ಅಯ್ಯೊ ಸಾಕಿದೇನು ಚಂದಾ ಮೈ
ಸೋಕದಿರೆಲೋ ಮುಕುಂದ ಪ
ಗಂಡನುಳ್ಳ ನಿಜ ಗರತೀ ಒಡ-
ಗೊಂಡು ಬದಿಗೆ ಕೈ ತರುತೀ ಬಲು
ಪುಂಡಾಟಗಳ ನೀನೆಸಗುತೀ1
ಹೆಚ್ಚು ನುಡಿಯದಿರು ನಂಟು ಕಂಡು
ಹುಚ್ಚು ಮಾಡುವದುಂಟೂ ನಡೆ
ಬಿಚ್ಚದಿರೆಲೊ ಮೊಲೆಗಂಟೂ 2
ಶ್ರೀದವಿಠಲ ಯದುರಾಯಾ ನಿನ್ನ
ಪಾದಕೆರಗುವೆನಯ್ಯಾ ನಡು-
ಬೀದಿಯೊಳಗೆ ಬಿಡು ಕೈಯ್ಯಾ 3

ನಾಲಗೆ ನಾಲಗೆ ನಾಲಗೆ -ಸಿರಿ - |ಲೋಲನ ನೆನೆ ಕಾಣೊ ನಾಲಗೆ ಪ.ವಾಸುದೇವನ ನಾಮ ನಾಲಗೆ - ನೀಲೇಸಾಗಿ ನೆನೆ ಕಾಣೊ ನಾಲಗೆ ||ಆಸೆಯೊಳಗೆ ಬಿದ್ದು ಮೋಸ ಹೋಗಲು ಬೇಡ |ಕೇಶವನ ನಾಮವ ನೆನೆ ಕಾಣೊ ಮರುಳೆ 1ಮಾತನಾಡುವಲ್ಲಿ ನಾಲಗೆ - ನೀ ಅ - |ನೀತಿ ನುಡಿಯದಿರು ನಾಲಗೆ ||ಆತನ ನಾಮವ ಗೀತದಿ ಪಾಡುತ |ಸೀತಾಪತಿ ರಘುನಾಥನ ನೆನೆ ಕಾಣೊ 2ಅಚ್ಯುತನಾಮವ ನಾಲಗೆ ನೀ - |ಬಿಚ್ಚಿಟ್ಟ ನೆನೆ ಕಾಣೊ ನಾಲಗೆ ||ನೆಚ್ಚಿ ಕೆಡಲಿ ಬೇಡನಿಚ್ಚ ಶರೀರವ |ಅಚ್ಯುತನಾಮವ ನೆನೆ ಕಾಣೊ ಮರುಳೆ 3ನನ್ನದು ತನ್ನದು ನಾಲಗೆ - ನೀ- |ನೆನ್ನದಲಿರು ಕಾಣೊ ನಾಲಗೆ |ಇನ್ನು ಮೂರು ದಿನದೀ ಸಂಸಾರದಿ |ಪನ್ನಗಶಯನನ ನೆನೆ ಕಾಣೊ ಮರುಳೆ 4ಅನುದಿನ ಹರಿನಾಮ ನಾಲಗೆ - ನೀ|ನೆನೆಯುತಿರು ಕಾಣೊ ನಾಲಗೆ ||ಘನಮಹಿಮ ನಮ್ಮ ಪುರಂದರವಿಠಲನ |ಕ್ಷಣ ಕ್ಷಣಕೊಮ್ಮೆ ನೆನೆ ಕಾಣೊ ಮರುಳೆ 5