ಅವನೆವೆ ಯೋಗ್ಯ ನೋಡಿರೈ ಭಕುತಿಗೆ |
ಸಾಯಾಸವಿಲ್ಲದ ಯೈದನವನಿಯೊಳಗ ಮುಕುತಿಗೆ ಪ
ನಿತ್ಯ ಶ್ರವಣ ಮಾಡಲೆಂದು ಬ್ಯಾಸರಾ |
ಹ್ಯಾವ ಹೆಮ್ಮೆಯಲ್ಲಿ ಕಳಿಯ ವ್ಯರ್ಥವಾಸರಾ |
ನೋವ ಮಾಡುತಿರಲು ತಾಪತ್ರಯದ ತೂರಾ | ಬಳಲ
ಆವಗಿರುವ ಕೂಡಿಕೊಂಡು ಹರಿಯ ದಾಸರಾ 1
ನ್ಯೂನ ನೋಡದೆ ಪರರ ಸದ್ಗುಣವನೆ ಕೊಂಬನು | ದಂಭ |
ಮಾನ ತೊರೆದು ಸ್ತುತಿಯ ನಿಂದ್ಯ ಸರಿಯ ಕಾಂಬನು |
ಜ್ಞಾನದಿಂದ ಪಡೆದು ಗುರುಹಿರಿಯರಿಂಬನು | ತ್ವರಿತ |
ಸ್ವಾನುಭವದ ಸೌಖ್ಯಸಾರ ಸವಿಯನುಂಬನು 2
ಬಲಿದು ಭಾವನಿಂದ ತಿಳಿದು ಸ್ವಹಿತುಪಾಯನು ದೃಢದಿ |
ಹುಲು ಮನಿಜರಿದಿರ ಹೋಗಿ ದೆರಿಯ ಬಾಯನು |
ತಳೆದು ವೇಷದಿಂದ ದಣಿಸವಾವ ಕಾಯನು | ಹೃದಯ |
ದೊಳನವನ ನಲುವ ಗುರುಮಹಿಪತಿ ಪ್ರೀಯನು 3

ಇಂದು ಕಾಯಲಾ ಭಕ್ತವತ್ಸಲಾ
ಬಂದು ಒದಗಿ ನಿಂದು ಭಯವ ದೂರ ಮಾಡಲಾ ಧ್ರುವ
ಮೊರಿಯು ಕೇಳೆಲಾ ಹರಿಯು ನಿಶ್ಚಲಾ
ದುರಿತ ಹರಿಸೆಲಾ 1
ಸುಳವದೋರಲಾ ಹೊಳೆದು ವಿಠ್ಠಲಾ
ಖಳರ ಕೈಯ ಸೆಳೆದುಕೊಂಡು ಬಲೆಯ ಬಿಡಿಸೆಲಾ 2
ಬಂಧುಬಳಗ ದೈವ ಕುಲಕೋಟಿ ನೀನೆಲಾ3
ಹಿಂದೆ ಶರಣರ ಬಂದು ಕಾಯ್ದೆಲಾ
ಸಂದು ವಿಘ್ನದೊಳು ಬಂದು ರಕ್ಷಿಸಿದೆಲಾ 4
ಅಂದು ಒದಗಿ ನೀ ಬಂದ ಪರಿಯಲಾ
ಇಂದು ಅಭಿಮಾನ ಕಾವ ಬಿರುದು ನಿನ್ನದಲ್ಲಾ 5
ದಾತ ನೀನೆಲಾ
ಅಣುಗ ನಿನ್ನ ದಾಸನೆಂದು ಪ್ರಾಣನುಳುಹೆಲಾ 6
ಪುಣ್ಯಪ್ರಭೆಯಿಂದಾ ಕಣ್ಣುದೆರಿಯಲಾ
ಧನ್ಯಗೈಸಿ ಮಹಿಪತಿ ಮಾತ ಮನ್ನಿಸೆಲಾ 7

