ಗುರುಸೇವೆ ನಿರತರಿಗೆ ನಮೋ ನಮೋ ಪ
ಅರಿವು ನಿಲ್ಲಿಸಿ ಪರಸಾಧನದಿರುತಿಹ್ಯ
ಪರಮಪಾವನರಿಗೆ ನಮೋ ನಮೋ ಅ.ಪ
ತಾಪಸಾರ್ಯರಿಗೆ ನಮೋ ನಮೋ ಮಹ
ಪಾಪ ದೂರರಿಗೆ ನಮೋ ನಮೋ
ಕೋಪಲೋಪರಿಗೆ ನಮೋ ನಮೋ ಇಹ
ವ್ಯಾಪಾರರಿತವರಿಗೆ ನಮೋ ನಮೋ
ತಾಪತ್ರಯವ ನೀಗಿ ಶ್ರೀಪತಿ ಚರಣವ
ಗೌಪ್ಯದಿ ನೆನೆವರ್ಗೆ ನಮೋ ನಮೋ 1
ವೇದ ಸಂಪನ್ನರಿಗೆ ನಮೋ ನಮೋ ಭವ
ಬಾಧೆ ಗೆಲಿದವರಿಗೆ ನಮೋ ನಮೋ
ಸಾಧನ ಚತುಷ್ಟರಿಗೆ ನಮೋ ನಮೋ ಮಹ
ಸಾಧುಸಂತರಿಗೆ ನಮೋ ನಮೋ
ವಾದಿ ಮೂರ್ಖರೊಳು ವಾದಿಸದಂಥ ಸು
ಬೋಧ ಗುರುವರಗೆ ನಮೋ ನಮೋ 2
ಭಾಗವತರಿಗೆ ನಮೋ ನಮೋ ಇಹ
ಭೋಗನಿರಾಸ್ಯರಿಗೆ ನಮೋ ನಮೋ
ಯೋಗಸಾಧಕರಿಗೆ ನಮೋ ನಮೋ ಮಹ
ಯೋಗಿ ಮಹಾತ್ಮರಿಗೆ ನಮೋ ನಮೋ
ಆಗಯೀಗೆನ್ನದೆ ಸಾಗರನಿಲಯನನ್ನ
ಬಾಗಿಭಜಿಪರಿಗೆ ನಮೋ ನಮೋ 3
ಭಕ್ತಜನರಿಗೆ ನಮೋ ನಮೋ ವಿ
ರಕ್ತ ಪುರುಷರಿಗೆ ನಮೋ ನಮೋ
ಸತ್ಯಶೀಲರಿಗೆ ನಮೋ ನಮೋ ತಮ್ಮ
ಗುರ್ತು ಅರ್ತವರಿಗೆ ನಮೋ ನಮೋ
ಭಕ್ತಿಯುಕ್ತಿ ವಹಿಸೆತ್ತಗಲದಂಥ
ಚಿತ್ತಶುದ್ಧರಿಗೆ ನಮೋ ನಮೋ 4
ನಿತ್ಯ ನಿರ್ಮಲರಿಗೆ ನಮೋ ನಮೋ ಭವ
ಮರ್ತ ನಿರ್ತರಿಗೆ ನಮೋ ನಮೋ ತ
ತ್ವರ್ಥಿಕರಿಗೆ ನಮೋ ನಮೋ ಮಹ
ಮುಕ್ತಿ ಸಾಧ್ಯರಿಗೆ ನಮೋ ನಮೋ
ಮೃತ್ಯುವ ಗೆಲಿದು ಕರ್ತ ಶ್ರೀರಾಮನ
ಅರ್ತವರಿಗೆ ಬಹು ನಮೋ ನಮೋ 5

ಭಯವಿಲ್ಲೋ ಭಯವಿಲ್ಲೋ
ಭಯಹರ ನರಸಿಂಗನಡಿಯ ದಾಸರಿಗೆ ಪ
ವೃಶ್ಚಿಕ ಮುಟ್ಟಲು ಬಾಧೆಯೆ ಇಲ್ಲ ತಕ್ಷ
ಕಚ್ಚಲು ವಿಷವಂಟೋಣಿಲ್ಲ
ಅಚ್ಯುತಾನಂತನ ಹೆಚ್ಚಿನಡಿದಾವರೆ
ಮುಚ್ಚಿಭಜಿಪ ಮಹ ನಿಶ್ಚಲಚಿತ್ತರಿಗೆ 1
ಕಳ್ಳರು ಮುತ್ತಲು ಸುಲಕೊಂಬೋಣಿಲ್ಲ
ದಳ್ಳುರಿ ಹತ್ತಲು ಸುಡುವ ಶಕ್ತಿಲ್ಲ
ಪಾದ ಉಲ್ಲಾಸ ಮನದಿಂದ
ನಿಲ್ಲದೆ ಭಜಿಪರ್ಗೆ ಎಳ್ಳಷ್ಟಾದರು 2
ಹುಲಿ ಕರಡಿ ಬದು ನುಂಗುವ ತ್ರಾಣಿಲ್ಲ
ಬಲು ಭೂತ ಬೇತಾಳ ಎದುರೆ ಇಲ್ಲ
ಮಲಿನಹರಣ ಕೃಪಾನಿಲಯ ಭಕ್ತಜನ
ಸುಲಭನೆಂದೊದರುತ ನಲಿವ ನಿರ್ಮಲರಿಗೆ 3
ಭೂಪತಿಗಳ ಭಯ ರೋಮಕೆ ಇಲ್ಲ
ಪಾಪತಾಪಗಳ ಲೇಪವೆ ಇಲ್ಲ
ಆ ಪರಬ್ರಹ್ಮ ಜಗದ್ವ್ಯಾಪಕನನುದಿನ
ಗೌಪ್ಯದಾರಾಧಿಸುವ ಪಾಪಲೋಪರಿಗೆ 4
ಏಸು ಕಷ್ಟಬಂದರಾಯಾಸವಿಲ್ಲ
ನಾಶ ಮೃತ್ಯು ಗಾಳಿಸೊಂಕೋಣಿಲ್ಲ
ಹೇಸಿ ದುರ್ಭವದ ವಾಸನಳಿದ ಮಹ
ಶ್ರೀಶ ಶ್ರೀರಾಮನ ದಾಸದಾಸರಿಗೆ 5