ಜನುಮ ಜನುಮದಲಿ ಎನಗಿರಲಿ ಪ
ಹನುಮ ಭೀಮ ಮಧ್ವಮುನಿಗಳ ಸೇವೆಯು ಅ.ಪ
ಮಾತರಿಶ್ವ ನೀ ಪ್ರೀತನಾಗೆ ಅಜ
ತಾತನು ಸುಲಭದಿ ಒಲಿಯುವನು
ಕೋತಿಯ ರೂಪದಿ ಭೂತಲದಲಿ ಬಲು
ಖ್ಯಾತಿ ಪಡೆದ ರಾಮದೂತರ ಸೇವೆಯು 1
ಹರನ ಭಕುತ ಜರಾಸಂಧನ ಕಾಯುವ
ಹರಿದು ಮುರಿದು ಬಲು ಸುಲಭದಲಿ
ಹರಿಗಪರೋಕ್ಷದಿ ಅರ್ಪಣೆ ಮಾಡಿದ
ಕುರುಕುಲಪತಿ ಬಲಭೀಮರ ಸೇವೆಯು 2
ಶುದ್ಧ ದ್ವಿಜಕುಲದಿ ಉದ್ಧವಿಸುತ ಅನಿ
ರುದ್ಧನಿಗನುಮತವಾಗಿರುವ
ಸಿದ್ಧಾಂತದ ಪದ್ಧತಿಯನು ತೋರಿದ
ಮಧ್ವಮತದ ತತ್ವದಲಿ ಪ್ರಸನ್ನತೆ 3