ಎನ್ನಲ್ಲಿ ಅವಗುಣ ಶತಸಾವಿರವಿರೆ |
ಅನ್ಯರ ಕರೆದಾನು ನಡತೆ ಇದೇನೆಂಬೆ ಪ
ವೇದವನೋದಿದೆ ಪರರಿ | ಗಾದÀರಿಸಿ ಮುಕುತಿಗೆ |
ಹಾದರಹಳು ನಾರಿ | ಮಾದಿಗÀನ ಪೋದಂತೆ 1
ಧನದಾಸೆಯಿಂದ ಸಾಧನವಾಗದೆಂದು |
ಜನರಿಗೆ ಉಪದೇಶವನು ಮಾಡುವೆ |
ತೃಣ ಹತ್ತದಿದ್ದ | ವಧನರಾಶಿ ಕದ್ದಂತೆ2
ರಸನೇಂದ್ರಿಯಗಳ ಬಂ | ಧಿಸಬೇಕೆಂದು ನಾನು |
ಉಸುರುವೆ ಅಲ್ಲಲ್ಲಿ ಕುಶಲನಾಗಿ |
ಅಮೃತ |
ರಸವಲ್ಲೆನೆಂದಾವ ಮುಸುರಿಯ ಮೆದ್ದಂತೆ 3
ಒಡಿವೆ ವಸ್ತುಗಳು ಸಂಗಡ ಬಾರವು ಮಮತೆ |
ಬಿಡು ಸಂಸಾರವಿದು ಕಡಿಗೆ ಭವದ |
ಮಡವು ಸಿದ್ಧವೆಂದು ನುಡಿವೆನೊ ಪರರಿಗೆ |
ಯಡಹಿಯೊ ಎಂದಾವ ಗಿಡನೇರಿ ಬಿದ್ದಂತೆ 4
ಭಕುತಿ ಕೂಡಿದ ವಿರಕುತಿ ಲೇಶವಿಲ್ಲಾ |
ಯುಕುತಿ ಬಾಯಲಿ ನಾರಕಕೆ ಸಾಧನಾ |
ಲಕುಮಿವಲ್ಲಭ ನಮ್ಮ ವಿಜಯವಿಠ್ಠಲ ನಿನ್ನ ಅ |
ರ್ಚಕನಾಗಿ ಬದುಕತಕ್ಕದ್ದು ಮಾರ್ಗವ ತೋರೊ 5

ದಾಸಗುರೂ | ದಾಸಗುರೂ |
ವಾಸವ ನಾಮಕ ಪ
ಭೂಸುರರಿಗೆ ಧನರಾಶಿ ಸಮರ್ಪಿಸಿ
ವ್ಯಾಸರಾಯರುಪದೇಶಗೊಂಡ ಹರಿ ಅ.ಪ
ಜಲಜಭವನ ಪಿತನಾಜ್ಞೆಯಲಿ
ಕಲಯುಗದಲಿ ಜನ್ಮ ತಾಳುತಲಿ
ಅಲವ ಬೋಧಾಮೃತ ನೆಲೆಯನು ಸುಲಭದಿ
ತಿಳಿಗನ್ನಡದಲ್ಲಿ ತಿಳಿಸಿ ಸಲುಹಿದ 1
ಪವನದೇವನ ಒಲಿಸುತಲಿ | ಮಾ
ಧವನ ಸ್ತುತಿಸಿ ಸಲೆ ಕುಣಿಯುತಲಿ
ಕವನದಿ ಭಕುತಿಯ ನವವಿಧ ಮಾರ್ಗವ
ಅವನಿಗೆ ಬೀರಿದ ದಿವಜ ಮೌನಿವರ 2
ಕಾಮಿತ ಫಲಗಳ ಗರಿಯುತಲಿ ಬಲು
ಪಾಮರ ಜನರನು ಸಲಹುತಲಿ
ಶ್ರೀಮನೋವಲ್ಲಭ ಶಾಮುಂದರ
ನಾಮಾಮೃತವನು ಪ್ರೇಮದಿಂದುಣಿದ 3

