ಇದೇವೆ ನರ ಪಶು ಕಾಣಿರ್ಯೋ |
ಇದೇ ಮನದ ಸ್ಥಿತಿ ನೋಡಿರ್ಯೋ ಪ
ಉದಯದಲೇಳುತ ಉದರದಿ ಧಾವತಿ |
ಉದರ ತುಂಬಲು ನಿದ್ರಿಯ ಭರವು |
ಮದದಲಿ ಭಯ ಕೊಟ್ಟಿಗೆಯಲಿ ಮಾಯದ |
ಸದಮಲ ಪಾರದ ಬಂಧನವು 1
ಸಂಚಿತ ನೊಗ ಹೆಗಲಲಿ ಪೊತ್ತು |
ಘನ್ನದುರಿತ ಘಸಣೆಯ ತಳೆದು |
ತನ್ನ ಹಿತಾ ಹಿತ ಲೇಶವ ನರಿಯದೆ |
ಕಣ್ಣೆವೆಯಿಕ್ಕದೆ ಡೋಕುವನು 2
ಗುರುವರ ಮಹಿಪತಿ ನಂದನ ಸ್ವಾಮಿಯು |
ಹೊರೆವ ವಡಿಯನೆಂಬ ಗುರುತರಿದೇ |
ಅನುದಿನ ಕಾವವ |
ಸಿರಿಯ ಮದಾಂಧನ ನಂಬಿಹುದು 3

ಎದ್ದೆವು ನಾವಿನ್ನು ಸದ್ಗುರು ಕೃಪೆಯಿಂದ ಧ್ರುವ
ಭವ ನಿದ್ರಿಯಗಳೆದು 1
ಕಾಯ ಮಂದಿರದೊಳು | ಮಾಯ ಮುಸುಕು ತೆಗೆದು 2
ಚೆನ್ನಾಗಿ ಮಲಗಿದ್ದ | ಜನ್ಮ ಹಾಸಿಗೆ ಬಿಟ್ಟು 3
ತನ್ನ ತಾ ತಿಳಿವ್ಹಾಂಗೆ ಕಣ್ದೆರೆದಿನ್ನು 4
ಎದ್ದಿದ್ದರೆ ನೀವಿನ್ನು ಶುದ್ಧ ಬದ್ಧರಾಗಿ 5
ಮನದಲ್ಲಿ ಇನಕೋಟಿ ತೇಜನ ಕಾಣುಹಾಂಗೆ 6
ದೀನ ಮಹಿಪತಿ ಸ್ವಾಮಿ ಮನೋಹರ ಮಾಡೊಹಾಂಗೆ 7