ನ್ಯಾಯತಂದಿಹೆನೊ ಹರಿ ನಿನ್ನ ಸಭೆಗೆ ತೀರ್ಪುಮಾಡಿದನು
ನ್ಯಾಯತಂದಿಹೆ ಪ
ನ್ಯಾಯ ತಂದಿಹೆ ನೋಯದೆ ಉ
ಪಾಯದಿಂದ ತೀರ್ಪುಮಾಡುವ
ನ್ಯಾಯಾಧೀಶ ದಯಾಳು ಎನ್ನ
ನ್ಯಾಯ ತೀರಿಸಿ ಕಾಯ್ವನೆಂದು ಅ.ಪ
ಕೊಟ್ಟ ಒಡೆಯರೋ ಬೆನ್ನಟ್ಟಿ ಎನ್ನನು
ಕಟ್ಟಿ ಕಾದ್ವರು ಭ್ರಷ್ಟನೆ ಮುಂದಕೆ
ಕೊಟ್ಟ್ಹ್ಹೋಗೆನ್ವರು ನಿಷ್ಠುರಾಡ್ವರು
ಕೊಟ್ಟು ಮುಕ್ತನಾಗ್ವೆನೆನ್ನಲು
ಖೊಟ್ಟಿಕಾಸು ಕೈಯೊಳಿಲ್ಲವು
ಭವ ಬೆನ್ನಟ್ಟಿ ಬಿಡದ ಕ
ನಿಷ್ಟರಿಣಸೂತಕವ ಕಡಿಯೆಂದು 1
ಅನ್ನ ಕೊಟ್ಟವಗೆ ಅನ್ಯಾಯ ಯೋಚಿಸಿ
ಬನ್ನ ಬಡಿಸಿದೆನೊ ಇನ್ನುಳಿಯದೆನೆಂದು
ನಿನ್ನ ಸೇರಿದೆನೊ ಪನ್ನಂಗಶಯನ
ಮುನ್ನ ಮಾಡಿದ ಎನ್ನ ಅವಗುಣ
ಭಿನ್ನವಿಲ್ಲದೆ ನಿನ್ನೊಳ್ಪೇಳುವೆ
ಸನ್ನುತಾಂಗನೆ ಮನ್ನಿಸಿ ಇದ
ನಿನ್ನು ಎನ್ನಯ ಬನ್ನಬಿಡಿಸಿದೆಂದು 2
ಆಸೆಗೊಳಿಸಿದೆನೋ ಪುಸಿಯನ್ಹೇಳಿನಿ
ರಾಸೆಮಾಡಿದೆನೋ ಶಾಶ್ವತದಿ ಕೊಟ್ಟ
ಭಾಷೆ ತಪ್ಪಿದೆನೋ ವಸುಧೆಯೊಳು ನಾನು
ಈಸುದಿನದಿಂ ಮೋಸಕೃತ್ಯದಿ
ಘಾಸಿಯಾದೆನು ಧ್ಯಾಸಮರದು
ಶ್ರೀಶ ಶ್ರೀನಿವಾಸ ಶ್ರೀರಾಮ
ಪೋಷಿಸೆನ್ನ ಸುಶೀಲ ಗುಣವಿತ್ತು 3