ಮನುವಂಶ ಜಲಧಿಜಾತೆ ಸೀತೆ ಪೊರೆಯೆ ಜಾನಕಿ
ಘನ ಪುಣ್ಯವಿನಯೆ ದಿವ್ಯರೂಪೆ ಜನನಿ ಭಾಮಿನಿ ಪ
ರಾಮಚಂದ್ರ ಭಾಸಮಾನ ಹೃದಯ ಕುವಲಯೆ
ಕಾಮದಗ್ಧ ದನುಜನಯನ ಕಾಲರೂಪಿಣಿ 1
ಲಕ್ಷ್ಮಣಾದಿ ಭಕ್ತಪಾಲೆ ನಿತ್ಯರೂಪಿಣಿ
ಚಿತ್ತದಲ್ಲಿ ನೆಲಸು ದೇವಿ ತತ್ವಭೂಷಿಣೆ 2
ಆದಿಶಕ್ತಿ ಭೇದರಹಿತೆ ಮೋದದಾಯಕಿ
ಮಾಧವಾಂಘ್ರಿ ಯುಗಳ ಸೇವೆಯನ್ನು ಕರುಣಿಸು 3
ಭೂಮಿತನಯೆ ಭೂಮ ಮಹಿಮೆ ಕಾಮಿನೀ ರಮೆ
ಸಾಮಜಾಕರೋರು ಯುಗಳೆ ರಾಮ ಸುಂದರಿ4
ಪಂಕಜಾದಿ ಕುಸುಮಲೋಲೆ ಶಂಕರೀಪ್ರಿಯೆ
ಅಂಕದಲ್ಲಿ ಪೊರೆಯೆ ಮಾತೆ ಪಂಕಜಾನನೆÀ 5

ಯಾದವೇಂದ್ರ ಪಾಲಿಸೆನ್ನ ಓ ದಯಾನಿಧೇ ಪ
ಶಂಕರಾದಿ ದಿವಿಜರು ಪಂಕಜಾದಿ ಪೊಗಳಿಂ
ಪಾದ ಪೂಜೆಗೈವರು 1
ಶಾರಧೇಂದು ಭಾಸಮಾನ ಹಾರರಾಜೆ ಶೋಭಿತ
ನಾರದಾದಿ ಗಾನ ಲೋಲ ವಾರಿಜಾಸ್ಯನ 2
ನಾಮರೂಪ ರಹಿತನೆ ಸಾಮಜಾದಿ ಪಾಲಕ
ಧೇನು ನಗರಾಭಿವಂದ್ಯ ನಾಮಲೋಲನೆ 3

ರಾಧೆ ಗೋಪಾಲ ಕೃಷ್ಣ ರಾಧೆಗೋಪಾಲ
ರಾಧೆ ಗೋಪಾಲ ಕೃಷ್ಣ ರಾಧೆಗೋಪಾಲ ಪ
ನಂದನಕಂದ ಮುಕುಂದಮುರಾರೆ
ಇಂದಿವರಾಕ್ಷ ಗೋವರ್ದನಧಾರೆ
ವೃಂದಾವನ ಸಂಚಾರ ವಿಹಾರೇ
ಸಿಂಧುಶಯನ ಕ್ಷೀರಾಬ್ಧಿವಿಹಾರ 1
ಚಕ್ರಧರ ವೇಣುವಿನೋದ
ಶಂಕರಾದಿ ವಂದಿತ ದಿವ್ಯಪಾದ
ಬಿಂಕದಿಂದ ಕೊಳಲೂದುವನಾದ
ಪಂಕಜಾದಿಗಳು ನಲಿವ ಸುಸ್ವಾದ 2
ಮಂದರಧರÀ ಗೋವರ್ಧನ ಧಾರಿ
ಮಂದೆ ಗೋವತ್ಸವ ಕಾಯ್ವ ಶೌರಿ
ಇಂದಿರೆಯರಸ ಶ್ರೀಹರಿಯೆ ಮುರಾರಿ
ನಂದಯಶೋದೆಯ ಮೋಹದ ಶೌರಿ3
ವೃಂದಾವನದೊಳು ನಿಂದ ಗೋವಿಂದ
ಮಂದಹಾಸ ಮುಖನಗೆ ಮೊಗದಿಂದ
ಸುಂದರ ಗೋಪಿಯರೊಡಗೂಡಿ ಬಂದ
ಮಂದರಧರ ಆನಂದ ಮುಕುಂದ 4
ಕಾಮನಪಿತ ಶ್ರೀ ಕಂಜಜನಾಭ
ಕಾಮಿತ ಫಲಗಳ ಕರುಣಿಪ ಶ್ರೀಧ
ಕಮಲನಾಭ ವಿಠಲ ನಿಮ್ಮ ಪಾದ
ಕರುಣದಿ ನೆನೆವರ ಸಲಹುವಮೋದ 5