ಒಟ್ಟು 1 ಕಡೆಗಳಲ್ಲಿ , 1 ದಾಸರು , 1 ಕೀರ್ತನೆಗಳಲ್ಲಿ ಈ ಪದವನ್ನು ಬಳಸಿರುತ್ತಾರೆ

ಅನುಭವಿಸುವುದೆನ್ನದೇ [ಜೀವ] ನೀನಿತ್ತುದ ಪ ಅನುಭವಿಸುವುದೆನ್ನ ದಿನಚರಿ ಕರ್ಮವೋ ನೆನೆವುದ ಪಡೆವುದು ಕನಸೋ ರಂಗಯ್ಯ ಅ.ಪ ಮನದ ವೇಗವ ನಿಲಿಸಲಾರೆನು ಮನದ ಬಯಕೆಯ ಪಡೆಯಲಾರೆನು ಮನವ ನಿನ್ನಲಿ ನಿಲಿಸಲಾರೆನು ಮನದಿ ನೀನಿರೆ ಸಕಲ ಸೌಖ್ಯವು 1 ಕಷ್ಟನಷ್ಟ ವಿಶಿಷ್ಟವು ನಿ ನ್ನಿಷ್ಟವೆಂಬುದ ಬಲ್ಲೆನಾದರು ಕಷ್ಟಕಳುವೆನು ಭ್ರಷ್ಟದೋರುವೆ ದೃಷ್ಟಿ ನಿನ್ನದು ದೊರಕುವವರೆಗೂ2 ನಿನ್ನ ಮೂರ್ತಿಯು ಮನದಿ ನೆಲೆಸಲಿ ನಿನ್ನ ಭಜನೆಯು ರಸನೆಗಾಗಲಿ ನಿನ್ನ ಕೃಪೆಯವಲೋಕಗೊಲಿಯಲಿ ಚೆನ್ನ ಮಾಂಗಿರಿರಂಗನೊಲಿಯಲಿ3
--------------
ಅಸೂರಿ ರಾಮಸ್ವಾಮಿಅಯ್ಯಂಗಾರ್