ಎಲೆ ಮನವೆ ಸಲೆ ನಿನ್ನ ಮರೆವದು ಗುಣವೇ ಪ
ಹರಿಯೋ ಮರವಿನ ಮುಸುಕಿದೆ ಮರೆಯೋ |
ಸಿರಿ ಸೌಖ್ಯ ಮೃಗಜಳ ಪರಿಯೋ |
ಚರವೆಂಬ ಹಂಬಲ ಮರಿಯೋ |
ಪರಿ ವಾಸನೆಯ ಜರಿಯೋ |
ಪ್ರಾರಬ್ಧ ನಿಜ ವೆಂದರಿಯೋ |
ತಾಪ ಮೊನೆ ಮುರಿಯೋ |
ಅರವಿನ ನಯನವದೆರಿಯೋ |
ಪಾದ ಪದ್ಮಕ ಬೆರೆಯೋ 1
ತಿಳಿಯೋ ಇಳಿಯೊಳು ಸತ್ಪಥ ನೆಲಿಯೋ |
ಕಳೇವರ ಸ್ಥಿರ ಬೊಬ್ಬುಳಿಯೋ |
ನಲವಾರು ಅರಿಗಳ ನಳಿಯೋ |
ಬಲಿತಿಹ ಹಮ್ಮಲ ಕಳಿಯೋ |
ಬಳಲಿಪಾಗುಣ ಮಲ ತೊಳಿಯೋ |
ಬಲು ಶಾಂತಿ ಹೃದಯದಲಿ ತಳೆಯೋ |
ಒಲುವಂತೆ ಗುರುನಡಿ ಕಲಿಯೋ |
ಸಲಹುವಾಗರದು ದಯ ಮಳಿಯೋ 2
ಜಡಿಯೋದೃಢ ಭಾವನೆಯನು ಹಿಡಿಯೋ |
ಕೆಡುವ ಭಾವ ಮೂಲವ ಕಡಿಯೋ |
ತಡಿಯದೆ ಮಹಿಪತಿ ದಯ ಪಡಿಯೋ |
ಅಡಿಗಳಾಶ್ರಯವನು ಹಿಡಿಯೋ |
ಒಡೆಯನಾಜ್ಞೆಯಂದದಿ ನಡೆಯೋ |
ಕಡು ಪ್ರೀತಿಲಿ ಸ್ತುತಿ ನುಡಿಯೋ |
ಮಡಿದ್ಹುಟ್ಟುವ ಜನ್ಮದ ಮುಡಿಯೋ |
ಒಡನ ಹಾದಿದರಿಂದ ಕಡಿಯೋ 3

ಏಳಯ್ಯಾ ಏಳು ಕಂದಾ | ಏಳು ಪರಮಾನಂದಾ |
ಏಳು ಈರೇಳು ಜಗದೊಡೆಯ ಶ್ರೀಮುಕುಂದಾ ಪ
ಮೊರೆವದೊಂದೇಗಾಲಿ | ಪರಿವಹರಿವೇಗಮಂ |
ಜರಿದು ಯೇಳು ಕುದುರೆಂಗಳದರಾ |
ಪೋರವರುಣನಿಂದ ಭೋರ್ಗರೆವ ಸ್ಯಂದನದೊಳಗ |
ಮೆರೆವ ದಿನಕರ ಉದಯವಾದ ಪೂರ್ವಾದ್ರಿಯಲಿ 1
ಬಿರಿಯೆ ಕಮಲದ ಮೋಗ್ಗೆ ಕರಿಯೆ ಗೋವತ್ಸಗಳು |
ಪರಿಯೆ ನಕ್ಷತ್ರಗಳು ಗಗನದೊಳಗ ||
ಸರಿಯೆ ಚೋರ್ವಿರಹಿಗಳು ವರಿಯದಂತಾಲಯಕೆ |
ದೆರಿಯ ಕಣ್ಣೆವಿಯಗಳು ನಿದ್ರೆಗೈದಿದ ಜನರು 2
ಓಡುತಿದೆ ಕತ್ತಲೆಯು ಬಾಡುತಿದೆ ಕುಮುದ ಮುಖ |
ಕೂಡುತಿವೆ ಚಕ್ರವಾಕಂಗಳೀಗ |
ಆಡುತೆಳೆದುಂಬಿ ಚಲ್ಯಾಡುತಿದೆ ಮಧುರನವ |
ಪಾಡುತಿದೆ ಮಹೀಪತಿ ಸುತನಾಮ ಕೀರ್ತಿಯನು 3

