ಏಳು ಏಳು ಕೇಶವಾ ಶ್ರೀಮಾಧವಾ
ಏಳು ಏಳು ಕೇಶವಾ ಪ
ಏಳಯ್ಯ ಮಧುಸೂದನ ಚಕ್ರಧಾರೀ
ಏಳಯ್ಯ ನಿಜಶೌರಿ ದಶರೂಪಧಾರೀ
ಏಳಯ್ಯ ದೇವಕಿಕಂದ ಉದಾರೀ
ಏಳಯ್ಯ ಮುರಹರ ಕೌಸ್ತುಭಧಾರೀ1
ತ್ರಿಜಗವನ್ನು ಬೇಗ ಪಾಲಿಸಲೇಳು
ಭಜಕರ ಕರುಣದಿ ರಕ್ಷಿಸಲÉೀಳÀು
ಸುಜನರ ಮರೆಯದೆ ವರದೆತ್ತಲಿಕೆ ಯೇಳು
ಕುಜನರ ಹರುಷದಿ ತರಿಯಲೇಳು 2
ದಾಸದಾಸರು ಬಂದು ಸೇವಿಸುತಿಹರೇಳು
ತಾಸು ತಾಸಿಗೆ ತತ್ವವರುಹಲೇಳು
ದಾಸಗೆ ನಿತ್ಯದಿ ಭಾಸವಾಗಲೇಳು
ದಾಸಗೆ ಮುಕ್ತಿಯ ಪಾಲಿಸಲೇಳು 3
ಅರುಣೋದಯವಾಯ್ತು ಕಿರುಣೋದಯವಾಯ್ತು
ಭರದಿಂದ ಸೂರ್ಯನು ಮೇಲೇರುತಿಹನು
ಚರಣ ಕಿಂಕರರೆಲ್ಲ ಸಂಸಾರ ಶರಧಿಯ
ಸರಸದಿ ದಾಂಟಿ ನಿಂನನು ಸೇರುತಿಹರು 4
ವಿದ್ಯೆಯರುಹಲು ಯೇಳು ಜ್ಞಾನವೀಯಲು ಯೇಳು
ಬುದ್ದಿಯ ಕಲಿಸಿ ಆತ್ಮವ ಸೇರಲೇಳು
ಮದ್ದು ಭವರೋಗಕ್ಕೆ ಬೇಗನೀಯಲು ಯೇಳು
ಎದ್ದು ಲೋಕಕ್ಕೆ ನೀ ಬೆಳಗಲೇಳು 5
ಸನ್ನುತ ವರ ದೂರ್ವಾಪುರಕೆ ದಿಗ್ದೇಶದಿಂ
ದೀನದಾಸರು ಬಂದು ಘನಭಕ್ತಿಯಿಂದ
ನಿತ್ಯ ಮಾಡುವರಯ್ಯ
ಚನ್ನಕೇಶವಾ ಸೇವೆ ಸ್ವೀಕರಿಸೇಳು 6

ಜಗತ್ಪಾಲಾ ಸದ್ಗುಣಶೀಲಾ ರಮಾಲೋಲಾ ಪ
ನಿತ್ಯ ವಿಮಲಾ
ಬಹುಗುಣ ಶೀಲಾ ಪಾಹಿ ಕೃಪಾಲಾ1
ನಿತ್ಯಾನಂದಾ ದೇವಕಿಕಂದಾ ಕಂಸನ ಕೊಂದಾ
ಬಾಲ ಗೋವಿಂದ ನೀ ದಯದಿಂದಾ ಪಾಹಿ ಮುಕುಂದಾ 2
ಅಮರಾಧೀಶಾ ಅಸುರನಾಶಾ ಪರಮ ಪ್ರಕಾಶಾ
ಗೋಕುಲವಾಸಾ ಭಕ್ತಪೋಷಾ ಶ್ರೀಹನುಮೇಶವಿಠಲ 3

ಜೋ ಜೋ ದೇವಕಿಕಂದ ಮುಕುಂದ
ಜೋ ಜೋ ಗೋಪಿಯಾನಂದ ಗೋವಿಂದಾ ಪ
ಜೋ ಜೋ ಜೋ ಭಕ್ತಮನಕಾನಂದ
ಜೋ ಜೋ ಜೋ ಗೋಪಿಕಾವೃಂದ ಅ.ಪ
ಗೋಕುಲಬಾಲಾ ಮುರಳೀಲೋಲಾ
ಶ್ರೀಕರಶೀಲಾ ತುಳಸೀಮಾಲಾ
ರಾಕಾಚಂದ್ರ ಸಮಾನಕಪೋಲ
ಗೋಕುಲ ಬೃಂದಾವನ ಸಲ್ಲೀಲಾ 1
ದೇವದೇವೋತ್ತಮ ಭಾನುಪ್ರಕಾಶ
ಭಾವಜಪಿತ ಸರ್ವಸುರ ಮುನಿಪೋಷಾ
ಶ್ರೀವನಿತಾಪ್ರಿಯ ದನುಜವಿನಾಶ
ಪಾವನ ಮಾಂಗಿರಿನಿಲಯ ರಂಗೇಶ 2

