ದೀನ ಪಾಲನೆ ಗಾನಲೋಲನೆ
ಸುಜನ ಪ್ರಿಯನೇ ಪ
ಈ ನರಜನ್ಮದ ಕಾನನದಲಿ ಬಲು
ದೀನನಾಗಿ ಗುಣಗಾನ ಮಾಡುವೆನೊ ಅ.ಪ
ದುಷ್ಟಭೋಗಗಳನುಭವಿಸುತ ಸದಾ
ಭ್ರಷ್ಟನಾದೆ ನಾನು
ಅಷ್ಟಿಷ್ಟಲ್ಲದೆ ಮರುಗುತಿರುವೆ ಪರ
ಮೇಷ್ಟಿ ಜನಕ ಎನ್ನ ನಿಷ್ಠನ ಮಾಡೊ 1
ಜಪವ ಮಾಡಲಿಲ್ಲ ತಪವ ಮಾಡಲಿಲ್ಲ
ಉಪವಾಸವ ಕಾಣೆ
ತಪಿಸುತಿರುವೆ ಎನ್ನ ಅಪರಾಧಗಳಿಗೆ
ಕುಪಿತನಾಗದಿರೊ ದ್ವಿಪ್ರವರ ವರದ 2
ಧರ್ಮವ ಬಿಟ್ಟು ಸತ್ಕರ್ಮವ ತ್ಯಜಿಸುತ
ದುರ್ಮಾರ್ಗದಲಿ ಬಲು
ಹೆಮ್ಮೆ ಮಾಡಿದ ನನ್ನ ಹಮ್ಮು ಮುರಿದಿಹುದು
ಬೊಮ್ಮ ಜನಕ ಸುಪ್ರಸನ್ನನಾಗೆಲೊ 3