ನಂಬಿಗಿಲ್ಲಾ ಈ ಮನಸಿನಾ ಪ
ಒಂದು ನೆನೆಯೆ ಮತ್ತೊಂದು ನೆನೆಯುತಾ |
ಒಂದರೆ ಘಳಿಗೆ ಹೊಂದದೆ ಸದ್ಗುಣ |
ಕೂಪ ಹೋಗುವಂದದಿ ವಿಷಯ | ಮ |
ದಾಂಧದಿ ಜೀವನ ಬಂಧಿಸುದೈಯ್ಯಾ 1
ಧೀರ ಶಾಸ್ತ್ರ ವಿಚಾರ ಕರ್ಮದಿ |
ಶೂರರ ತಪ ವಿಹಾರರ ಜಗದೊಳು |
ಆರಾದರಾಗಲಿ ಕ್ರೂರ ಕರ್ಮದಾ |
ಗಾರ ಹುಗಿಸಿ ಘನ ಹೊರುವದೈಯ್ಯಾ 2
ಪುಣ್ಯದ ದಾರಿಗೆ ಕಣ್ಣವ ದೆರಿಯದು |
ಅನ್ಯಾಯದಿ ಒಡಲನೇ ಹೊರುವದು |
ಸನ್ನತ ಮಹಿಪತಿ ಚಿನ್ನನ ಪ್ರಭುದಯ |
ಮುನ್ನಾದರ ಇನ್ನಾನರಿಯೇ 3

ಬೆಳಗಾಯಿ ತೇಳಿರಯ್ಯಾ ಪ
ಕರ ಪುಷ್ಕರದ ನೆಲೆಯ ಲೊಗದು |
ಬಲಿದ ವೈರಾಗ್ಯ ವೈರಾಗ್ಯ ಮುಂಬೆಳಗ ಸುಖ ತಂಗಾಳಿ |
ರವಿ ಉದಯಿಸಿದ 1
ನ್ಮತ್ತದುರ್ವಾದಿ ನಕ್ಷತ್ರದೆಡೆಗೆ |
ಭವ ದ್ವಿಜ ರಿಂದ ಸುತ್ತುಗಟ್ಟಿ ಭಜಿಸುತಿದೆ 2
ನೆರೆಭಾವ ಭಕುತಿ ರಥ ಚಕ್ರನೆರೆಯೆ |
ದುರಿತೌಘ ಮಂಜು ಮುಸುಕು ದೆರಿಯೇ |
ಸಂಚಿತ ಮೊದಲ |
ಹಂಸನು ಮೆರಿಯೆ 3
ಸಾಲ ಸ-ಚ್ಚಾಸ್ತ್ರಾ ದೇಳಿಗೆಗೆವಿದ್ವಜ್ಜ |
ನಾಳಿ ಝೇಂಕರಿಸುತಲಿ ಮ್ಯಾಲನಲಿಯಿ |
ಮೂಲ ರಘು ಪತಿಯ ದೇವಾಲಯದ ವಾದ್ಯಗಳು |
ಘೇಳೆನಿಪ ನಿಜ ವೇದ ಘೋಷ ಕೇಳ ಬರುತಿದೆ ಜನಕೆ4
ಘನ ಪುಣ್ಯ ಪೂರ್ವಾದ್ರಿ ಕೊನಿಗೆ ಅರುಣಾಂಬರದಿ |
ವಿನುತ ಜ್ಞಾನದ ಕಿರಣವನೆ ಪಸರಿಸಿ |
ಜನದ ವಿದ್ಯದ ನಿದ್ರೆಯನೇ - ಜಾರಿಸಿ ಹೋದ |
ಮಹಿಪತಿ ನಂದನ ನುಭಿವದಿ ಕೀರ್ತಿ ಪಾಡಿದನು 5

