ವೃಜಿನ ಕಳೆವ ಭಾಗ್ಯನಿಧಿದಾಸ ನಮೋ
ವಂದೇ ಸುಪ್ರೇಮದಾಸ ನಮೋ 1
ತಿರುಮಲಾಖ್ಯದಾಸರಿಗೆ ನಮೋ ನಮ
ಗುರುಗೋಪಾಲರಾಯರಿಗೆ ನಮೋ
ವರ ಭಾಗಣ ವಿಜಯರಾಯರಿಗೆ ನಮೋ
ಪುರಂದರಾಖ್ಯ ಸುರಮುನಿಗೆ ನಮೋ 2
ವ್ಯಾಸಾಭಿಧಮೌನೀಶನಮೋ | ಹರಿ
ದಾಸಶ್ರೀಪಾದರಾಯರಿಗೆ ನಮೋ
ಭೂಸುರ ಪ್ರಿಯಹನುಮತೇ ನಮೋ
ಸೀತೇಶ ಶ್ರೀಗುರುರಾಮ ವಿಠಲ ನಮೋ 3

ಮುದ್ದು ಸುರಿಯುತಾನೆ ನೋಡಿ ಕೃಷ್ಣ ಪ
ಮುದ್ದು ಸುರಿಯುತಾನೆ ಸಿದ್ಧ ಜನರ ವಂದ್ಯ
ಮಧ್ವವಲ್ಲಭ ಕೃಷ್ಣ ಹೃದ್ವನಜದಲಿ ಬಲ್ ಅ.ಪ
ತ್ರಿವಂಗಿ ಭಾವದಿ ಶ್ರೀ ವೇಣುಪಿಡಿದು ತಾ
ಸಾವೇರಿ ಮೊದಲಾದ ರಾಗವ ಪಾಡುತ1
ಬಲದ ಪಾದದಿ ಚೆಲುವ ಎಡದ ಪಾದವನಿಟ್ಟು
ನಳಿನಮುಖಿ ರುಕ್ಮಿಣಿ ಬಲ ಸತ್ಯಭಾಮೇರಿಂದ 2
ಧ್ವಜ ವಜ್ರಾಂಕುಶ ಚಕ್ರ ಕಂಜಚಿನ್ಹೆಗಳಿಂದ ತೇಜ
ಮುಕುಟ ಶಿರಶ್ಚಕ್ರ ಶೋಭಿತಮುಖ 3
ಶ್ರೀ ಪಾದರಾಯರಿಗೆ ಸ್ವಪ್ನಲಬ್ಧನಾಗಿ
ಶ್ರೀ ಪದ್ಮಭವಂದ್ಯ ಪ್ರತ್ಯಕ್ಷ ವ್ಯಾಸಮುನಿಗೆ 4
ಶ್ರೀ ನರಹರಿಯು ತಾ ನೆನೆಯುವರಿಗೆ
ಭವ ಕಾನನದ ಭಯದ ಮನ ಶಂಕಿಸದಿರೆಂದು5