ಬೀಸಿದ ಗುಂಡಗೆ ಬುಕ್ಕಿದ್ದೇ ಲಾಭ ಬೇಸರವಿಲ್ಲದೆ ಪ
ವಾಸುಕಿಶಯನನ ಲೇಶವು ಭಜಿಸದೆ ಅ.ಪ
ಹಗಲು ಇರುಳು ವಿಷಯಗಳಲಿ ಮುಳುಗಿ
ಪೊಗಳದಿರಲು ಹರಿ ನಾಮವನು
ಜಗದೊಳೆನಗೆ ಸಮರಾರೆಂದೆನುತಲಿ
ಬೊಗಳಿ ನರಕಕ್ಕುರುಳುವೆನೆಂದರಿಯದೆ 1
ಮೋಸದಿಂದ ಧನರಾಶಿಗಳಿಸಿ ಅತಿ
ಹೇಸಿಗೆ ಭೋಗಗಳಾಶಿಸುವ
ಈಶನಂತೆ ಬಲು ಮೆರೆಯುತ ಮದದಲಿ
ಶ್ರೀಶ ಸಹಾಯವ ಬಯಸದ ತನಕ 2
ಗಂಗಾ ಶುಚಿಜಲ ದೊರಕುತಿರೆ ಹಲ
ವಂಗವ ನೀರನು ಬಯಸುವರೇ
ಮಂಗಳ ಕರ್ಮಗಳಾಚರಿಸದೆ ನೀ
ಮಂಗನಂದದಲಿ ಕುಣಿಯುವ ತನಕ 3
ಕಂಗಳಿಲ್ಲದ ಕುರುಡನಿಗೆ ಬೆಳ
ದಿಂಗಳ ಸೌಖ್ಯವು ತೋರುವುದೆ
ರಂಗನ ಮಹಿಮೆಯನರಿಯದ ಮೂಢನು
ತಂಗಳು ಭೋಗವ ಬಯಸುವ ತನಕ 4
ಕನ್ನಡಿಯೊಳಗಿನ ಗಂಟಿನಂತಿರುವುದು
ನಿನ್ನ ನಶ್ವರದ ಭೋಗಗಳು
ಇನ್ನಾದರು ನಿನ್ನ ಮೂಢತನವ ಬಿಟ್ಟು
ಸಂತತ ಭಜಿಸೋ ಪ್ರಸನ್ನ ಶ್ರೀಹರಿಯ 5

ಹರಿಲೀಲೆ ಹರಿಲೀಲೆ ಪ
ಜಗದೊಳು ಸುಜನರು ಬಳಲುತಲಿರುವುದು ಅ.ಪ
ಉಚ್ಚಕುಲದಿ ಪುಟ್ಟಿ ಸ್ವಚ್ಛ ಜ್ಞಾನದಿಂದ
ಅಚ್ಯುತನಂಘ್ರಿಯ ಪೂಜಿಸುತಿರಲು
ತುಚ್ಛ ಜನರುಗಳು ಸ್ವೇಚ್ಭೆಯಿಂದಲಿ
ಹುಚ್ಚು ಹರಟೆಗಳ ಹರಟುವುದೆಲ್ಲವು 1
ಪಂಡಿತರೆಲ್ಲ ಅಖಂಡ ಕಲೆಗಳಿಗೆ
ಮಂಡನರೆನಿಸಿ ಭೂಮಂಡಲದಿ
ಭಂಡಿ ಭಂಡಿ ಧನರಾಶಿಗಳಿರಲಾಗಿ
ಪಿಂಡಕ್ಕಿಲ್ಲದೆ ತಿರುಗುತಲಿರುವುದು 2
ಮನವ ತೊರೆಯುತ ಕಾಮಿನಿಯರುಗಳು
ಗಾನವ ಮಾಡಲು ಆನಂದಿಪರು
ಜ್ಞಾನಿ ದಾಸರುಗಳು ಭಕುತಿಯಿಂದ ಹರಿ
ಗಾನವ ಮಾಡಲು ಮಾನಸದಿರುವುದು 3
ಪನ್ನಗಶಯನನು ತನ್ನ ಭಕುತರಿಗೆ
ಹೆಣ್ಣು ಹೊನ್ನು ಮಣ್ಣಿನ ಆಸೆ
ಯನ್ನು ಬಿಡಿಸಿ ಅವರನ್ನು ಉದ್ಧರಿಸಿ ಪ್ರ
ಸನ್ನನಾಗುವೆ ನಾನೆನ್ನುತ ಪೇಳ್ವುದು 4