ಮಾನವನೇನಣ್ಣಾ | ಅವನೀಗ |
ತಾನುದ್ಧರಿಸಲುದೆರಿಯನು ಕಣ್ಣಾ ಪ
ಭಕುತಿಗೆ ಕಾಯವ ಕದ್ದಾ | ವಿ |
ರಕುತಿಗೆ ಮನವನುತಿದ್ದಾ |
ಸಕುತಲಿ ವಿಷಯ ಮೆದ್ದಾ |
ಮುಕುತಿ ಪಥದಿಂ ಜಾರಿ ಬಿದ್ದಾ 1
ಸಿಂತರ ಗುಣಗಳ ಕಡಿಯಾ | ಈ |
ಭ್ರಾಂತರ ಸಂಗದಿ ಸಿಡಿಯಾ |
ಸಂತರ ಕೇಳದೇ ನುಡಿಯಾ |
ಅಂತರಂಗದ ಸುಖವನು ಪಡಿಯಾ 2
ಅರ |
ವಿಂದನ ಭಜನೆಯ ಸ್ವಾದಾ |
ಮಂದನು ತಿಳಿಯದೆ ಮರೆದಾ |
ತಂದೆ ಮಹೀಪತಿ ನಂದನ ಸಾರಿದಾ 3

ಮೈಹೋಳು ನೀ ಬಂದು ಮೈಯ ಮರಿಯ ಬ್ಯಾಡವೋ
ಮಹಿಮಾನಂದನಂಘ್ರಿಯ ಬಿಡಬ್ಯಾಡವೋ ಧ್ರುವ
ಮಾಯಾ ಮೋಹದೊಳು ಸಿಲ್ಕಿ ದೇಹ್ಯ ಭ್ರಮೆಯಗೊಂಡು
ಕಾಯ ಸೌಖ್ಯಕೆ ಬಾಯಿದೆರಿಯಬ್ಯಾಡವೋ 1
ಹೊನ್ನು ಹೆಣ್ಣು ಮಣ್ಣಿಗಾಗಿ ಬಣ್ಣ ಪರಿಯಲಿನ್ನು
ಕಣ್ಣು ಗೆಟ್ಟು ಕರುಡನಂತೆ ದಣಿಯಬ್ಯಾಡವೋ 2
ನಾನು ನೀನು ಎಂಬ ಭಾವ ಮಹಿಪತಿಗಳೆದು
ಭಾನುಕೋಟಿತೇಜನಂಘ್ರಿ ಬೆರೆದು ಮನಕೂಡವೂ 3

ಹರಿದಾಸನವನೇ ನೋಡಿ|
ಬರೇ ವೇಷ ದೋರಲ ಬೇಡಿ ಪ
ಒಂದರ ಘಳಗೆಯ ಕುಂದದಿ ಕಳೆಯಾ|ಮು|
ಕುಂದನ ನಾಮವ ಛಂದದಲಿಹ 1
ಅನ್ಯರ ದೂಷಿಸಿ ತನ್ನನೇ ಹೊಗಳನು|
ಸಣ್ಣ ದೊಟ್ಟದರಲಿ ಘನ್ನರಿತಿಹ 2
ಹುಲ್ಲ ಮನುಜರಿಗೆ ಹಲ್ಲವದೆರಿಯದೆ|
ಫುಲ್ಲನಾಭನಪದದಲಿಹ ಮನ 3
ಮುಂದಿನ ಹಾನಿಯು ಇಂದಿವೆ ತೋರಲಿ|
ಮುಂದಿಟ್ಟಟಡಿಯನು ಹಿಂದಕೆಳೆಯ 4
ನುಡಿವದು ಸಲಭ ನಡೆವುದು ದುರ್ಲಭ|
ನಡೆನುಡಿಯಲಿ ಸಮಧೃಡಗಂಡಿಹ 5
ಹಂಗವಳಿದು ಸತ್ಸಂಗದಿ ಶ್ರವಣದಿ|
ಕಂಗಳ ಸಿರಿಸುಖ ಮಂಗಳಲಿಹ 6
ತಂದೆ ಮಹಿಪತಿ ನಂದನ ಪ್ರಭುದಯ|
ದಿಂದ ಭವಾಲಯ ಸಂದ ಜರಿದ 7