ಜೋ ಸಚ್ಚಿದಾನಂದನೆ
ಜೋ ಜೋ ದೇವಕಿಕಂದನೆ ಜೋಜೋ ಬ್ರಹ್ಮಾದಿವಂದ್ಯನೆ ಧ್ರುವ
ಹುಟ್ಟಿ ಬಂದು ನಿಜದೋರಿದೆ ಖೂನ
ಮುಟ್ಟಿ ಬೀರುವ ಸುಚಿನ್ನಸಾಧನ
ಇಟ್ಟ ಕಾವಲಿ ಹಾಕಿದೆ ಮೌನ
ಮೆಟ್ಟಿಮರ್ದಿಸಿ ಬಂದೆ ಮಾವನ 1
ಮಾಡಬಂದೆ ನೀ ಧರ್ಮಸ್ಥಾಪನಿಯ
ನೋಡಬಂದೆನಿಷ್ಟ ಜನರಾರ್ಚನಿಯ
ಆಡಬಂದೆ ನಂದಯಶೋದೆ ಮನಿಯ
ನೀಡಬಂದೆ ನಿಜಸುಖಸಾಧನಿಯ 2
ಶಿಷ್ಟಜನರಿಗಾಗಿ ಸಹಾಕಾರಿ
ಸೃಷ್ಟಿಯೊಳು ತೋರಬಂದೆ ಶ್ರೀಹರಿ
ದುಷ್ಟ ಜನರ ಮರ್ದಿಸುವಾವತಾರಿ
ಕಂಸಾರಿ 3
ದೇವಾದಿಗಳ ಮಗುಟಮಣಿಯೆ
ಭಾವಿಸಲಳವಲ್ಲ ಸದ್ಗುಣಿಯೆ
ಕಾವ ದೈವ ನೀನೆ ಕೃಷ್ಣ ಕರುಣೆಯೆ
ದೇವಕಿ ಗರ್ಭನಿಧಾನದ ಖಣಿಯೆ 4
ಬಲವಾಗಿ ಎನಗಬಂದೆ ಸರ್ವೇಶ
ಒಲಿದು ಭಾನುಕೋಟಿತೇಜಪ್ರಕಾಶ
ಫಲವ ನೀಡಿ ತೋರಬಂದೆ ಸಂತೋಷ
ಸಲಹಬಂದೆ ಮಹಿಪತಿ ಪ್ರಾಣೇಶ 5
ಮನೋಹರ ಮಾಡುವ ನೀನೆ ಸಹಕಾರಿ
ಅನುದಿನ ಲೆವಕಲ ನೀನೆ ಮುರಾರಿ 6
ಅನೆ ಕಾಯಲಿಪರಿ ನೀನೆ ಉದಾರಿ
ಅನಾಥರಿಗೊಲುವ ನೀನೆ ಶ್ರೀಹರಿ 7
ಪತಿತ ಪಾವನ ಪೂರ್ಣ ನೀನೆ ನಿಶ್ಚಯ
ಹಿತದಾಯಕ ನೀನಹುದೊ ಮಹಿಪತಿಯ 8

ಶ್ರೀರಂಗನಾಟದ ಪರಿಯ ತೋರುದು ನೋಡಚ್ಚರಿಯ
ದೇವಕಿಕಂದ ದೇವಮುಕುಂದ ಮಾವಕಂಸನ ಕೊಂದ ಧ್ರುವ
ಫಣಿ ಮೆಟ್ಯಾಡಿದ ಚಂದ ಕಾವನಯ್ಯ ಗೋವಿಂದ 1
ಆಸುಹೀರಿದ ಪೂತಣಿಯ
ಮೊಸರು ಹಾಲು ಬೆಣ್ಣಿಗೆ ದಣಿಯ 2
ಕುಸುಮನಾಭನೆ ಶೇಷಶಯ್ಯ
ಲೇಸಾಗ್ಹೊರೆವ ಮಹಿಪತಿಯ 3