ಕರುಣದಿ ಪೊರೆಯೆ ಭಾರತಿ
ಸತಿ ಪ
ಪರಮ ಮಂಗಾಳೆ ನಿನ್ನ
ಚರಣ ಕಮಲಾವ
ಮರೆಯ ಹೊಕ್ಕೆನು ಕಣ್ಣ
ತೆರೆದು ನೋಡೌ ತಾಯೆ 1
ಸರುವದ ದುರಿತದಿ
ಚರಿಸಿದವನೆಂದು
ತರಳನಾದೆನ್ನನು
ಜರಿದು ನೂಕುವರೆ 2
ದುರಿತದೂರ ಗುಣಪೂರ್ಣ
ಸಿರಿ ರಂಗೇಶವಿಠಲನೆ
ಸರಿಯೆಂಬ ಮತಿಯನ್ನು
ಸ್ಥಿರವಾಗಿ ಕೊಟ್ಟೆನ್ನ 3

ಪಡಕೋ ನೀನ್ಹಿಡಕೋ ರಂಗ ಶಾಯಿನಾಮವ
ಕಡಕೋ ನೀ ದುಡಕೋ ನಿಖಿಲೇಶನ ಪ್ರೇಮ ಪ
ಜನಮೆಚ್ಚಿ ವಂದಿಸಲು ನಿನಗೆ ಬಂದದ್ದೇನೋ
ಜನದೂಷಿಸಳಿದರೆ ನಿನಗೆ ಕುಂದೇನೋ
ಮನಮೆಚ್ಚಿ ನಡೆದು ಬಿಡದನುದಿನದಿ ಗಳಿಸುವಿ ನೀ
ಚಿನುಮಯ ಮನುಮುನಿವಿನಮಿತರ ಧ್ಯಾನ 1
ಅಹುದೆಂದು ಇಹ್ಯದವರು ಭವಬಂಧ ತೊಲಗಿಪರೆ
ಸಹಿಸದೆ ಅಲ್ಲೆಂದು ಭವಕೆ ನೂಕುವರೆ
ಕುಹುಕಿಗಳ ಎದೆಮೆಟ್ಟೆ ಸಹಿಸಿಬಂದ ನಿಂದೆಗಳ
ಪಡಿ ದೃಢದಿ ಅಹಿಶಾಯೆ ಅಡಿಭಕ್ತಿ 2
ದೂಷಣ ಭೂಷಣನುಮೇಷ ಸಮಭಾವಿಸಿ
ನಾಶನೆನಿಸುವ ಜಗದ ವಾಸನೆಯ ಕಡಿದು
ದಾಸಜನರೊಡೆಯ ಮಮಶ್ರೀಶ ಶ್ರೀರಾಮನಡಿ
ಧ್ಯಾಸದೊಳಗಿಟ್ಟುಪಡಿ ಲೇಸೆನಿಪ ಮುಕ್ತಿ 3