ಜೋ ಜೋಯನುತಲಿ ಗೋಪಿ
ವಾಣಿಲಿತೂಗಿದಳು ಕೃಷ್ಣನ್ನ ಜೋ ಜೋ ಪ
ರನ್ನ ಖಚಿತ ತೊಟ್ಟಿಲದೊಳಗ
ಚಿನ್ನಾಂಬರದ್ಹಾಸಿಗಿ ಹಾಕಿ
ಉನ್ನತ ಮಹಿಮನ ತಂದಿರಿಸಿ
ಚೆನ್ನಾಗಿ ಪಿಡಿದ್ಹೆಡೆಯಾಡಿಸುತಾ 1
ದುಷ್ಟ ಸೋದರ ಮಾವನ ತಲೆಯಾ
ಅಷ್ಟಮಿ ದಿವಸದ ರಾತ್ರಿಯಲಿ
ಸ್ಪಷ್ಟದಿ ಪ್ರಕಟಿಸಿದೈಧರಿಲಿ 2
ಸುರರ ಮನೋಬಯಕೆಯವೃಕ್ಷಾ
ಗುರುಮಹಿಪತಿಸುತ ಗಧ್ಯಕ್ಷಾ
ಗಿರುವೆನೀ ಮಾಡು ಸಂರಕ್ಷಾ 3

ಶರಣರೆಳಕಂದಿ ನೀನ್ಯಾಕೆ ಕರುಣಿಸಲೊಲ್ಲಿ |
ದುರಿತ ಭಯ ಪರಿಹರಿಸಿ ಸಲಹೆನ್ನ ತಂದೆ ಪ
ಬಂದರ ವಿಭೀಷಣಗ ಅಭಯಕರವಿತ್ತೇ |
ಬಂಧನಕ್ಕೋಳಗಾದ ಗಜರಾಜನನು ನೆಗಹಿ |
ಛಂದದಭಿಮಾನುಳಿಹಿ ದ್ರೌಪದಿಯ ಕಾಯ್ದೆ 1
ಕಲುಷವಾರಿಸಿ ಮುನಿ ಸತಿಯ ನೀನುದ್ದರಿಸಿ |
ಒಲಿದು ಧ್ರುವಗಾನಂದ ಪದವಿತ್ತೆ ಧರಿಲಿ |
ಸಿಲುಕಿರಲು ಲಾಕ್ಷಗೃಹದಿ ಪಾಂಡವರನುಳುಹಿ |
ಲಲನೆ ಗರ್ಭದಿ ಪರೀಕ್ಷಿತನ ಕಾಯ್ದೆ ಸ್ವಾಮಿ 2
ಅವರ ದಾಸಾನುದಾಸರ ಭಾಗ್ಯವೆಮಗಿಲ್ಲಾ |
ತವನಾಮಧಾರಕೆನಿಸಿದ ಬಿರುದಿಗಿಂದು |
ಕುವಲಯ ಶ್ಯಾಮ ಗುರು ಮಹಿಪತಿ ಸುತ ಪ್ರಭುವೆ |
ಯಮನ ಬಾಧೆಯ ಬಿಡಸೋ ಬ್ಯಾಗೊದಿಗಿ ಬಂದು 3