ಎಲ್ಲ ಭಯ ಎಲ್ಲ ಭಯ ಕ್ಷುಲ್ಲಕ ಜನಗಳಿಗೆಲ್ಲ ಭಯ ಪ
ತಲ್ಲಣಿಸದೆ ಸಿರಿವಲ್ಲಭನಲಿ ಮನ ನಿಲ್ಲಿಸುವರಿಗೆಲ್ಲ ಜಯ ಅ.ಪ
ಇರಲು ಭಯ ಧನವಿರಲು ಭಯ
ಇಲ್ಲದಿದ್ದರೆ ತಿರಿದುಂಬೊ ಭಯ
ನೆರೆ ಹೊರೆ ಜನಗಳ ಸಿರಿಯನು ನೋಡಲು
ಉರಿಯುವ ಜನಗಳಿಗೆಲ್ಲಿ ಜಯ 1
ಎಲ್ಲ ಜಯ ಎಲ್ಲ ಜಯ
ಬಲ್ಲ ಸುಜನಗಳಿಗೆಲ್ಲ ಜಯ
ಪೊಳ್ಳು ಜೀವನದ ಜಳ್ಳು ಸೌಖ್ಯಗಳ
ಒಲ್ಲೆನೆಂಬುವರಿಗೆಲ್ಲ ಜಯ 2
ಸರಳ ಜನರ ನೋಡುವುದೆ ಭಯ
ದುರುಳ ಜನಕೆ ತಮ್ಮ
ನೆರಳನು ಕಂಡರೆ ಅಧಿಕ ಭಯ 3
ಜ್ಞಾನ ಜಯ ದಿವ್ಯ ಜ್ಞಾನ ಜಯ
ಜ್ಞಾನದಿಂದ ಹರಿಸ್ಥಾನ ಜಯ
ಹಾನಿಯ ನೀಡುವ ನಾನಾ ಭೋಗವ
ಮೌನದಿ ತ್ಯಜಿಪರಿಗೇನು ಭಯ 4
ಒಂದು ಜಯ ನೂರು ಭಯ
ದ್ವಂದ್ವಗಳನು ಸಹಿಸದ ನರಗೆ
ತಂದೆ ಪ್ರಸನ್ನ ಶ್ರೀಕೃಷ್ಣನ ಚರಣ
ದ್ವಂದ್ವ ಸೇವಕರಿಗೆಂದೂ ಜಯ 5