ದೀನನಾಥ ನೀನೆ ಪ್ರಭು
ಧ್ಯಾನಮಾಳ್ಪೆ ಕಾಯೊ ಕರುಣಿ ಪ
ಜಾಹ್ನವೀಜನಕ ಜನಾರ್ದನ
ಜಾನಕೀಪ್ರಿಯ ಜಗದೊಡೆಯ
ವೇಣುಗೋಪಾಲ ನಿನ್ನ
ಧ್ಯಾನಾನಂದ ಪಾಲಿಸಭವ 1
ಕವಿದುಕೊಂಡು ದಹಿಸುತಿರುವ
ತಾಪ ಭಯವ ತರಿದು
ಸುವಿಚಾರ ಸುಜನಸಂಗ
ಜವದಿ ನೀಡಿ ದಯದಿ ಪೊರೆ 2
ವಿಷಯದ್ವಾಸನೆ ಪರಿಹರಿಸಿ
ಅಸಮಜ್ಞಾನ ಸೌಖ್ಯವಿತ್ತು
ಒಸೆದು ನಿಮ್ಮ ವಿಮಲಚರಣ
ಕುಸುಮದಾಸನೆನಿಸು ಶ್ರೀರಾಮ 3

ರಾಮ ನಿನ್ನ ಭಜನೆಗೈಯುವೆ ಕಾಮಾರಿಮಿತ್ರ
ರಾಮ ನಿನ್ನ ಭಜನೆಗೈಯುವೆ ಪ
ರಾಮ ನಿನ್ನ ಭಜನೆಯನ್ನು ಪ್ರೇಮದಿಂದ ಮಾಳ್ಪ ಜನಕೆ
ಕಾಮಿತಾರ್ಥವಿತ್ತು ಸುಖವ ಪ್ರೇಮದಿಂದಕರುಣಿಸುವವನೆ 1
ಜಾನಕಿಯರಮಣ ನಿನ್ನ ಧ್ಯಾನಮಾಳ್ಪೆನಯ್ಯ ಸತತ
ಸಾನುರಾಗದಿಂದ ಸಲಹು ಭಾನುವಂಶ ಜಲಧಿಚಂದ್ರ 2
ಇಂದಿರೇಶ ನಿನ್ನ ಪಾದವಿಂದು ಪೂಜೆಗೈವೆ ನಾನು
ತಂದೆ ಸಲಹೊ ರಾಗದಿಂದ ಸುಂದರಾಂಗ ಸುಪ್ರಸನ್ನ 3
ಹಾರ ಕುಂಡಲಾದಿಭೂಷ ಚಾರುಮಕುಟಧರಸುಶೋಭ
ಸಾರಸಾಕ್ಷ ರವಿಜವರದ ತೋರೋ ಮುಖವ ರಾಘವೇಂದ್ರ 4
ರಾವಣಾದಿ ಸಕಲದನುಜ ಜೀವಹರಣ ರಘುಕುಲೇಶ
ಪಾವಮಾನಿ ಪೂಜಿತಾಂಘ್ರಿ ಧೇನುಪುರನಿವಾಸ ದೇವ 5