ಆತ್ಮನಿವೇದನೆಯ ಕೀರ್ತನೆಗಳು
ಕರವ ಸುಖಪೊಂದಲು ಪ
ಬಹು ಜನ್ಮದಿ ಅ.ಪ
ಹರಿ ತೋಷಕ
ಬಿದಿರಿನಕೊಳಲು 1
ಪ್ರಸಾದವ ಕಮಲೋಧ್ಬವ
ವಿಭವ ವಂಶೋದ್ಬವ 2
ಸುಧೆ ಸವಿಯಲು
ನಿಂದಿರುವಳು 3

ಬಾರೋ ಬೇಗನೆ ಶ್ರೀಧರ ಗುಣಾಕರ ಪ
ಬಾರೋ ಬೇಗನೆ ಪಾದವಾರಿಜಕೆರಗುವೆ
ಚಾರು ಪರಿಯಂಕಕ್ಕೆಅ.ಪ
ಶೌರಿ ಅಗ್ರಜನಾಗಿ ಕ್ರೂರರ ಸದೆದು ಭೂ
ಭಾರವನಿಳುಹಿದ ಶೌರ್ಯದ ಮಂಚಕೆ1
ರಾಮನ ಶೇವಿಸಿ ಪ್ರೇಮವನು ಪಡೆದಂಥ
ಸೌಮಿತ್ರಿಯೆಂಬ ಸುನಾಮದ ಹಾಸಿಗೆಗೆ 2
ಸಾಸಿರವದನದಿ ಶ್ರೀಶನೆ ತವಗುಣ
ಲೇಶ ವರ್ಣಿಸುವಂಥ ಭಾಸುರ ತಲ್ಪಕೆ 3
ಇಂದಿರದೇವಿಯು ನಿಂದಿರುವಳು ತವ
ಸುಂದರ ಚರಣಾರವಿಂದವ ತೋರಿಸು 4
ಶರಣರ ಪೊರೆವ ಕಾರ್ಪರನರಶಿಂಹನೆ
ಹರಗೆ ಭೂಷಣವಾದ ಉರಗಪರ್ಯಂಕಕೆ5

ವೃಂದಾವನೀ ದೇವಿ ವಂದಿಸುವೆ ಶ್ರೀ ತುಳಸಿ
ವಂದಾರು ಜನತತಿಗೆ ಮಂದಾರಳೆನಿಸಿರುವಿ
ಸಂದೇಹವಿಲ್ಲವಿದಕೆ 1
ಅಂದು ಧನ್ವಂತರಿಯು ತಂದಿರುವ ಪೀಯೂಷ
ದಿಂದ ಪೂರಿತ ಕಲಶದಿ
ಇಂದಿರಾಪತಿಯ ಆನಂದ ಬಾಷ್ಪೋದಕದ
ಬಿಂದು ಬೀಳಲು ಜನಿಸಿದಿ2
ಶ್ರೀ ತುಳಸಿ ನಿನ್ನನು ನಿಕೇತನದಿ ಪೂಜಿಪರ
ಪಾತಕವ ಪರಿಹರಿಸುವಿ
ಶ್ರೀ ತರುಣಿಪತಿಗೆ ಬಲುಪ್ರೀತಿ ವಿಷಯಳೆನಿನ್ನ
ನಾ ಸ್ತುತಿಸಲೆಂತು ಜನನಿ 3
ಸರ್ವ ತೀರ್ಥಗಳೆಲ್ಲ ತರುಮೂಲದಲ್ಲಿಹವು
ಸರ್ವ ವಿಬುಧರು ಮಧ್ಯದಿ
ಸರ್ವ ವೇದಗಳೆಲ್ಲ ತರುಅಗ್ರಭಾಗದಲಿ
ಇರುತಿಹರು ಬಿಡದೆ ನಿರುತ 4
ತುಳಸಿ ನಿಮ್ಮಯ ಲಕ್ಷದಳಗಳಿಂದಲಿ
ಲಕ್ಷ್ಮಿನಿಲಯನಂಘ್ರಿಗಳರ್ಚಿಸಿ
ಕಲುಷ ವರ್ಜಿತನಾಗಿ ಬಲುಬೇಗ ಶ್ರೀಹರಿಯ
ಒಲುಮೆ ಪಡೆವನು ಜಗದೊಳು 5
ತುಳಸಿ ದೇವಿಯೆ ನಿನಗೆ ಜಲವೆರೆದು ಕುಂಕುಮದ
ತಿಲಕವಿಡುತಲಿ ನಿತ್ಯದಿ
ಲಲನೆಯರು ಪೂಜಿಸಲು ಒಲಿದಿತ್ತು ಸೌಭಾಗ್ಯ
ಸಲಹುವಿಯೆ ಕರುಣದಿಂದ 6
ಮಾಧವ ಪ್ರಿಯ ತುಳಸಿ ಸಾದರದಿ ನಿನ್ನೊಳಗೆ
ಶ್ರೀದೇವಿ ನಿಂದಿರುವಳು
ಮೋದಮುನಿ ಶಾಸ್ತ್ರವನು ಬೋಧಿಸುವ ಬುಧಜನರ
ಪಾದಸೇವೆಯ ಕರುಣಿಸು 7
ಮಿತ್ರನುದಯದಲೆದ್ದು ಚಿತ್ತನಿರ್ಮಲರಾಗಿ
ಭಕ್ತಿಯಲಿ ಶ್ರೀ ತುಳಸಿಯ
ಮೃತ್ತಿಕೆಯ ಧರಿಸಿದ ಮಹಾತ್ಮರನು ಕಂಡು ಯಮ
ಭೃತ್ಯರಂಜುವರು ಭಯದಿ 8
ಇಂತು ಶ್ರೀತುಳಸಿ ಸೀಮಂತಿನಿಯ ಸ್ತೋತ್ರವ ನಿ-
ರಂತರದಿ ಪಠಿಸುವವರ
ಚಿಂತಿತ ಪ್ರದನಾಗಿ ನಿಂತು ಕಾರ್ಪರದಿ ಸಿರಿ
ಕಾಂತ ನರಹರಿ ಪೊರೆವನು 9