ಕರುಣಿಸೆಲೊ ಮುಕುಂದ ಮಾಧವ
ಶ್ರೀರಾಮ ಧರಣಿಧರನೆನಿಸಿ ನಿಮ್ಮ ದಾಸ್ಯವ ಪ
ಅಂಬುಜಾಕ್ಷ ಕಂಬುಕಂದರ
ವಿನುತ ಮುರಹರ
ಶಂಬರಾರಿ ಜನಕ ಗಿರಿಧರ
ಶೌರಿ ಶುಭಕರ 1
ಚಾರು ಸುಚರಿತ
ಶ್ರೀರಾಮ ವನಜನಾಭ ಮುನಿ ವಂದಿತ
ದನುಜ ಗರ್ವ ಸಂಹಾರಾಚ್ಯುತ
ಶ್ರೀರಾಮ ಅನಘ ಕನಕವಸನ ಭೂಷಿತ 2
ಪನ್ನಗೇಂದ್ರಶಯನ ವಾಮನ
ಉದಧಿ ಬಂಧನ
ಹೆನ್ನೆಪುರನಿಲಯ ಜನಾರ್ದನ
ಶ್ರೀರಾಮಯನ್ನ ಮೊರೆಯ ಕೇಳಿ ಬೇಗನೆ 3

ದಯವಿರಲಿ ಎನ್ನಲ್ಲಿ ಧರಣಿಧರನೆ
ಭಯಗಳನು ಪೋಗಾಡು ಭಕ್ತಜನ ಪ್ರೀಯಾ ಪ
ಎರಗಿಸುವದು ಚರಣದಲಿ ಶಿರಸು
ಎರಗಲಿ ನಿನ್ನ ಧ್ಯಾನದಲಿ ಮನಸು
ಎರವೆರವು ಮಾಡದಲೆ ನಿನ್ನ ನಾಮಾಮೃತವ
ಎರದು ಸಾಕುವದು ಸಂತತ ಎನ್ನ ಬಿಡದೆ 1
ಮತಿಗೆಟ್ಟ ಮಾನವಗೆ ಗತಿ ನೀನೆ ಆವಾವಾ
ಶ್ರುತಿಗಳೊಳು ಪೇಳುತಿದೆ ವರದೊರದೂ
ಕ್ಷಿತಿಯೊಳಗೆ ರವಿ ಶಶಿಯ ಗತಿ ತಪ್ಪಿದರೇನು
ಪತಿತ ಪಾವನ ನಿನ್ನ ಕೃಪೆಗೆ ಎಣೆಗಾಣೆ 2
ಕೊಡುವಲ್ಲಿ ಕೊಳುವಲ್ಲಿ ಯಡಿಯಡಿಗೆ ಭಕುತಿರಸ
ಕುಡಿಸುವಲಿ ಕಲಕಾಲ ಸಂತೋಷವ
ಬಡಿಸಿ ಪೊರೆವಲ್ಲಿ ನಿನಗಾವಲ್ಲಿ ಸರಿಗಾಣೆ
ಸಿರಿ ವಿಜಯವಿಠ್ಠಲ ತಿರುಮಲೇಶಾ 3