ಮರೆಯಬಾರದು ನಮ್ಮ ಮುರವೈರಿಯ
ಕರುಣಾಕರ ಸಿರಿವರನಾದ ದೊರೆಯ ಪ.
ಪರಿಕಿಸುವನು ನಾನಾ ತರದಿಂದಲಿ
ಜರಿವನು ಮತ್ತೆ ನೇವರಿಸುವನು
ಸುರ ನರೋರಗ ಪಕ್ಷಿಯಿರೆ ತರು ಮೊದಲಾಗಿ
ಪೊರೆವ ಮೆರೆವ ಕರೆದಲ್ಲಿ ಬರುವ 1
ಬಡತನದಲಿ ಭಾಗ್ಯಕಾಲದಲಿ
ಕಡು ಕಷ್ಟದಲಿ ಸೌಖ್ಯ ವೇಳೆಯಲಿ
ಅಡವಿಯಲಾದರು ಅರಮನೆಯಲ್ಯಾದ-
ರೊಡೆಯ ಸಲಹನೆ ಮೀರನು ಭಿಡೆಯ 2
ಸರ್ವ ಸ್ವತಂತ್ರ ಶ್ರೀ ರಮಣೀಶ
ನಿರ್ವಹಿಸುವನು ನಂಬುವರಾಶಾ
ಭರ್ವಸವಿಡು ಶೇಷ ಪರ್ವತೇಶ್ವರನಲಿ
ನೀರ್ವಾಣೇಶ ಸರ್ವರೊಳಿರುವ 3