ನಮಿಸುವೆನು ಮನ್ಮಾತೆ ಪದಯುಗಳಕೇ ಪ
ಅಮಮ ಎನ್ನಲಿ ನಿಮ್ಮ | ಮಮತೆ ಎಷ್ಟಮ್ಮಾ ಅ.ಪ.
ಭಾಗವತ | ಮೊದಲಾದ ಶಾಸ್ತ್ರಶೃತೆಖೇದ ಮೋದಾದಿ ಎನೆ | ದ್ವಂದ್ವಗಳ ಸಹಿಷ್ಣುತೆಸಾಧನೋತ್ತಮಗೈದೆ | ಈ ದೇಹ ದಾತೇ 1
ಸಿರಿ ವೆಂಕಟನ | ಬೆಟ್ಟಕ್ಕ ತ್ರೈಬಾರಿಕಷ್ಟದಲಿ ಸಾಧನ | ಸ | ಹಿಷ್ಣುತೆಯು ಎಷ್ಟಮ್ಮಾ 2
ಸೇತು ರಾಮೇಶ್ವರದ | ಯಾತ್ರೆಗಳ ಗೈದು ಸ-ತ್ಪಾತ್ರರನ್ನಾದರಿಸಿ | ಕಾತುರತೆಯಲ್ಲೀ |ವಾತಾಂತರಾತ್ಮ ಗುರು | ಗೋವಿಂದ ವಿಠ್ಠಲನಕೀರ್ತನೆಯ ಚತುರೆ ತವ | ಪಾದಕಾ ನಮಿಪೇ 3

ಸಖಿಯೆ ಲಾಲಿಸು ಎನ್ನ ಸಖನ ವರ್ಣಿಪೆ ಮುನ್ನ
ಸುಖದಾತ ಸುಂದರನ ಪ್ರಾಣಸಖನ
ಕಡುದೈನ್ಯದಿಂದೆರೆಯಲೊಡನೆ ಬಂದು
ವೇದಗಳ್ಳನು ಪೋದ ಹಾದಿಯನೆ ತಾ ಪಿಡಿದು
ವಾರ್ಧಿಯೊಳ್ಮುಳುಗಿ ಸಮ್ಮೋದದಿಂದ
ಕ್ರೋಧಿರಕ್ಕಸನುರವ ಛೇದಿಸುತೆ ವೇದವ
ನ್ನಾದರಿಸಿ ತಂದೀಯುತ ಜಗಕೆನಲವಿಂ
ನಿರ್ಮಾಣ ಕಾರ್ಯದೋಳ್ ನಿಯಮಿಸಿದನಾ
ಸ್ವರ್ಣಗರ್ಭನನಂತು ಮೀನನಾಗಿ
ಅರ್ಣವದಿ ನೆಲೆಯಾಗಿ ನಿಂತ ಸುಗುಣ