(ಏ) ಸಂಪ್ರದಾಯದ ಹಾಡುಗಳು
ಆರತಿ ಬೆಳಗುವೆ ನಿನಗೆ ಶ್ರೀರಾಮ
ಸಾರಸಾಕ್ಷ ಹರಿ ಮೇಘಶ್ಯಾಮ ಪ
ಪೀತಾಂಬರಧರ ತುಲಸೀಮಾಲ
ಪಾತಕ ವಿದಳನ ಸೀತಾಲೋಲ 1
ಕುಂಡಲ ಮೃಗಮದತಿಲಕ
ನಿರುಪಮ ಸುಂದರ ಮನ್ಮಥ ಜನಕ 2
ಭರತ ಶತ್ರುಘ್ನರ ಚಾಮರ ಸೇವ
ಹರುಷದಿ ತೋರುವ ಪರಮಪ್ರಭಾವ 3
ಸೋದರ ಲಕ್ಷ್ಮಣ ಹನುಮ ಸಮೇತ
ಮೋದದಿ ಮಾತೆಯರನು ಪೊರೆದಾತ 4
ಶುಕ ಮುನಿನುತ ಶುಭನಾಮ
ಪತಿ ಪೂರ್ಣಸುಕಾಮ 5
ಶರಣಾಗತ ಪರಿಪಾಲಕ ಶೌರಿ
ಕರುಣಾಕರ ಕಲಿವೈರಿ ಮುರಾರಿ 6
ಜಾಜೀಶ ಚನ್ನಕೇಶವ ಮೂರ್ತಿ
ಅಗಣಿತ ಕೀರ್ತಿ 7

ಶ್ರೀ ಸಾಯಿ ಸ್ತುತಿಗಳು
ಪಾತಕ ಪರಿಹರ
ನಿತ್ಯನಿರ್ಮಲ ನಾಮ ಭಾವುಕಪ್ರೇಮ ಪ
ನುತ್ಯು ದಯಾಕರ ಶಂಕರ ಸುಖಂಕರ
ಭೃತ್ಯ ಮನೋರಮ ನಿರ್ಜಿತಕಾಮ ಅ.ಪ
ಶಾಂತಸ್ವಭಾವ ಪರಮಪ್ರಭಾವ
ದಾಂತ ಕೃಪಾಕರ ಭವಪರಿಹಾರ
ಮಂತ್ರಸುಧಾರ್ಣವ ಶೀತಳಭಾವ
ಭ್ರಾಂತಿವಿದೂರ ಪುಣ್ಯಶರೀರ 1
ಅಗಣಿತ ಗುಣಗಣ ಸತ್ವ ನಿರೂಪಣ
ಜಗದಾನಂದದಾ ವೂದಿ ಪ್ರಸಾದ
ನಿಗಮಾಗಮಗಣ ವಿನಮಿತ ಚರಣ
ನಗಜಾನಂದದ ಮಾಂಗಿರಿವರದ2